စံးထီၣ်ပတြၢၤ 4:8 - Sgaw Karen Common Bible

⁸ ယကမံလီၤဒီးမံယဲမုာ်မုာ်လီၤ. ယွၤဧၢ, နမ့ၢ်ပှၤထဲတဂၤဧိၤလၢအကဟုဘံၣ် ကယာ်ဘၢယၤလၢလၢပှဲၤပှဲၤန့ၣ်လီၤ.

စံးထီၣ်ပတြၢၤ 4:8 Iomraidhean Croise

စံးထီၣ်ပတြၢၤ 16:11

နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

စံးထီၣ်ပတြၢၤ 3:5

ယမံလီၤယဲ, ဒီးယွၤကဟုဘံၣ်ကယာ်ဘၢယၤ ဒီတနၤညါလၢယတၢ်မံအပူၤလီၤ.

တၢ်ကတိၤဒိ. 3:24

တုၤနမံလီၤလၢလီၢ်မံခိၣ်ဒီးနတပျံၤဘၣ်တၢ်ဘၣ်. ဒီးနကမံလၢတၢ်သူၣ်တုၤလီၤသးတုၤလီၤအပူၤသီတနၤကျၢၤလီၤ.

လံာ်ယၡါယၤ 9:2

ပှၤလၢအဟးတ့ၢ်ဝဲလၢတၢ်ခံးတၢ်နၤအပူၤတဖၣ် ထံၣ်တ့ၢ်တၢ်ကပီၤဖးဒိၣ်လီၤ. အဝဲသ့ၣ်အိၣ်မူတ့ၢ်ဝဲလၢကီၢ်လၢအပှဲၤဒီးတၢ်ကဒုတဖၣ်, ဘၣ်ဆၣ်ဒီးအခဲအံၤတၢ်ကပီၤဆဲးလီၤဘၣ်အဝဲသ့ၣ်လီၤ.

လံာ်ယဃ့းစက့လး 34:25

ယကမၤတၢ်အၢၣ်လီၤအီလီၤတမံၤဒီးအဝဲသ့ၣ်လၢအအုၣ်ခီၣ်အသး လၢအဝဲသ့ၣ်အတၢ်ဘံၣ်တၢ်ဘၢအဂီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်ကယဲၢ်ဆၣ်ဖိကီၢ်ဖိလၢအလီၤပျံၤလီၤဖုးတဖၣ်ခဲလၢာ်လၢကီၢ်ပူၤ လၢာ်လၢာ်ဆ့ဆ့ဒ်သိးယသိတဖၣ်အိၣ်ဆိးဘၣ်ပူၤပူၤဖျဲးဖျဲးလၢ စံာ်ပူၤပျီပူၤတဖၣ်အပူၤဒီးမံလီၤလၢပှၢ်တဖၣ်အပူၤကသ့ဝဲန့ၣ်လီၤ.

လံာ်ဟိၤၡ့ 2:18

ဖဲအဆၢကတီၢ်အဝဲန့ၣ်, ယကမၤတၢ်အၢၣ်လီၤအီ လီၤတမံၤဒီးကယဲၢ်ဆၣ်ဖိကီၢ်ဖိအမံၤတဖၣ်ဒီးထိၣ်တဖၣ် ဒ်သိးအဝဲသ့ၣ်တဖၣ်အသုတမၤဆါဘၣ်ယပှၤဂီၢ်မုၢ်တဂ့ၤန့ၣ်လီၤ. ယကသုးကွံာ်စ့ၢ်ကီးတၢ်ဒုးတၢ်ယၤအတၢ်စုကဝဲၤခဲလၢာ်လၢကီၢ် ပူၤ, ကယဲၢ်ဘီတဖၣ်ဒီးချံၣ်တဖၣ်ဒီးကဒုးအိၣ်ဒုး ဆိးယပှၤဂီၢ်မုၢ်လၢတၢ်ဃူတၢ်ဖိးဒီးတၢ်အိၣ်ပူၤအိၣ်ဖျဲးအပူၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:5

သုတၤသူတၤသၣ်တဖၣ်ကအိၣ်ပှဲၤလုၣ်ကွံာ်တုၤ, သုကကူးဒံးဘုဧိၤဟုဧိၤဖဲတၢ်ဒဲးစပံးသၣ်တဖၣ်အကတီၢ်, ဒီးသုကဒဲးဒံးစပံးသၣ်တဖၣ်ဖဲတၢ်သူၣ်လီၤဘုဧိၤဟုဧိၤအကတီၢ်န့ၣ်လီၤ. သုကအိၣ်ဒီးတၢ်လၢသုအဲၣ်ဒိးအီၣ်အီၤခဲလၢာ်, ဒီးသုကအိၣ်ဆိးပူၤဖျဲးလၢသုထံသုကီၢ်အပူၤန့ၣ်လီၤ.

လံာ်သိၣ်လီၤသီလီၤတၢ် 12:10

တုၤသုခီဂာ်ထံကျိယၢ်ဒ့ၣ်န့ၣ်, ယွၤကပျဲသုမၤန့ၢ်ကီၢ်န့ၣ် ဒီးအိၣ်ဆိးဖဲန့ၣ်လီၤ. အဝဲကကဟုကယာ်သုလၢကယဲၢ်သုဒုၣ်သုဒါခဲလၢာ်ဒီးသုကအိၣ်ဆိး ပှဲၤဒီးတၢ်ဃူတၢ်မုာ်န့ၣ်လီၤ.

၁ သ့းစၤလနံ 5:10

လၢအသံလၢပဂီၢ်ဒ်သိးဖဲအဝဲဒၣ်ဟဲက့ၤအခါန့ၣ်ပမူမ့ၢ်ဂ့ၤ, ပသံမ့ၢ်ဂ့ၤ, ပကအိၣ်ဘၣ်ဒီးအီၤတပူၤဃီအဂီၢ်န့ၣ်လီၤ.

လံာ်လီၣ်ဖျါ 14:13

အန့ၣ်ဝံၤဒီး, ယနၢ်ဟူတၢ်ကလုၢ်သီၣ်လၢမူခိၣ်ဒီးစံးဝဲ, “ကွဲးတၢ်ဒ်အံၤတက့ၢ်. ပှၤသ့ၣ်တဖၣ်လၢစးထီၣ်ခဲအံၤဒီးဆူညါသံဝဲလၢတၢ်မၤ ကစၢ်အတၢ်မၤအပူၤန့ၣ်, ဘၣ်ဆိၣ်ဂ့ၤဝဲလီၤ.” ယွၤအသးစံးဆၢဝဲ, “မ့ၢ်သပှၢ်ကတၢၢ်လီၤ. အဝဲသ့ၣ်ကမုာ်လၤလၢတၢ်အိၣ်ဘှံးက့ၤလၢ အတၢ်ဖံးတၢ်မၤအဆူၣ်အကိၤန့ၣ်လီၤ. အဂ့ၢ်ဒ်အံၤ, အဝဲသ့ၣ်အတၢ်ဖံးတၢ်မၤအဘျုးအဖှိၣ်တဖၣ်ကပိာ်ထွဲအဝဲသ့ၣ် အခံန့ၣ်လီၤ.”