စံးထီၣ်ပတြၢၤ 40:6 - Sgaw Karen Common Bible

⁶ နတသးလီတၢ်လုၢ်တၢ်ပာ်ဒီး တၢ်လုၢ်မၤဘူၣ်တဖၣ်န့ၣ်ဘၣ်. နတဃ့တၢ်လုၢ်မ့ၣ်အူ ဒီးတၢ်လုၢ်တၢ်ဒဲးဘးန့ၣ်ဘၣ်. မ့မ့ၢ်နအိးထီၣ်ယနၢ်လၢ ယကနၢ်ဟူနၤအဂီၢ်န့ၣ်လီၤ.

စံးထီၣ်ပတြၢၤ 40:6 Iomraidhean Croise

လံာ်စီၤယိၤဘး 33:16

အဝဲကတိၤတၢ်လၢပှၤကညီအနၢ်ပူၤဒီးမၤပျံၤမၤဖုးအီၤလၢ အတၢ်ဟ့ၣ်ပလီၢ်တဖၣ်န့ၣ်လီၤ.

လံာ်စီၤယိၤဘး 5:9

တၢ်မၤအဒိၣ်အမုၢ်လၢကစၢ်ယွၤမၤဝဲတဖၣ်န့ၣ်ပသ့ၣ်ညါနၢ်ပၢၢ် အီၤတသ့ဘၣ်. ဒီးအတၢ်လီၤလိၢ်လီၤလးတဖၣ်န့ၣ်တၢ်ဂံၢ်အီၤ တလၢာ်ဘၣ်.

စံးထီၣ်ပတြၢၤ 139:17

ကစၢ်ယွၤဧၢ, နတၢ်ဆိကမိၣ်တဖၣ်န့ၣ် မ့ၢ်တၢ်လုၢ်ဒိၣ်ပှ့ၤဒိၣ်လၢယဂီၢ်ဆံးဒိၣ်လဲၣ်. မ့ၢ်တၢ်လၢအဒိၣ်ဝဲမုၢ်ဝဲနးမးလဲၣ်.

စံးထီၣ်ပတြၢၤ 139:18

ယမ့ၢ်ဘၣ်ဂံၢ်အီၤဒီး, အဝဲသ့ၣ် အနီၣ်ဂံၢ်ကအါန့ၢ်ဒံး မဲးဧိၤဟီၣ်ဧိၤန့ၣ်လီၤ. တုၤယဖုးသံနီၣ်ထီၣ်ဒီး ယအိၣ်ဒံးဒီးနၤလီၤ.

စံးထီၣ်ပတြၢၤ 50:8

ယတသိၣ်ဃီၣ်နၤလၢ နတၢ်လုၢ်တဖၣ် မ့တမ့ၢ်နတၢ်လုၢ်မ့ၣ်အူတဖၣ်လၢ အအိၣ်လၢယမဲာ်ညါတထံၣ်ဃီအဃိန့ၣ်ဘၣ်

စံးထီၣ်ပတြၢၤ 51:16

အဂ့ၢ်ဒ်အံၤ, နတဘၣ်ဘၣ်နသးလၢတၢ်လုၢ်ဘၣ်. မ့ၢ်ယကဟ့ၣ်နၤတၢ်လုၢ်မ့ၣ်အူလၢ နတဘၣ်ဘၣ်နသးန့ၣ်ဧါ.

စံးထီၣ်ပတြၢၤ 71:15

ယထးခိၣ်ကတဲဖျါထီၣ်နတၢ်တီတၢ်လိၤ အတၢ်ဖံးတၢ်မၤတဖၣ်, နတၢ်အုၣ်က့ၤခီၣ်က့ၤသ့သ့တနံၤလီၤ. အဂ့ၢ်ဒ်အံၤ, ယတသ့ၣ်ညါဘၣ် အတၢ်ဂံၢ်တဖၣ်ဘၣ်.

လံာ်တၢ်ဟးထီၣ်ကွံာ် 21:6

အကစၢ်ကဘၣ်လဲၤကိးအီၤဆူတၢ်ဘူၣ်ထီၣ်ဘါထီၣ်အလီၢ်န့ၣ်လီၤ. ဖဲန့ၣ်အကစၢ်ကဘၣ်မၢအဆၢထၢၣ်လၢတြဲၤမ့တမ့ၢ်တြဲၤအထူၣ်အမဲာ်ညါ ဒီးကမၤထူၣ်ဖျိအနၢ်လီၤ. တုၤနုၤတစုအဝဲကကဲထီၣ်အကစၢ်အကုၢ်တစိၤသးန့ၣ်လီၤ.

