စံးထီၣ်ပတြၢၤ 38:12 - Sgaw Karen Common Bible

¹² ပှၤလၢအအဲၣ်ဒိးမၤသံယၤပာ်လီၤပျံၤသကွီၤလၢယဂီၢ်, ပှၤလၢအအဲၣ်ဒိးမၤဆါယၤကတိၤပျံၤကတိၤဖုးတၢ်လၢကမၤဟး ဂီၤယၤလီၤ. အဝဲသ့ၣ်ကူၣ်တၢ်အၢထီဒါယၤသ့သ့တနံၤလီၤ.

စံးထီၣ်ပတြၢၤ 38:12 Iomraidhean Croise

လံာ်စီၤယိၤဘး 19:13

ကစၢ်ယွၤဒုးညိကွံာ်ယဒီပုၢ်ဝဲၢ်ခွါတဖၣ်ယံၤဒီးယၤ မ့ၢ်ပှၤသမှံၤလၢ ပှၤလၢအသ့ၣ်ညါတ့ၢ်ယၤတဖၣ်အဂီၢ်လီၤ.

စံးထီၣ်ပတြၢၤ 10:9

အိၣ်ခိးဝဲလၢတၢ်ခူသူၣ်အပူၤဒ် ခ့ယုၢ်လၢတပှီာ်အကျါအသိး, အိၣ်ခိးဝဲဒ်သိးကဖီၣ်န့ၢ်ပှၤဖှီၣ်ဖိယာ်ဖိ ဒီးဖီၣ်န့ၢ်အဝဲသ့ၣ်လၢအပျံၤသကွီၤအပူၤ ဒီးထုးတြူာ်ကွံာ်အီၤန့ၣ်လီၤ.

စံးထီၣ်ပတြၢၤ 119:110

ပှၤတတီတလိၤပာ်ပျံၤသကွီၤလၢယဂီၢ်လီၤ. ဘၣ်ဆၣ်ဒီးယတဟးဖျိးကွံာ်လၢ နတၢ်မၤလိာ်တဖၣ်န့ၣ်ဘၣ်.

စံးထီၣ်ပတြၢၤ 140:5

ပှၤလၢအပာ်ထီၣ်ထီအသးတဖၣ် ပာ်လီၤပျံၤသကွီၤခူသူၣ်လၢယဂီၢ်, ဒီးဒါလီၤပှာ်ဧိၤစၤဧိၤလၢကျဲလိၤ, အဝဲသ့ၣ်ဆဲထီၣ်ထုလၢယဂီၢ်လီၤ. စ့လၤ

စံးထီၣ်ပတြၢၤ 141:9

ပၢၤယၤလၢပျံၤသကွီၤလၢပှၤပာ်လီၤလၢယဂီၢ် ဒီးလၢပှၤမၤတၢ်အၢတဖၣ်အထုဝၣ်ခီန့ၣ်တက့ၢ်.

စံးထီၣ်ပတြၢၤ 31:12

ပှၤကိးဂၤဒဲးသးပ့ၤနီၣ်ယၤဒ်ယမ့ၢ် ပှၤသံတ့ၢ်တဂၤအသိး, ယလီၤဂာ်ဒ်တၢ်တမံၤလၢအဘၣ်တၢ် စူးကွံာ်အီၤန့ၣ်လီၤ.

စံးထီၣ်ပတြၢၤ 35:20

အဂ့ၢ်ဒ်အံၤ, အဝဲသ့ၣ်တဃုတၢ်ဃူတၢ်ဖိးဘၣ်. မ့မ့ၢ်ထီဒါပှၤလၢအအဲၣ်တၢ်ဃူတၢ်ဖိးလၢကီၢ်ပူၤ, ဒီးဆိကမိၣ်တၢ်ကတိၤလီန့ၢ်တၢ်တဖၣ်လီၤ.

စံးထီၣ်ပတြၢၤ 35:4

ပှၤလၢအဂုာ်ကျဲးစၢးမၤသံယၤန့ၣ်, မ်အဘၣ်တၢ်မၤနၢၤအီၤဒီး ဘၣ်တၢ်မၤမဲာ်ဆှးအီၤတက့ၢ်. ပှၤလၢအကူၣ်တၢ်အၢထီဒါယၤန့ၣ်, မ်အဘၣ်တၢ်ဃၣ်ကဒါက့ၤအီၤဒီး မၤကတုၤအသးန့ၣ်တက့ၢ်.

စံးထီၣ်ပတြၢၤ 41:5

ယဒုၣ်ယဒါသ့ၣ်တဖၣ်ကတိၤဆၢအၢဆၢသီယၤ ဒီးစံးဝဲ, “အဝဲကသံဒီးအမံၤကဘၣ်တၢ် သးပ့ၤနီၣ်အီၤအခါဖဲလဲၣ်.”

စံးထီၣ်ပတြၢၤ 54:3

အဂ့ၢ်ဒ်အံၤ, ပှၤပာ်ထီၣ်ထီအသးတဖၣ် ဂဲၤဆၢထၢၣ်ထီဒါယၤ, ပှၤမၤတၢ်အၢတဖၣ်ဃုယသးလီၤ. အဝဲသ့ၣ်တပာ်ဘၣ်ကစၢ်ယွၤလၢအမဲာ်ညါဘၣ်. စ့လၤ

စံးထီၣ်ပတြၢၤ 69:9

အဂ့ၢ်ဒ်အံၤ, ယတၢ်သးဆူၣ်လၢနဟံၣ်အဂီၢ်န့ၣ် အီၣ်ကွံာ်ယၤဒ်မ့ၣ်အူအသိး ဒီးပှၤအတၢ်ဒုၣ်ဒွဲၣ်နၤန့ၣ် လီၤဘၣ်လၢယလိၤလီၤ.

စံးထီၣ်ပတြၢၤ 88:9

ယမဲာ်ချံတဖၣ်အဂံၢ်စၢ်ဘါစၢ်လၢတၢ်နးတၢ်ဖှီၣ်အဃိလီၤ. ယွၤဧၢ, ယကိးထီၣ်နၤကိးမုၢ်နံၤမုၢ်နၤဒဲး, ယယူာ်ထီၣ်ယစုဆူနအိၣ်လၢ တၢ်ထုကဖၣ်အပူၤလီၤ.

တၢ်ကတိၤဒိ. 19:7

ပှၤဖှီၣ်ဖိယာ်ဖိတဂၤအဒီပုၢ်ဝဲၢ်တဖၣ်ဒၣ်လဲာ်သးဟ့အီၤလီၤ. အတံၤသကိးတဖၣ်ဟးယံၤဒီးအီၤန့ၣ်တလီၤကမၢကမၣ်ဘၣ်. ကျဲးစၢးဝဲဆူၣ်ထဲလဲၣ်ထဲလဲၣ်ဘၣ်ဆၣ်မၤအဝဲသ့ၣ်တန့ၢ်နီတဂၤဘၣ်.