စံးထီၣ်ပတြၢၤ 4:5 - Sgaw Karen Common Bible

⁵ လုၢ်တၢ်လုၢ်အတီအလိၤတဖၣ်, ဒီးသန့ၤသုသးလၢယွၤတက့ၢ်. စ့လၤ

စံးထီၣ်ပတြၢၤ 4:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:12

ဒီးဖဲအဝဲလုၢ်ထီၣ်တၢ်လုၢ်တၢ်ပာ်တဖၣ်အခါနၣ်, စီၤအးဘၡါလိၣ်မၢပှၤလဲၤကိးန့ၢ်အီၤစီၤအဃံၤသဖ့လးလၢအမ့ၢ် စီၤပၤဒၤဝံးအပှၤဟ့ၣ်ကူၣ်ဟ့ၣ်ဖးတၢ်တဖၣ်အကျါတဂၤ, လၢအအိၣ်ဝဲလၢဝ့ၢ်ကံလိၤန့ၣ်လီၤ. တၢ်ကူၣ်အၢထီဒါစီၤပၤန့ၣ်, အဂံၢ်အဘါဆူၣ်ထီၣ်ဝဲ, ဒီးပှၤပိာ်စီၤအးဘၡါလိၣ်အခံန့ၣ်အနီၣ်ဂံၢ်အါထီၣ်ဝဲဒၣ်လီၤ.

စံးထီၣ်ပတြၢၤ 2:12

ဒီးဆီၣ်လီၤသုသးလၢအဖီလာ်တက့ၢ်. မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး, ဒီးသုကသံသတူၢ်ကလာ်လီၤ. ပှၤလၢအအိၣ်ကဒုလၢယွၤအပူၤခဲလၢာ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

စံးထီၣ်ပတြၢၤ 26:1

ယွၤဧၢ, စံၣ်ညီၣ်ယၤတက့ၢ်. အုၣ်နသးလၢယတၢ်ကမၣ်တအိၣ်ဘၣ်အဂ့ၢ်တက့ၢ်. အဂ့ၢ်ဒ်အံၤ, ယမၤတၢ်လၢအမ့ၢ်အတီ ဒီးယနာ်နၤလၢလၢပှဲၤပှဲၤလီၤ.

စံးထီၣ်ပတြၢၤ 37:3

သန့ၤနသးလၢယွၤဒီးမၤတၢ်ဂ့ၤတက့ၢ်. အန့ၣ်ဒီးနကအိၣ်နဲကဆိးနဲလၢထံဧိၤကီၢ်ဧိၤအပူၤ ဒီးမုာ်လၤသးခုလၢတၢ်ပူၤဖျဲးအပူၤန့ၣ်တက့ၢ်.

စံးထီၣ်ပတြၢၤ 50:14

မ်တၢ်စံးဘျုးစံးဖှိၣ်အတၢ်ဟ့ၣ်န့ၣ် မ့ၢ်နတၢ်လုၢ်ထီၣ်ဆူကစၢ်ယွၤ, ဒီးဟ့ၣ်သ့တၢ်လၢာ်တဂၤလၢ ကယဲၢ်နတၢ်အၢၣ်လီၤခဲလၢာ်န့ၣ်တက့ၢ်.

စံးထီၣ်ပတြၢၤ 51:19

တုၤနုၤတစု, နကဘၣ်နသးလၢ တၢ်တီတၢ်လိၤအတၢ်လုၢ်တဖၣ် ဒီးလၢပတၢ်လုၢ်မ့ၣ်အူတဖၣ်န့ၣ်လီၤ. ဒီးဂီၤဖံးဖါတဖၣ်ကဘၣ်တၢ်လုၢ်ထီၣ်အီၤလၢ နတၢ်လုၢ်လီၢ်အဖီခိၣ်န့ၣ်လီၤ.

