စံးထီၣ်ပတြၢၤ 38:10 - Sgaw Karen Common Bible

¹⁰ ယသူၣ်စံၣ်ယသးစံၣ်, ယဂံၢ်ယဘါလၢာ်ကွံာ် ဒီးယမဲာ်ချံအတၢ်ကပီၤစ့ၢ်ကီး လီၤမၢ်ကွံာ်န့ၢ်ယၤလံ.

စံးထီၣ်ပတြၢၤ 38:10 Iomraidhean Croise

စံးထီၣ်ပတြၢၤ 119:123

ယမဲာ်ချံဘှံးဝဲလၢယခိးကွၢ်လၢ်နတၢ်မၤစၢၤလၢ တၢ်ပူၤဖျဲးအဂီၢ်န့ၣ်လီၤ. အဂ့ၢ်ဒ်အံၤ, နအၢၣ်လီၤတ့ၢ်ယၤလၢ တၢ်မၤပူၤဖျဲးအဂီၢ်လီၤ.

စံးထီၣ်ပတြၢၤ 31:10

အဂ့ၢ်ဒ်အံၤ, ယသးသမူလၢာ်ကွံာ်ဝဲလၢတၢ်သူၣ်အုးသးအုး ဒီးယနံၣ်တဖၣ်လၢတၢ်ကအုကစွါအပူၤန့ၣ်လီၤ. ယဂံၢ်ယဘါစၢ်လီၤဝဲမ့ၢ်လၢ ယတၢ်သူၣ်ကိၢ်သးဂီၤအဃိဒီး ယဃံတဖၣ်ကျၣ်ကွံာ်ဝဲလီၤ.

စံးထီၣ်ပတြၢၤ 42:1

ကစၢ်ယွၤဧၢ, ဒ်တၤဟိဆၢန့ၢ်ထံကျိဖိလၢ အယွၤလီၤအသိး, ယသးဆၢန့ၢ်ဘၣ်နၤလီၤ.

စံးထီၣ်ပတြၢၤ 6:7

ယမဲာ်ချံအဂံၢ်အဘါစၢ်လီၤဝဲ လၢယတၢ်ကိၢ်တၢ်ဂီၤအဃိ, ဒီးအတၢ်ထံၣ်တဆှံလၢၤဘၣ် လၢ ယဒုၣ်ယဒါခဲလၢာ်အဃိလီၤ.

စံးထီၣ်ပတြၢၤ 69:3

တၢ်ဘှံးယသးလၢယကိးထီၣ်အဃိ, ဒီးယကိာ်ယူၢ်ဃ့ထီဝဲလီၤ. ယမဲာ်ယုာ်ဝဲလၢယကွၢ်လၢ်ယကစၢ်ကဟဲ ဒီးမၤစၢၤယၤအဂီၢ်အဃိန့ၣ်လီၤ.

စံးထီၣ်ပတြၢၤ 88:9

ယမဲာ်ချံတဖၣ်အဂံၢ်စၢ်ဘါစၢ်လၢတၢ်နးတၢ်ဖှီၣ်အဃိလီၤ. ယွၤဧၢ, ယကိးထီၣ်နၤကိးမုၢ်နံၤမုၢ်နၤဒဲး, ယယူာ်ထီၣ်ယစုဆူနအိၣ်လၢ တၢ်ထုကဖၣ်အပူၤလီၤ.

လံာ်ယၡါယၤ 21:4

ယခိၣ်တရံးအသးဒီးယကနိးကစုာ်လၢတၢ်ပျံၤတၢ်ဖုးအဃိလီၤ. ယဆၢတ့ၢ်မးလၢမုၢ်ဟါကဟဲတုၤအိၣ်ဝဲ, ဘၣ်ဆၣ်တၢ်လၢ အဟဲတုၤအိၣ်ဝဲမ့ၢ်ဒၣ်ထဲတၢ်ပျံၤတၢ်ဖုးလီၤ.

လံာ်သးသယုၢ်တၢ် 2:11

ယမဲာ်ချံတဖၣ်ဃ့ထီဝဲလၢမဲာ်ထံလၢာ်ကွံာ်အဃိဒီးယသးသမူအိၣ် လၢတၢ်ကိၢ်တၢ်ဂီၤအပူၤလီၤ. ယဂံၢ်ယဘါလၢာ်ကွံာ်ဝဲလၢတၢ်သးအုးဖဲယပှၤဂီၢ်မုၢ်ဘၣ်တၢ်မၤဟး ဂီၤကွံာ်အီၤန့ၣ်လီၤ. ဖိသၣ်တဖၣ်ဒီးဖိဆံးအီၣ်နုၢ်တဖၣ်သံတယူာ်ဝဲလၢဝ့ၢ်အကျဲတဖၣ် အပူၤန့ၣ်လီၤ.