စံးထီၣ်ပတြၢၤ 37:9 - Sgaw Karen Common Bible

⁹ အဂ့ၢ်ဒ်အံၤ, ပှၤအၢပှၤသီကဘၣ်တၢ်ဒီၣ်တဲာ်ကွံာ်အီၤ, ဘၣ်ဆၣ်ပှၤလၢအမုၢ်လၢ်တၢ်လၢယွၤန့ၣ်, ကဒိးန့ၢ်ဘၣ်ထံဧိၤကီၢ်ဧိၤန့ၣ်လီၤ.

စံးထီၣ်ပတြၢၤ 37:9 Iomraidhean Croise

စံးထီၣ်ပတြၢၤ 25:13

အဝဲသ့ၣ်ကဘီၣ်ထီၣ်ညီထီၣ်ထီဘိ ဒီးအဖိတဖၣ်ကဒိးန့ၢ်ဘၣ်ထံဧိၤကီၢ်ဧိၤန့ၣ်လီၤ.

စံးထီၣ်ပတြၢၤ 37:29

ပှၤတီပှၤလိၤကဒိးန့ၢ်ဘၣ်ထံဧိၤကီၢ်ဧိၤ ဒီးကအိၣ်ဝဲဆိးဝဲလၢအပူၤလီၤစိၤလီၤထီလီၤ.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

တၢ်ကတိၤဒိ. 2:21

အဂ့ၢ်ဒ်အံၤ, ပှၤအတီအလိၤတဖၣ်, လၢအတၢ်အိၣ်မူလၢဝဲပှဲၤဝဲန့ၣ် ကအိၣ်ကဆိးလၢအထံဧိၤကီၢ်ဧိၤအပူၤလီၤ.

လံာ်ယၡါယၤ 57:13

ဖဲသုကိးထီၣ်လၢတၢ်မၤစၢၤအဂီၢ်န့ၣ်, ပျဲကွၢ်သုတၢ်ဂီၤတၢ် ဖီၣ်တဖၣ်အုၣ်က့ၤခီၣ်က့ၤသုတက့ၢ်. ကလံၤအူတၢ်တဘီဖိဒၣ်လဲာ်ကစိာ်ကွံာ်အဝဲသ့ၣ်ခဲလၢာ်လီၤ. မ့မ့ၢ်, ပှၤတဖၣ်လၢအပာ်အတၢ်နာ်လၢယပူၤန့ၣ်, ကအိၣ်ကဆိးဝဲလၢထံကီၢ်အပူၤဒီးကဘူၣ်ထီၣ်ဘါထီၣ် ယၤလၢယတၢ်လုၢ်ဟံၣ်အပူၤလီၤ.”

လံာ်ယၡါယၤ 58:14

သုကထံၣ်န့ၢ်တၢ်သးခုလၢအဟဲလၢသုမၤယတၢ်ခ့တၢ်ပှၤ အတၢ်မၤအဃိလီၤ. ယကဒုးကဲထီၣ်သုလၢပှၤလီၤယူး ယီၣ်ပာ်ကဲလၢဟီၣ်ခိၣ်ဒီဘ့ၣ်ညါ, ဒီးသုကမုာ်လၤသးခုလၢ ထံကီၢ်လၢယဟ့ၣ်လီၤတ့ၢ်သုပၢ်လၢပျၢၤ, စီၤယၤကိာ်န့ၣ်လီၤ.” ယၤ, ယွၤအံၤ, ကတိၤလံတၢ်လံ.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်တၢ်ဂံၢ် 26:65

ယွၤစံးတ့ၢ်လၢအဝဲသ့ၣ်ကိးဂၤဒဲးန့ၣ်ကဘၣ်သံ ဝဲလၢပှၢ်မုၢ်ကနၢအပူၤဒီးကအိၣ်တ့ၢ်ဝဲထဲစီၤယဖူန့ၤအဖိခွါ စီၤကၤလ့းဒီးစီၤနိၣ်အဖိခွါစီၤယိၤၡူဧိၤန့ၣ်လီၤ.

လံာ်သိၣ်လီၤသီလီၤတၢ် 5:33

စူၢ်အီၤကိးထံၣ်ဒဲး, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤ ဘၣ်ဘၣ်လၢသုဂီၢ်ဒီးဒ်သိးသုကအိၣ်ဆိးဘၣ်ဒံးဆူညါလၢကီၢ် တဘ့ၣ်လၢသုကလဲၤနုာ်လီၤမၤန့ၢ်အီၤအပူၤအဂီၢ်န့ၣ်တက့ၢ်.

ဧ့ၤဘြံၤ 11:16

မ့မ့ၢ်ခဲကနံၣ်အံၤ, အဝဲသ့ၣ်ဆၢန့ၢ်ဘၣ်ထံကီၢ်လၢအဂ့ၤန့ၢ် အန့ၣ်တက့ၢ်, ဒ်ပစံးတၢ်အသိးလၢအဘၣ်ဃးဒီးမူခိၣ်န့ၣ် လီၤ. မၤသးဒ်န့ၣ်ဒီးကစၢ်ယွၤအမဲာ်တဆှးဘၣ်လၢပှၤကကိး အီၤလၢအဝဲသ့ၣ်အကစၢ်န့ၣ်ဘၣ်. အဂ့ၢ်မ့ၢ်လၢအကတဲာ်ကတီၤတ့ၢ်လံဝ့ၢ်တဖျၢၣ်လၢအဝဲသ့ၣ် အဂီၢ်အဃိန့ၣ်လီၤ.

လံာ်စီၤယိၤၡူ 14:9

မ့ၢ်လၢယမၤဒ်န့ၣ်အဃိ, စီၤမိၤၡ့အၢၣ်လီၤယၤလၢယၤဒီးယဖိယလံၤတဖၣ် ပကဒိးန့ၢ်ဘၣ်သါထံကီၢ်လၢယခီၣ်ယီၢ်လီၤတ့ၢ်အီၤန့ၣ်လီၤ.

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”