စံးထီၣ်ပတြၢၤ 62:8

ပှၤဂီၢ်မုၢ်သ့ၣ်ဧၢ, သန့ၤသုသးလၢအီၤကိးအကတီၢ်ဒဲး ဒီးတဲအီၤလၢသုတၢ်ကိၢ်တၢ်ဂီၤခဲလၢာ်န့ၣ်တက့ၢ်. ကစၢ်ယွၤမ့ၢ်တၢ်ပူၤဖျဲးအလီၢ်လၢပဂီၢ်လီၤ. စ့လၤ

စံးထီၣ်ပတြၢၤ 77:7

“မ့ၢ်ယွၤကညိကွံာ်ပှၤထီဘိဧါ. မ့ၢ်အဝဲတဘၣ်သူၣ်ဘၣ်သးက့ၤလၢၤပှၤ နီတဘျီဘၣ်န့ၣ်ဧါ.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်ယၡါယၤ 61:8

ယွၤစံးဝဲဒၣ်, “ယအဲၣ်တၢ်စံၣ်ညီၣ်တီဒီးယသးဟ့တၢ်မၤအၢမၤနး ဒီးတၢ်မၤကမၣ်တၢ်လီၤ. ယကဟ့ၣ်ဘျုးက့ၤယပှၤဂီၢ်မုၢ်လၢ တၢ်သူၣ်တီသးရၤအပူၤ ဒီးမၤတၢ်အၢၣ်လီၤအီလီၤအထူအယိာ်တမံၤဒီး အဝဲသ့ၣ်လီၤ.

လံာ်မၤလကံ 1:8

တုၤသုဟဲစိာ်ဆၣ်ဖိကီၢ်ဖိလၢအမဲာ်ဘျီၣ်မ့ၢ်ဂ့ၤ, တဆူၣ်တချ့မ့ၢ်ဂ့ၤ, အစုအခီၣ်ဟးဂီၤမ့ၢ်ဂ့ၤ, ဒ်သိးသုကလုၢ်ထီၣ်ဆူယၤဒီး, မ့ၢ်သုဆိကမိၣ်လၢတၢ်န့ၣ်တမ့ၢ်တၢ်လီၤသးဘၣ်အၢဘၣ်န့ၣ်ဧါ. ဟ့ၣ်ဆၣ်ဖိကီၢ်ဖိဒ်န့ၣ်သိးဆူပဒိၣ်ဖးဒိၣ်အအိၣ်တက့ၢ်. မ့ၢ်အဝဲကဘၣ်အသးလၢနၤစ့ၢ်ကီးဧါ. ဒီးကကွၢ်မဲာ်နၤတမံၤမံၤစ့ၢ်ကီးဧါ.

လံာ်မးသဲ 5:23

လၢတၢ်န့ၣ်အဃိ, တုၤနကလုၢ်ထီၣ်တၢ်လၢကစၢ်ယွၤလၢတၢ်လုၢ်လီၢ် ဒီးသ့ၣ်နီၣ်ထီၣ်က့ၤလၢနဒီပုၢ်ဝဲၢ်တဂၤပာ်တၢ်ကမၣ်လၢနလိၤတမံၤ မံၤဒီး,

လံာ်သိၣ်လီၤသီလီၤတၢ် 33:19

အဝဲသ့ၣ်ကွဲမုာ်ပှၤတခီဘီမုၢ်ဖိတဖၣ်ဆူအဝဲသ့ၣ်အကစၢၢ်ဒီး လုၢ်ထီၣ်တၢ်လုၢ်တၢ်ပာ်တဖၣ်လၢအတီဝဲဘၣ်ဝဲဖဲန့ၣ်လီၤ. အဝဲသ့ၣ်မၤန့ၢ်အတၢ်ထူးတၢ်တီၤတဖၣ်လၢပီၣ်လဲၣ်, ဒီးလၢမဲးလၢအအိၣ်လၢပီၣ်လဲၣ်ကၢၢ်နံၤန့ၣ်လီၤ.”

၁ ပ့းတရူး 4:19

လၢတၢ်န့ၣ်အဃိ, ပှၤတဖၣ်လၢအတူၢ်ဘၣ်တၢ်လၢကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်အဃိန့ၣ်ကြၢးဟ့ၣ်လီၤအးလီၤအသးလၢာ်လၢာ်ဆ့ဆ့ဆူ အဝဲသ့ၣ်အတၢ်ဘၣ်တ့ကစၢ်တဂၤလၢထီဘိဟံးဃာ်ကျၢၤအတၢ်အၢၣ်လီၤအီလီၤအစုပူၤခီဖျိလၢ အဝဲသ့ၣ်အတၢ်မၤအဂ့ၤအဝါတဖၣ်န့ၣ်လီၤ.