စံးထီၣ်ပတြၢၤ 40:10 - Sgaw Karen Common Bible

¹⁰ ယတပာ်ခူသူၣ်နတၢ်မၤပူၤဖျဲးအဂ့ၢ်လၢ ယသးပူၤန့ၣ်ဘၣ်. ယစံးဘၣ်တဲဘၣ်လံယဲနတၢ်သူၣ်တီသးလိၤဒီး နတၢ်မၤပူၤမၤဖျဲးအဂ့ၢ်န့ၣ်လံ. ယတပာ်ခူသူၣ်နတၢ်အဲၣ်ဂၢၢ်ကျၢၤဒီး နတၢ်သူၣ်တီသးလိၤအဂ့ၢ် လၢပှၤဂီၢ်မုၢ်အတၢ်အိၣ်ဖှိၣ်ရိဖှိၣ်န့ၣ်ဘၣ်.

စံးထီၣ်ပတြၢၤ 40:10 Iomraidhean Croise

စံးထီၣ်ပတြၢၤ 22:26

ပှၤဖှီၣ်ဖိယာ်ဖိတဖၣ်ကအီၣ်တၢ်ဒ် အဝဲသ့ၣ်ဆၢအီၣ်ဘၣ်ဝဲအသိး, ပှၤလၢအဟဲဆူယွၤအအိၣ်တဖၣ် ကစံးထီၣ်ပတြၢၤအီၤလီၤ. မ်အဝဲသ့ၣ်ဘီၣ်ထီၣ်ညီထီၣ်ထီဘိတထံၣ်ဃီတက့ၢ်.

စံးထီၣ်ပတြၢၤ 25:10

ပှၤလၢအပၢၤဃာ်ယွၤအတၢ်အၢၣ်လီၤဒီး ဒိကနၣ်အတၢ်မၤလိာ်တဖၣ်န့ၣ်, အဝဲဆှၢဝဲလၢတၢ်သးတီဒီးတၢ်အဲၣ်အပူၤန့ၣ်လီၤ.

စံးထီၣ်ပတြၢၤ 34:6

ပှၤဖှီၣ်ယာ်တဂၤအံၤကိးထီၣ်ဝဲ, ဒီးယွၤနၢ်ဟူအီၤ, ဒီးမၤပူၤဖျဲးအီၤလၢ အတၢ်ကိၢ်တၢ်ဂီၤခဲလၢာ်န့ၣ်လီၤ.

စံးထီၣ်ပတြၢၤ 75:9

ဘၣ်ဆၣ်ယကသူၣ်ခုသးခုထီဘိ, ယကသးဝံၣ်စံးထီၣ်ပတြၢၤ စီၤယၤကိာ်အကစၢ်ယွၤန့ၣ်လီၤ.

စံးထီၣ်ပတြၢၤ 89:1

ယွၤဧၢ, ယကသးဝံၣ်ထီၣ်နတၢ်အဲၣ်ဂၢၢ်ကျၢၤ လီၤထူလီၤယိာ်, ယကဘိးဘၣ်သ့ၣ်ညါနတၢ်သူၣ်တီသးလိၤလၢ ကယဲၢ်စိၤခဲလၢာ်လၢယထးခိၣ်လီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယဃ့းစက့လး 2:7

တၢ်တမံၤဂ့ၤတမံၤဂ့ၤလၢယတဲဘၣ်နၤလၢနကဘၣ်စံးကတိၤအီၤန့ၣ်, အဝဲသ့ၣ်ဒိကနၣ်ဝဲမ့ၢ်ဂ့ၤ, တဒိကနၣ်ဝဲမ့ၢ်ဂ့ၤနကဘၣ်တဲဘၣ်အဝဲ သ့ၣ်န့ၣ်လီၤ. သ့ၣ်နီၣ်ထီၣ်က့ၤလၢအဝဲသ့ၣ်မ့ၢ်ပှၤပူထီၣ်တၢ်ဖိ တဖၣ်ဒ်လဲၣ်န့ၣ်တက့ၢ်.

လံာ်မံကၤ 7:20

နကဒုးနဲၣ်နတၢ်သးတီဒီးတၢ်အဲၣ်တပယူာ်ဃီဆူနပှၤဂီၢ်မုၢ်, စီၤအၤဘြၣ်ဟၣ်ဒီးစီၤယၤကိာ်အစၢၤအသွဲၣ်တဖၣ်, ဒ်နအၢၣ်လီၤတ့ၢ်တၢ်ဒီးပမိၢ်ပၢ်ဖံဖုသ့ၣ်လၢပျၢၤလံၤလံၤအသိး န့ၣ်လီၤ.

လံာ်လူၤကၣ် 3:6

ပှၤဟီၣ်ခိၣ်ဖိကိးဂၤဒဲး ကထံၣ်ဘၣ် ကစၢ်ယွၤအတၢ်အုၣ်က့ၤခီၣ်က့ၤလီၤ.’ ”

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

ရိမ့ၤ 10:3

အဝဲသ့ၣ်တသ့ၣ်ညါကစၢ်ယွၤအတၢ်ပာ်တီပာ်လိၤပှၤ အကျဲဘၣ်ဒီးကျဲးစၢးဒုးအိၣ်ထီၣ်အကျဲဒၣ်ဝဲ, သတးဒီးအဝဲသ့ၣ်တဟ့ၣ်လီၤအသးဆူကစၢ်ယွၤအကျဲလၢ အပာ်တီပာ်လိၤတၢ်အပူၤန့ၣ်ဘၣ်.

ဖံလံးပံၤ 3:9

ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.

၁ သ့းစၤလနံ 1:8

အဂ့ၢ်ဒ်အံၤ, တမ့ၢ်ထဲလၢတၢ်ကစီၣ်လၢသုရၤလီၤအီၤဘၣ်ဃးဒီး ကစၢ်န့ၣ်လဲၤတုၤကီၢ်မၤက့းဒနံဒီးကီၢ်အဃါယၤဒီကီၢ်န့ၣ်ဘၣ်. မ့မ့ၢ်, တၢ်ကစီၣ်ဘၣ်ဃးဒီးသုတၢ်စူၢ်တၢ်နာ်ကစၢ်ယွၤန့ၣ်လဲၤတုၤ လၢတၢ်လီၢ်ကိးပူၤဒဲးလီၤ. လၢတၢ်န့ၣ်အဃိ, ပစံးတၢ်အလီၢ် တအိၣ်နီတမံၤဘၣ်.

၁ တံၤမသ့း 1:15

အအံၤမ့ၢ်တၢ်ကတိၤအမ့ၢ်အတီလၢပှၤဂ့ၤတူၢ်လိာ်ဒီးနာ် အီၤလၢာ်လၢာ်ဆ့ဆ့, လၢယ့ၣ်ၡူးခရံာ်ဟဲလီၤဆူဟီၣ်ခိၣ်ချၢဒ်သိးအကအုၣ်က့ၤ ခီၣ်က့ၤပှၤတၢ်ဒဲးဘးဖိတဖၣ်လၢယမ့ၢ်အဒိၣ်ကတၢၢ်တဂၤ န့ၣ်လီၤ.

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.