စံးထီၣ်ပတြၢၤ 38:1 - Sgaw Karen Common Bible

¹ ယွၤဧၢ, သိၣ်ဃီၣ်ယၤလၢ နတၢ်သးထီၣ်အပူၤန့ၣ်တဂ့ၤ. ဒီးသိၣ်က့ၤသီက့ၤယၤလၢနတၢ်သးဒိၣ်အပူၤန့ၣ်တဂ့ၤ.

စံးထီၣ်ပတြၢၤ 38:1 Iomraidhean Croise

စံးထီၣ်ပတြၢၤ 6:1

ယွၤဧၢ, သိၣ်ဃီၣ်ယၤလၢနတၢ်သးဒိၣ်အပူၤတဂ့ၤ, ဒီးစံၣ်ညီၣ်ဃၣ်ယၤလၢနတၢ်သးကဲၤထီၣ် အပူၤန့ၣ်တဂ့ၤ.

စံးထီၣ်ပတြၢၤ 70:1

ကစၢ်ယွၤဧၢ, မၤပူၤဖျဲးယၤတက့ၢ်. ယွၤဧၢ, မၤချ့ချ့လၢနကမၤစၢၤယၤတက့ၢ်.

စံးထီၣ်ပတြၢၤ 88:7

နတၢ်သးထီၣ်အိၣ်ဃၢလၢယလိၤ, ဒီးနဒုးလုၣ်ဘၢယၤလၢကယဲၢ်နလပီခဲလၢာ်န့ၣ်လီၤ. စ့လၤ

လံာ်ယၡါယၤ 27:8

ယွၤစံၣ်ညီၣ်တ့ၢ်အပှၤဂီၢ်မုၢ်ခီဖျိတၢ်ဆှၢအီၤဆူတၢ်စိာ်မၢကဲကုၢ် အလီၢ်လီၤ. အဝဲစိာ်ကွံာ်အဝဲသ့ၣ်ခီဖျိကလံၤအအၢနးမးတခါ လၢအဟဲလၢမုၢ်ထီၣ်တခီန့ၣ်လီၤ.

လံာ်ယၡါယၤ 54:8

ယဃၣ်ကွံာ်ယသးလၢတၢ်သးဒိၣ်အပူၤတစိၢ်ဖိနာ်က့, ယကဒုးနဲၣ်နၤယတၢ်အဲၣ်လီၤထူလီၤယိာ်န့ၣ်လီၤ.” ယွၤလၢအအုၣ်က့ၤခီၣ်က့ၤသုစံးဝဲဒ်န့ၣ်လီၤ.

လံာ်ယံးရမံယၤ 10:24

ယွၤဧၢ, ဘှီဂ့ၤဘှီဘၣ်နပှၤဂီၢ်မုၢ်တက့ၢ်. ဘၣ်ဆၣ်ဒီးတဘၣ်မၤပှၤဆူၣ်ဆူၣ်ကိၤကိၤမ့ၢ်ဂ့ၤ, စံၣ်ညီၣ်ပှၤမ့ၢ်ဂ့ၤဖဲနသးဒိၣ်ထီၣ်အခါတဂ့ၤ. တၢ်န့ၣ်ကမ့ၢ်ဘၣ်ဖုးတၢ်အကတၢၢ်လၢပဂီၢ်လီၤ.

လံာ်ယံးရမံယၤ 30:11

ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဃဘးကူာ် 3:2

ယွၤဧၢ, ယနၢ်ဟူတ့ၢ်လံတၢ်လၢနမၤတ့ၢ်ဝဲ, ဒီးယသးပှဲၤဒီးတၢ်ကမၢကမၣ်ဖးဒိၣ်လၢတၢ်ယူးယီၣ်ပာ်ကဲ အပူၤန့ၣ်လီၤ. ခဲကနံၣ်အံၤ, တၢ်မၤဖးဒိၣ်တဖၣ်လၢနညီနုၢ်မၤအီၤန့ၣ်, မၤကဒီးလၢပစိၤပကတီၢ်တဖၣ်အပူၤတက့ၢ်. ဖဲနသးဒိၣ်အခါဒၣ်လဲာ်, သူၣ်ကညီၤသးကညီၤဒံးတၢ်တက့ၢ်.

လံာ်သိၣ်လီၤသီလီၤတၢ် 9:19

ယပျံၤဘၣ်ယွၤအတၢ်သးဒိၣ်ကဲၤထီၣ်ဒိၣ်မး, မ့ၢ်လၢအဝဲ အသးထီၣ်ဆူၣ်လံတုၤလၢကမၤဟးဂီၤကွံာ်သုအဃိန့ၣ်လီၤ. ဘၣ်ဆၣ်ဒီးမၤကဒီးတစုယွၤဒိကနၣ်ယၤန့ၣ်လီၤ.