စံးထီၣ်ပတြၢၤ 39:5 - Sgaw Karen Common Bible

⁵ ကွၢ်ကွၢ်, နဟ့ၣ်တ့ၢ်ယၤတၢ်အိၣ်မူဖုၣ်ကိာ် ဒီးလၢနမဲာ်ညါန့ၣ်, ယတၢ်အိၣ်မူအကတီၢ်တမ့ၢ်တၢ်နီတမံၤဘၣ်. ပှၤကိးဂၤဒဲးအတၢ်အိၣ်မူန့ၣ် မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

စံးထီၣ်ပတြၢၤ 39:5 Iomraidhean Croise

လံာ်တၢ်ကဲထီၣ်အခီၣ်ထံး 47:9

စီၤယၤကိာ်စံးဆၢဝဲ, “ယတၢ်ဟးဝ့ၤဝီၤအတၢ်အိၣ်မူယံာ်ဝဲ အနံၣ်တကယၤသၢဆံလီၤ. ဒီးနံၣ်ဧိၤလါဧိၤတဖၣ်အံၤတဒ်သိးဘၣ် ယမိၢ်ပၢ်ဖံဖုလၢပျၢၤအတၢ်ဟးဝ့ၤဝီၤလၢအါနံၣ်အါလါအပူၤ ဘၣ်. စှၤဝဲဒီးကီခဲဒိၣ်မးလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 19:34

ဘၣ်ဆၣ်ဒီးစီၤဘၢ်စံးလဲစံးဆၢဝဲဒၣ်, “ယတအိၣ်မူဘၣ်ယံာ်ယံာ်လၢၤဘၣ်. ဘၣ်မနုၤအဃိယကဘၣ်လဲၤဃုာ်ဒီးနဲဒၣ်တၢ်ဒိၣ် ကစၢ်စီၤပၤဆူဝ့ၢ်ယရူၤၡလ့ၣ်န့ၣ်လဲၣ်.

လံာ်စီၤယိၤဘး 7:6

ယမုၢ်နံၤမုၢ်သီသ့ၣ်တဖၣ်လဲၤပူၤကွံာ်ဝဲလၢတၢ်မုၢ်လၢ်တအိၣ် ဘၣ်အပူၤ, ဒီးလဲၤပူၤကွံာ်ဝဲချ့န့ၢ်ပှၤထါထၣ်ဖိအလုၣ်ထွံ တက့ၢ်န့ၣ်လီၤ.

စံးထီၣ်ပတြၢၤ 144:4

အဝဲလီၤဂာ်ဒ်တၢ်သါတဘီအသိး ဒီးအမုၢ်နံၤတဖၣ်မၤအသးဒ်တၢ်အကဒုလၢ အလဲၤပူၤကွံာ်အသိးန့ၣ်လီၤ.

စံးထီၣ်ပတြၢၤ 39:11

နသိၣ်ဃီၣ်ပှၤကညီအတၢ်ဒဲးဘးတဖၣ်လၢ နတၢ်သိၣ်က့ၤသီက့ၤ ဒီးတၢ်လၢအဝဲသ့ၣ်အဲၣ်ဝဲတဖၣ်န့ၣ်, နမၤဟးဂီၤကွံာ်ဒ် တၢ်အဃၢ်မၤဟးဂီၤတၢ်အသိးန့ၣ်လီၤ. ပှၤကိးဂၤဒဲးအတၢ်အိၣ်မူန့ၣ်, မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

စံးထီၣ်ပတြၢၤ 62:9

ပှၤကညီခဲလၢာ်လီၤဂာ်ဒၣ်ဒီးတၢ်သါထီၣ်တဘီဖိ န့ၣ်လီၤ. ပှၤအဒိၣ်မ့ၢ်ဂ့ၤအဆံးမ့ၢ်ဂ့ၤ မ့ၢ်တၢ်ကလီကလီဒ်သိးသိးလီၤ. တၢ်မ့ၢ်စီၤကွၢ်အီၤလၢစီၤပီၢ်ပူၤဒီး, တဃၢဘၣ်နီတစဲးဘၣ်. တၢ်မ့ၢ်ပာ်အီၤလၢစီၤပီၢ်အပူၤဒီး, အဝဲသ့ၣ်ဖှံဒိၣ်န့ၢ်ဒံးတၢ်သါတဘီဖိတက့ၢ်န့ၣ်လီၤ.

