စံးထီၣ်ပတြၢၤ 38:22 - Sgaw Karen Common Bible

²² မၤချ့ချ့လၢနကဟဲမၤစၢၤယၤအဂီၢ်တက့ၢ်. တၢ်အုၣ်က့ၤခီၣ်က့ၤယၤယကစၢ်ဧၢ.

စံးထီၣ်ပတြၢၤ 38:22 Iomraidhean Croise

စံးထီၣ်ပတြၢၤ 141:1

ယွၤဧၢ, ယကိးထီၣ်နၤလီၤ. မၤချ့ချ့လၢယဂီၢ်တက့ၢ်. တုၤယကိးထီၣ်နၤဒီး, ကနၣ်ယကလုၢ်တက့ၢ်.

စံးထီၣ်ပတြၢၤ 22:12

ဒုၣ်ဒါအါဂၤကဝီၤဃာ်ယၤဒ်ဂီၤဖံးဖါတဖၣ်အသိး, အဝဲသ့ၣ်အိၣ်ဝးတရံးယၤဒ်ဂီၤဖံးဖါလၢအအၢ လၢအအိၣ်လၢကီၢ်ဘၤၡၣ်အသိးန့ၣ်လီၤ.

စံးထီၣ်ပတြၢၤ 27:1

ယွၤမ့ၢ်ယတၢ်ကပီၤဒီးယတၢ်အုၣ်က့ၤခီၣ်က့ၤလီၤ. ယကပျံၤမတၤတဂၤလဲၣ်. ယွၤမ့ၢ်ယသးသမူအဂံၢ်အဘါလီၤ. ယကပျံၤမတၤတဂၤလဲၣ်.

စံးထီၣ်ပတြၢၤ 40:13

ယွၤဧၢ, ဟဲဒီးမၤပူၤမၤဖျဲးယၤတက့ၢ်. ယွၤဧၢ, မၤချ့ချ့လၢနကမၤစၢၤယၤတက့ၢ်.

စံးထီၣ်ပတြၢၤ 40:17

ယွၤဧၢ, ယဂံၢ်ယဘါစၢ်ဒီးယဖှီၣ်ယဲလီၤ. ဘၣ်ဆၣ်နတသးပ့ၤနီၣ်တ့ၢ်ယၤဘၣ်. နမ့ၢ်ပှၤလၢအမၤပူၤဖျဲးယၤဒီးယကစၢ်ယွၤလီၤ. မၤယံာ်နသးလၢနကမၤစၢၤယၤအဂီၢ်န့ၣ်တဂ့ၤ.

စံးထီၣ်ပတြၢၤ 62:2

ယလၢၢ်ဒီးတၢ်အုၣ်က့ၤခီၣ်က့ၤယၤ, ယတၢးထီၣ်ထီန့ၣ်မ့ၢ်ထဲအဝဲဒၣ်ဧိၤလီၤ. ယတဟူးတဝးဘၣ်နီတစဲးဘၣ်.

စံးထီၣ်ပတြၢၤ 62:6

ယလၢၢ်ဒီးတၢ်အုၣ်က့ၤခီၣ်က့ၤယၤ, ယတၢးထီၣ်ထီန့ၣ်မ့ၢ်ထဲအဝဲဒၣ်တဂၤဧိၤန့ၣ်လီၤ. ယတဟူးတဝးဘၣ်.

စံးထီၣ်ပတြၢၤ 70:1

ကစၢ်ယွၤဧၢ, မၤပူၤဖျဲးယၤတက့ၢ်. ယွၤဧၢ, မၤချ့ချ့လၢနကမၤစၢၤယၤတက့ၢ်.

စံးထီၣ်ပတြၢၤ 70:5

ယမ့ၢ်ပှၤဖှီၣ်ဖိယာ်ဖိဒီး ပှၤလိၣ်ဘၣ်တၢ်မၤစၢၤန့ၣ်လီၤ. ကစၢ်ယွၤဧၢ, မၤချ့ချ့လၢယဂီၢ်န့ၣ်တက့ၢ်. နမ့ၢ်ယတၢ်မၤစၢၤဒီးပှၤမၤပူၤဖျဲးယၤလီၤ. ယွၤဧၢ, မၤယံာ်မၤနီၢ်နသးတဂ့ၤ.

စံးထီၣ်ပတြၢၤ 71:12

ကစၢ်ယွၤဧၢ, အိၣ်ယံၤဒီးယၤတဂ့ၤ. ယကစၢ်ယွၤဧၢ, မၤချ့ချ့လၢတၢ်မၤစၢၤယၤအဂီၢ်န့ၣ်တက့ၢ်.

လံာ်ယၡါယၤ 12:2

ကစၢ်ယွၤမ့ၢ်ပှၤအုၣ်က့ၤခီၣ်က့ၤယၤလီၤ. ယကနာ်အီၤဒီးတပျံၤဘၣ်တၢ်ဘၣ်. ယွၤဟ့ၣ်ယၤတၢ်စိတၢ်ကမီၤဒီးတၢ်ဂံၢ်တၢ်ဘါ ဒီးအဝဲမ့ၢ်ပှၤအုၣ်က့ၤခီၣ်က့ၤယၤလီၤ.