လံာ်ယၡါယၤ 1:11

အဝဲစံး, “မ့ၢ်သုဆိကမိၣ်လၢယသးလီကယဲၢ်တၢ်လုၢ်တၢ်ပာ်တဖၣ် လၢသုလုၢ်ထီၣ်ယၤတထံၣ်ဃီအံၤန့ၣ်ဧါ. သိတဖၣ်လၢသုဒွဲၣ် အူအီၤလၢမ့ၣ်အူဒ်တၢ်လုၢ်တၢ်ပာ်တဖၣ် အသိးဒီးသုဆၣ်ဖိကီၢ်ဖိအဂ့ၤတဖၣ်အသိန့ၣ်ယဒိးန့ၢ်တ့ၢ်အီၤ အါန့ၣ်ယလိၣ်ဘၣ်အီၤလံ. ယသးလၢာ်ဂီၤဖံးတဖၣ်, သိတဖၣ်, ဒီးမဲာ်တဲးလဲးတဖၣ်အသွံၣ်လံ.

လံာ်ယၡါယၤ 25:1

ယွၤဧၢ, နမ့ၢ်ယကစၢ်ယွၤလီၤ. ယကမၤလၤကပီၤနၤဒီးစံးထီၣ်ပတြၢၤနမံၤလီၤ. နမၤတ့ၢ်တၢ်လၢအလီၤလိၢ်လီၤလးမးတဖၣ်လီၤ. နတၢ်ကူၣ်တၢ်ကျဲၤလၢပျၢၤတဖၣ်န့ၣ်နမၤလၢထီၣ် ပှဲၤထီၣ်အီၤလၢတၢ်သူၣ်တီသးရၤအပူၤလီၤ.

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်ဟိၤၡ့ 6:6

ယသးလီသုတၢ်အဲၣ်လၢအအိၣ်စံၣ်အိၣ်ကျၢၤ. တမ့ၢ်ဘၣ်သုဆၣ်ဖိကီၢ်ဖိအတၢ်လုၢ်တၢ်ပာ်တဖၣ်ဘၣ်. ယအဲၣ်ဒိးယပှၤဂီၢ်မုၢ်သ့ၣ်ညါယၤအါန့ၢ်ဒံးတၢ်ဆိၣ်ကဲၤတၢ်လုၢ် တၢ်ပာ်တဖၣ်ဆူယအိၣ်တက့ၢ်န့ၣ်လီၤ.

လံာ်ဧၤမိၣ် 5:22

တုၤသုဟဲစိာ်န့ၢ်ယၤတၢ်လုၢ်မ့ၣ်အူတဖၣ်ဒီးတၢ်လုၢ်ဘုဧိၤဟုဧိၤ တဖၣ်န့ၣ်ယတတူၢ်လိာ်ဘၣ်အီၤဘၣ်. ဒီးဆၣ်ဖိကီၢ်ဖိတဖၣ်လၢသုမၤဘီၣ်ထီၣ်တ့ၢ်အီၤလၢသုကဟဲစိာ် ဆူယအိၣ်ဒ်တၢ်မၤဘူၣ်တဖၣ်န့ၣ်, ယတတူၢ်လိာ်ဘၣ်အီၤဘၣ်.

လံာ်မးသဲ 12:7

တၢ်ကွဲးအသးစံးဝဲ, ‘ဘၣ်ယသးလၢတၢ်သူၣ်ကညီၤသးကညီၤ ဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ (ဟိၤ. ၆:၆). သုမ့ၢ်နၢ်ပၢၢ်တၢ် ကွဲးအသးအံၤအခီပညီနီၢ်နီၢ်ဒီးသုတစံၣ်ညီၣ်ဘၣ်ပှၤလၢအတၢ် ကမၣ်တအိၣ်တဖၣ်န့ၣ်ဘၣ်.

လံာ်မးသဲ 9:13

လဲၤဒီးဃုနၢ်ပၢၢ်တၢ်ကွဲးအသးလၢအစံး, ‘ယအဲၣ်ဒိးတၢ်သူၣ် ကညီၤသးကညီၤဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ အခီပညီတက့ၢ်. အဂ့ၢ်ဒ်အံၤ, ယဟဲလၢယကကိးန့ၢ် ပှၤတၢ်ဒဲးဘးဖိဒီးတမ့ၢ်ဘၣ်ပှၤတီပှၤလိၤတဖၣ်ဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 15:22

စီၤၡမူၤအ့လးစံးဝဲ, “ယွၤဘၣ်အသးလၢတၢ်မနုၤတမံၤလဲၣ်. တၢ်စူၢ်အကလုၢ်ဧါ. မ့တမ့ၢ်ဘၣ်ဒီးတၢ်မၤဘူၣ်တဖၣ်ဒီးတၢ်လုၢ်တၢ် ပာ်တဖၣ်ဧါ. ဂ့ၤဒိၣ်တက့ၢ်လၢတၢ်စူၢ်အီၤအါန့ၣ်ဒံးတၢ်ကလုၢ်ထီၣ်ပာ်ထီၣ်သိ ဖိအဂ့ၤကတၢၢ်တဖၣ်ဆူအအိၣ်န့ၣ်လီၤ.