စံးထီၣ်ပတြၢၤ 40:2 - Sgaw Karen Common Bible

² အဝဲထုးထီၣ်ကွံာ်တ့ၢ်ယၤလၢတၢ်ပူၤလၢအလီၤပျံၤ လၢတၢ်သံအမဲးလီၤဘျၢၣ်အပူၤန့ၣ်လီၤ. အဝဲပာ်ယခိၣ်လၢလၢၢ်အဖီခိၣ် ဒီးမၤဂၢၢ်မၤကျၢၤယခီၣ်အတၢ်ထွဲတဖၣ်လီၤ.

စံးထီၣ်ပတြၢၤ 40:2 Iomraidhean Croise

စံးထီၣ်ပတြၢၤ 116:3

တၢ်သံအတၢ်ပျံၤတၢ်ဖုးအိၣ်ဝးတရံးယၤ, တၢ်သွၣ်ခိၣ်အတၢ်လီၤပျံၤလီၤဖုး အိၣ်ဘူးဒီးယၤန့ၣ်လီၤ. ယပှဲၤလုာ်ကွံာ်ဒီးတၢ်ပျံၤတၢ်ဖုး ဒီးတၢ်ဘၣ်ယိၣ်ဘၣ်ဘီန့ၣ်လီၤ.

စံးထီၣ်ပတြၢၤ 119:133

ဒုးထွဲယခီၣ်လၢနကလုၢ်ကထါအပူၤဒ်နအၢၣ်လီၤတ့ၢ်အသိး န့ၣ်တက့ၢ်. ဒီးမ်တၢ်အၢတၢ်သီအသုတပၢယၤနီတမံၤတဂ့ၤ.

စံးထီၣ်ပတြၢၤ 143:3

ယဒုၣ်ယဒါတဖၣ်လူၤမၤလီၤဃံၤတ့ၢ်ယၤ ဒီးမၤနၢၤကွံာ်တ့ၢ်လံယၤလၢာ်လၢာ်ဆ့ဆ့န့ၣ်လီၤ. ပာ်ယၤလၢတၢ်ခံးတၢ်နၤအတၢ်စၢဃာ်အပူၤ ဒီးယမၤယသးလီၤဂာ်ဒ် ပှၤလၢအသံတ့ၢ်ဃဲးဃဲးအသိးန့ၣ်လီၤ.

စံးထီၣ်ပတြၢၤ 17:5

ယလဲၤတ့ၢ်တၢ်လၢနကျဲအပူၤထီဘိ ဒီးယတဟးဖးဒီးအီၤနီတဘျီဘၣ်.

စံးထီၣ်ပတြၢၤ 18:36

နမၤလဲၢ်ထီၣ်ယခီၣ်ထွဲတၢ်အလီၢ်, ဒီးယခီၣ်တလီၤတလံာ်နီတဘျီဘၣ်.

စံးထီၣ်ပတြၢၤ 18:7

တုၤနုၤတစုဟီၣ်ခိၣ်ဟူးဝးဒီးဆှဲးဆှိးဝဲ, ကစၢၢ်တဖၣ်အခီၣ်ထံးသုးအသးဒီးဟူးဝးဝဲ, မ့ၢ်လၢကစၢ်ယွၤသးဒိၣ်ထီၣ်အဃိန့ၣ်လီၤ.

စံးထီၣ်ပတြၢၤ 27:5

အဂ့ၢ်ဒ်အံၤ, လၢတၢ်ကိၢ်တၢ်ဂီၤအမုၢ်နံၤန့ၣ်, အဝဲကပာ်ခူသူၣ်ယၤ, ကမၤပူၤဖျဲးယၤလၢအတၢ်လုၢ်ဟံၣ်အပူၤ ဒီးပာ်ယၤလၢလၢၢ်ထီၣ်ထီအဖီခိၣ်န့ၣ်လီၤ.

စံးထီၣ်ပတြၢၤ 37:23

ယွၤနဲၣ်လိပှၤကညီအကျဲလၢကဘၣ်လဲၤဝဲ ဒီးကဟုဘံၣ်ကယာ်ဘၢပှၤလၢ အမၤမုာ်အသးန့ၣ်လီၤ.