စံးထီၣ်ပတြၢၤ 89:47

ယွၤဧၢ, ယဆၢကတီၢ်ဖုၣ်ဆံးဒိၣ်လဲၣ်န့ၣ် သ့ၣ်နီၣ်ထီၣ်တက့ၢ်. ဒီးနတ့လီၤပှၤကညီဖိလၢအသံသ့န့ၣ် သ့ၣ်နီၣ်ထီၣ်တက့ၢ်.

စံးထီၣ်ပတြၢၤ 90:12

အဃိဒီး, သိၣ်လိပှၤဒ်သိးပကဂံၢ်ပမုၢ်နံၤတဖၣ်, ဒီးပကန့ၢ်ဘၣ် သးအတၢ်ကူၣ်ဘၣ်ကူၣ်သ့န့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 1:2

တၢ်အဘျုးတအိၣ်ဘၣ်. အဘျုးတအိၣ်ဘၣ်, ပှၤဆိကမိၣ်တၢ်အဒိၣ်အယိာ်တဂၤစံးဝဲဒၣ်လီၤ. တၢ်အိၣ်မူအံၤအဘျုးတအိၣ်ဘၣ်. တၢ်ခဲလၢာ်န့ၣ်အဘျုး တအိၣ်ဘၣ်.

လံာ်ပှၤစံၣ်တဲၤတဲလီၤတၢ် 2:11

အန့ၣ်ဝံၤယဆိကမိၣ်ထီၣ်တၢ်လၢယမၤတ့ၢ်ခဲလၢာ်ဒီးယမၤတ့ၢ်အီၤ ဆူၣ်ထဲလဲၣ်ထဲလဲၣ်အဂ့ၢ်ဒီးယသ့ၣ်ညါလၢအခီပညီတအိၣ်နီ တမံၤဘၣ်န့ၣ်လီၤ. မၤအသးဒ်တၢ်လူၤဖီၣ်ကလံၤအသိးဒီး အဘျုးတအိၣ်နီတမံၤဘၣ်န့ၣ်လီၤ.

လံာ်ယၡါယၤ 40:17

လၢအဝဲအဂီၢ်, ပှၤကလုာ်တဖၣ်တမ့ၢ်တၢ်နီတမံၤဘၣ်.

ယၤကိာ် 4:14

သုတၢ်အိၣ်မူခဲမုၢ်ဆ့ၣ်ကမ့ၢ်တၢ်ဒ်လဲၣ်န့ၣ်, သုတသ့ၣ်ညါ ဒၣ်လဲာ်ဘၣ်. သုလီၤဂာ်ဒီးဘှ့ၣ်လၢအအိၣ်ဖျါတစိၢ်ဖိဝံၤ, လၢခံက့ၤလီၤမၢ်ကွံာ်ဝဲဒၣ်န့ၣ်လီၤ.

၂ ပ့းတရူး 3:8

ယတံၤသကိးသးဘိသ့ၣ်ဧၢ, တဘၣ်သးပ့ၤနီၣ်တၢ်တမံၤ အံၤတဂ့ၤ. လၢကစၢ်အမဲာ်ညါန့ၣ်, မုၢ်တနံၤဒီးအနံၣ် တကထိအဘၢၣ်စၢၤတၢ်လီၤဆီတအိၣ်ဘၣ်. လၢအဝဲအဂီၢ်တၢ်ခံမံၤအံၤမ့ၢ်ဒၣ်တၢ်ဒ်သိးသိးလီၤ.