စံးထီၣ်ပတြၢၤ 38:4 - Sgaw Karen Common Bible

⁴ ယတၢ်ဒဲးဘးလုၣ်ဘၢကွံာ်ယၤ ဒီးမ့ၢ်တၢ်ဝံတၢ်ယိးလၢအဃၢကဲၣ်ဆိးလၢ ယကယိးအီၤအဂီၢ်န့ၣ်လီၤ.

စံးထီၣ်ပတြၢၤ 38:4 Iomraidhean Croise

လံာ်စီၤဧ့စြၤ 9:6

ယစံး, “အိ, ကစၢ်ယွၤဧၢ, ယမဲာ်ဆှးတ့ၢ်ဒိၣ်မးလၢယကမိာ်ထီၣ်ယခိၣ်လၢနမဲာ်ညါန့ၣ်လီၤ. ယတၢ်ဒဲးဘးတဖၣ်အိၣ်ဒီကထၢထီၣ်အသးထီန့ၢ်ဒံးပခိၣ်တဖၣ်ဒီး တုၤထီၣ်ထီဝဲထဲသိးမူခိၣ်တဖၣ်န့ၣ်လီၤ.

လံာ်စီၤယိၤဘး 33:19

ကစၢ်ယွၤဆှၢလီၤတၢ်ဆူးတၢ်ဆါဒီးမၤပှဲၤပှၤကညီအနီၢ်ခိလၢ တၢ်ဆိးကဲၤဒ်သိးအကသိၣ်ဃီၣ်အီၤလီၤ.

စံးထီၣ်ပတြၢၤ 107:17

ပှၤတနီၤမ့ၢ်ပှၤဟးဂီၤဖိလၢအတူၢ်ဘၣ်တၢ် မ့ၢ်လၢတၢ်ဒဲးဘးအဃိ, ဒီးမ့ၢ်လၢအတၢ်အၢတၢ်သီအဃိန့ၣ်လီၤ.,

စံးထီၣ်ပတြၢၤ 40:12

ယဘၣ်တၢ်ကဝီၤဃာ်ယၤလၢတၢ်ကိၢ်တၢ်ဂီၤတဖၣ် ဒီးအါဝဲဒိၣ်မးလၢယကဂံၢ်အီၤဒၣ်လဲာ်န့ၣ်လီၤ. ယတၢ်ဒဲးဘးသ့ၣ်တဖၣ်ချုးန့ၢ်ယၤ ဒီးယတထံၣ်တၢ်လၢၤဘၣ်. အဝဲသ့ၣ်အါန့ၢ်ဒံးယခိၣ်သူအဘိတဖၣ် ဒီးယတၢ်သူၣ်ဒူသးဒူလီၤမၢ်န့ၢ်ယၤလီၤ.

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်သးသယုၢ်တၢ် 1:14

အဝဲကွဲးနီၣ်တ့ၢ်ကယဲၢ်ယတၢ်ဒဲးဘးတဖၣ်ဒီးစၢတံၢ်အီၤတပူၤဃီဒ် သိးသိး, ဒီးဘျးလီၤစဲၤတ့ၢ်အီၤဝးတရံးယကိာ်, ဒီးယဂံၢ်ယဘါလီၤစၢ်တ့ၢ်ဝဲလၢတၢ်ဝံတၢ်ယိးအဖီလာ်န့ၣ်လီၤ. ယွၤဟ့ၣ်လီၤတ့ၢ်ယၤဆူယဒုၣ်ယဒါတဖၣ်အစုပူၤဒီး တၢ်မၤစၢၤယၤတအိၣ်နီတမံၤလၢယကထီဒါအဝဲသ့ၣ်အဂီၢ်ဘၣ်.

လံာ်တၢ်ဘူၣ်ထီၣ်ဘါထီၣ် 7:18

ဒီးတၢ်မ့ၢ်အီၣ်အီၤလၢသၢသီတသီန့ၣ်, ယွၤတတူၢ်လိာ်ပှၤတဂၤန့ၣ်အတၢ်လုၢ်ဘၣ်. တၢ်လုၢ်န့ၣ်တဘၣ်တၢ်ပာ်အီၤဒ်တၢ်လၢအဘျုးအိၣ်အသိးန့ၣ်ဘၣ်. မ့မ့ၢ်ကဘၣ်တၢ်ပာ်အီၤဒ်တၢ်တကဆှီဘၣ်အသိးန့ၣ်လီၤ. ဒီးပှၤတဂၤလၢ်လၢ်လၢအအီၣ်ဘၣ်ဝဲန့ၣ်ကတူၢ်ဘၣ်အတၢ်ဒဲးဘးဒၣ်ဝဲန့ၣ်လီၤ.

လံာ်မးသဲ 11:28

ပှၤလၢတၢ်ဘှံးအသးဒီးဝံတၢ်ယိးတၢ်ဃၢခဲလၢာ်သ့ၣ်သုဧၢ, ဟဲဆူယအိၣ်တက့ၢ်. ဒီးယကဒုးအိၣ်ဘှံးသုလီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).