စံးထီၣ်ပတြၢၤ 4:7 - Sgaw Karen Common Bible

⁷ တၢ်သးခုလၢနဟ့ၣ်ယၤန့ၣ်, ဒိၣ်န့ၢ်အဝဲသ့ၣ် အတၢ်သးခုလၢအအိၣ်ဒီးအီၤ ဖဲအဘုဧိၤဟုဧိၤဒီးအစပံးထံအိၣ်ဝဲ အါအါဂီၢ်ဂီၢ်အခါန့ၣ်လီၤ.

စံးထီၣ်ပတြၢၤ 4:7 Iomraidhean Croise

စံးထီၣ်ပတြၢၤ 31:17

ယကိးထီၣ်နၤ, ယွၤဧၢ, ပျဲယဘၣ်တၢ်မဲာ်ဆှးတဂ့ၤ. မ်ပှၤအၢပှၤသီသ့ၣ်တဖၣ် ဘၣ်တၢ်မၤမဲာ်ဆှးအီၤတက့ၢ်. မ်အဝဲသ့ၣ်လဲၤလီၤဘှီၣ်ကလာ်ဆူ တၢ်သံအကီၢ်ပူၤန့ၣ်တက့ၢ်.

စံးထီၣ်ပတြၢၤ 37:4

ဃုနတၢ်သးခုလၢယွၤအပူၤတက့ၢ်. ဒီးအဝဲကဟ့ၣ်နၤတၢ်လၢ နသးဆၢန့ၢ်ဘၣ်အီၤန့ၣ်လီၤ.

စံးထီၣ်ပတြၢၤ 43:4

အန့ၣ်ဒီးကစၢ်ယွၤဧၢ, ယကလဲၤဆူနတၢ်လုၢ်လီၢ်, ဆူယွၤလၢအမ့ၢ်ယတၢ်သးခုအဂံၢ်ထံး အအိၣ်န့ၣ်လီၤ. ကစၢ်ယွၤ, ယကစၢ်ယွၤဧၢ, ယကဒ့တနၢ်ဒီးသးဝံၣ်စံးထီၣ်ပတြၢၤနၤလီၤ.

စံးထီၣ်ပတြၢၤ 67:2

ဒ်သိးပှၤဟီၣ်ခိၣ်ဖိကသ့ၣ်ညါအကျဲ, ပှၤကလုာ်ခဲလၢာ်ကသ့ၣ်ညါ အတၢ်အုၣ်က့ၤခီၣ်က့ၤအစိကမီၤန့ၣ်တက့ၢ်.

စံးထီၣ်ပတြၢၤ 80:4

ယွၤသ့တၢ်လၢာ်အကစၢ်ယွၤဧၢ, မ့ၢ်နကသးထီၣ်နပှၤဂီၢ်မုၢ် အတၢ်ထုကဖၣ်န့ၣ်ဆံးယံာ်လဲၣ်.

စံးထီၣ်ပတြၢၤ 92:4

ယွၤဧၢ, အဂ့ၢ်ဒ်အံၤ နဒုးသးခုတ့ၢ်လံယၤလၢနတၢ်မၤဖးဒိၣ်တဖၣ်အဃိ, ဒီးနစုအတၢ်ဖံးတၢ်မၤတဖၣ်န့ၣ် ယကသးဝံၣ်ထီၣ်အီၤလၢတၢ်သူၣ်ဖှံသးညီလီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:4

ကိးဃုာ်ယၤတက့ၢ်, ဒီးပကဃ့ၢ်ပိာ်လိာ်ပခံလီၤ. မ်နကဲထီၣ်ယစီၤပၤ, ဒီးကိးနုာ်ယၤဆူနဒၢးပူၤတက့ၢ်. ပကမုာ်လၤသးခုဒီးမၤလၢာ်ပဆၢကတီၢ်လၢတၢ်အဲၣ်ယိာ်အပူၤ အါန့ၢ်ဒံးလၢစပံးထံအပူၤတက့ၢ်လီၤ. ပှၤပိာ်မုၣ်ခဲလၢာ်အဲၣ်နၤန့ၣ်တလီၤကမၢကမၣ်ဘၣ်.