စံးထီၣ်ပတြၢၤ 61:2

လၢတၢ်သးဟးဂီၤဒီး တၢ်အိၣ်ယံၤဒီး ဟံၣ်အပူၤန့ၣ်ယကိးထီၣ်နၤလီၤ. ဆှၢယၤဆူတၢ်ပူၤဖျဲးအလီၢ်တတီၤန့ၣ်တက့ၢ်.

စံးထီၣ်ပတြၢၤ 69:2

ယလီၤဘျၢလၢကပံာ်ယိာ်အကျါ, ဒီးဆၢထၢၣ်အလီၢ်တအိၣ်ဘၣ်. ယဟဲနုာ်တ့ၢ်လၢထံယိာ်အကျါ, ဒီးထံလုၣ်ဘၢယၤလီၤ.

စံးထီၣ်ပတြၢၤ 71:20

နမ့ၢ်ပှၤလၢအဒုးထံၣ်တ့ၢ်လံယၤလၢ တၢ်ကိၢ်တၢ်ဂီၤအဒိၣ် ဘၣ်ဆၣ်နကမၤဆူၣ်ထီၣ်ကဒီးယၤလီၤ. လၢဟီၣ်ခိၣ်အတၢ်ယိာ်တဖၣ်အပူၤန့ၣ် နကဒုးဟဲက့ၤထီၣ်ကဒီးယၤလီၤ.

စံးထီၣ်ပတြၢၤ 86:13

နတၢ်အဲၣ်ဂၢၢ်ကျၢၤလၢယဂီၢ်အံၤဒိၣ်ဝဲဆံးဒိၣ်လဲၣ်. နအုၣ်က့ၤခီၣ်က့ၤတ့ၢ်လံယၤလၢ ပျုၤယိာ်အပူၤန့ၣ်လံ.

လံာ်ယၡါယၤ 24:22

ကစၢ်ယွၤကပာ်ဖှိၣ်ကတံာ်ကတူာ်စီၤပၤတဖၣ်တပူၤဃီ, ဒ်ပှၤဃိာ်ဖိတဖၣ်လၢတၢ်ပူၤတပူၤအသိးန့ၣ်လီၤ. အဝဲကကးတံာ်အဝဲသ့ၣ်လၢဃိာ်ပူၤတုၤတၢ်စံၣ်ညီၣ်အဝဲသ့ၣ် အကတီၢ်ဟဲဝဲလီၤ.

လံာ်စကၤရယၤ 9:11

ယွၤစံးဝဲဒၣ်, “မ့ၢ်လၢယတၢ်အၢၣ်လီၤအီလီၤလၢယမၤဒီးနၤ လၢအဘၣ်တၢ်စဲပနီၣ်ဃာ်အီၤ လၢတၢ်လုၢ်တဖၣ်အတၢ်သွံၣ်အဃိဒီး, ယကမၤထူၣ်ဖျဲးနပှၤဂီၢ်မုၢ်, ကထူၣ်ဖျဲးထီၣ်လၢတၢ်ကဲကုၢ်အတၢ်ယိာ်ပူၤ, ဖဲထံတအိၣ်ဘၣ်အလီၢ်န့ၣ်လီၤ.

လံာ်မးသဲ 13:50

ဒီးတ့ၢ်လီၤကွံာ်အဝဲသ့ၣ်ဆူမ့ၣ်အူအဖၣ်ကပူၤ, ဖဲအဝဲသ့ၣ်ကဟီၣ်တၢ်ယၢၤတၢ်ဒီးကအ့ၣ်စဃံးအမဲန့ၣ်လီၤ.”

မၤတၢ် 2:24

ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးမၤထူၣ်ဖျဲးထီၣ်အီၤလၢတၢ်သံအစိကမီၤအဖီလာ်, မ့ၢ်လၢတၢ်သံဟံးဃာ်အီၤတသ့လ့ၤတက့ၤဘၣ်အဃိလီၤ.