လံာ်ယၡါယၤ 9:3

ယွၤဧၢ, နဟ့ၣ်တ့ၢ်အဝဲသ့ၣ်လၢတၢ်သးခုဖးဒိၣ်, ဒီးနမၤသူၣ်ဖှံသးညီတ့ၢ်အဝဲသ့ၣ်န့ၣ်လီၤ. အဝဲသ့ၣ်သးမုာ်သးခုဝဲလၢတၢ်လၢနမၤတ့ၢ်, ဒ်ပှၤသးမုာ်သးခုဝဲဖဲအဝဲသ့ၣ်ကူးက့ၤဘုခ့အကတီၢ်, မ့တမ့ၢ်, ဖဲအဝဲသ့ၣ်နီၤဟ့ၣ်လိာ်အသးလၢတၢ် ထူးတၢ်တီၤလၢအဂုာ်န့ၢ်ဝဲအကတီၢ်, အသိးန့ၣ်လီၤ.

လံာ်ယံးရမံယၤ 48:33

တၢ်သူၣ်ဖှံသးညီဒီး တၢ်သူၣ်ခုသးခုဘၣ်တၢ်ဟံး ထီၣ်ကွံာ်လၢ ကီၢ်မိၤအးအဟီၣ်ခိၣ်ညၣ်ထ့ၣ်အဂ့ၤ အပူၤလီၤ. ယဒုးဆိကတီၢ် စပံးထံအတၢ်ယွၤလီၤလၢ နီၣ်စံၢ်စပံးသၣ်တဖၣ်အပူၤန့ၣ်လီၤ. ပှၤတအိၣ်နီတဂၤဘၣ် လၢကယီၢ်စပံးသၣ်ဒီး ကိးထီၣ်လၢတၢ်သးခုအပူၤန့ၣ်ဘၣ်.

လံာ်တၢ်ဂံၢ် 6:25

မ်ယွၤသူၣ်ကညီၤသးကညီၤနၤဒီးအဘျုးအဖှိၣ်အိၣ်လၢနဖီခိၣ်တက့ၢ်.

မၤတၢ် 14:17

ဘၣ်ဆၣ်ဒီးအဝဲဟ့ၣ်တ့ၢ်လံတၢ်အုၣ်အသးထီဘိဘၣ်ဃးအနီၢ် ကစၢ်ဒၣ်ဝဲအဂ့ၢ်ခီဖျိတၢ်မၤအဂ့ၤအဝါလၢအမၤဝဲတဖၣ်န့ၣ်လီၤ. အဝဲဒၣ်ဒုးစူၤလီၤတၢ်လၢမူခိၣ်လၢသုဂီၢ်, ဒီးဒုးသၣ်ထီၣ်ဘုဟုတၤသူတၤသၣ်ဘၣ်ဆၢဘၣ်ကတီၢ်, အဝဲဒၣ်ဟ့ၣ်သုတၢ်အီၣ်တၢ်အီ, ဒီးမၤပှဲၤသုသးလၢတၢ်သူၣ် ဖှံသးညီန့ၣ်လီၤ.”

၁ ပ့းတရူး 1:8

သုတထံၣ်ဘၣ်ဒံးအီၤသနာ်က့သုအဲၣ်အီၤ, ဒီးသုတထံၣ်အီၤခဲအံၤသနာ်က့သုနာ်အီၤ န့ၣ်လီၤ. လၢတၢ်န့ၣ်အဃိ, သုသူၣ်ခုသးခုလၢတၢ်သးခုဖးဒိၣ်ဒီးတၢ်သးခုလၢ အပှဲၤဒီးတၢ်လၤကပီၤလၢပစံးကတိၤလၢအဂ့ၢ်တသ့ဘၣ်.

လံာ်ပှၤစံၣ်ညီၣ်ကွီၢ် 9:27

အဝဲသ့ၣ်ခဲလၢာ်လဲၤနုာ်ဆူပှၤၡက့ၣ်ဖိတဖၣ်အစပံးလီၢ် ဒီးဒဲးန့ၢ်စပံးသၣ်တဖၣ်ဒီးမၤန့ၢ်ဝဲစပံးထံဒီးမၤမူးသးဖှံန့ၣ်လီၤ. အဝဲသ့ၣ်လဲၤနုာ်ဆူပှၤၡက့ၣ်ဖိတဖၣ်အကစၢ်အတၢ်လုၢ်ဟံၣ်အပူၤ ဒီးအီမူၤအသးဒီးကတိၤဒုၣ်ဒွဲၣ်စီၤအဘံၤမ့လ့းန့ၣ်လီၤ.