စံးထီၣ်ပတြၢၤ 37:23 - Sgaw Karen Common Bible

²³ ယွၤနဲၣ်လိပှၤကညီအကျဲလၢကဘၣ်လဲၤဝဲ ဒီးကဟုဘံၣ်ကယာ်ဘၢပှၤလၢ အမၤမုာ်အသးန့ၣ်လီၤ.

စံးထီၣ်ပတြၢၤ 37:23 Iomraidhean Croise

စံးထီၣ်ပတြၢၤ 119:133

ဒုးထွဲယခီၣ်လၢနကလုၢ်ကထါအပူၤဒ်နအၢၣ်လီၤတ့ၢ်အသိး န့ၣ်တက့ၢ်. ဒီးမ်တၢ်အၢတၢ်သီအသုတပၢယၤနီတမံၤတဂ့ၤ.

စံးထီၣ်ပတြၢၤ 119:5

မ်ယကျဲကအိၣ်ဂၢၢ်ဆိးကျၢၤ လၢယတၢ်တိၢ်န့ၢ်ဖံးဃာ် နတၢ်မၤလိာ်အဃိန့ၣ်တက့ၢ်.

စံးထီၣ်ပတြၢၤ 121:3

အဝဲတပျဲနခီၣ်လီၤတလံာ်ဘၣ်. ပှၤလၢအကွၢ်လီၤနၤန့ၣ်တမံဘၣ်ဝဲဘၣ်.

စံးထီၣ်ပတြၢၤ 121:8

နဟးထီၣ်တၢ်, ဒီးနဟဲက့ၤတၢ်န့ၣ် တုၤအံၤဆူညါ ယွၤကအံးက့ၤကွၢ်က့ၤဝဲလီၤထူလီၤယိာ်လီၤ.

စံးထီၣ်ပတြၢၤ 17:5

ယလဲၤတ့ၢ်တၢ်လၢနကျဲအပူၤထီဘိ ဒီးယတဟးဖးဒီးအီၤနီတဘျီဘၣ်.

စံးထီၣ်ပတြၢၤ 40:2

အဝဲထုးထီၣ်ကွံာ်တ့ၢ်ယၤလၢတၢ်ပူၤလၢအလီၤပျံၤ လၢတၢ်သံအမဲးလီၤဘျၢၣ်အပူၤန့ၣ်လီၤ. အဝဲပာ်ယခိၣ်လၢလၢၢ်အဖီခိၣ် ဒီးမၤဂၢၢ်မၤကျၢၤယခီၣ်အတၢ်ထွဲတဖၣ်လီၤ.

စံးထီၣ်ပတြၢၤ 40:3

အဝဲသိၣ်လိတ့ၢ်ယၤလၢယကသးဝံၣ်တၢ်သးဝံၣ်အသီ, တၢ်သးဝံၣ်စံးထီၣ်ပတြၢၤဆူပကစၢ်ယွၤန့ၣ်လီၤ. ပှၤအါဂၤလၢအထံၣ်တၢ်အံၤ ကအိၣ်ဒီးတၢ်ပျံၤဒီးတၢ်နာ်လၢယွၤအပူၤန့ၣ်လီၤ.

စံးထီၣ်ပတြၢၤ 85:13

တၢ်တီတၢ်လိၤကလဲၤတၢ်လၢယွၤအမဲာ်ညါ ဒီးကကတဲာ်ကတီၤကျဲလၢအဂီၢ်လီၤ.

တၢ်ကတိၤဒိ. 11:1

ယွၤသးဟ့ပှၤလၢအသူစီၤပီၢ်လီတၢ်တဖၣ်လီၤ. မ့မ့ၢ်စီၤပီၢ်သၣ်အတီတဖၣ်န့ၣ်, မ့ၢ်အတၢ်သးခုလီၤ.

တၢ်ကတိၤဒိ. 11:20

ယွၤသးဟ့ပှၤလၢအပာ်အသးအၢအၢသီသီတဖၣ်ဒီးအဲၣ်ပှၤတဖၣ် လၢအမၤတၢ်အဘၣ်လီၤ.

တၢ်ကတိၤဒိ. 16:9

နမၤနတၢ်ကူၣ်တၢ်ကျဲၤဒၣ်နဲသ့လီၤ. ဘၣ်ဆၣ်ဒီးယွၤနဲၣ်နတၢ်ဖံး တၢ်မၤတဖၣ်လီၤ.

တၢ်ကတိၤဒိ. 4:26

တၢ်လၢနမၤအီၤန့ၣ်, ရဲၣ်လီၤကျဲၤလီၤအီၤလီၤတံၢ်လီၤဆဲးတက့ၢ်. ဒီးတၢ်လၢနမၤအီၤတမံၤလၢ်လၢ်န့ၣ်ကဘၣ်ဘျီးဘၣ်ဒါဝဲလီၤ.

လံာ်ယံးရမံယၤ 10:23

ယွၤဧၢ, ယသ့ၣ်ညါလၢပှၤကညီတပၢဘၣ်အနီၢ်ကစၢ်ဒၣ်ဝဲ အတၢ်အိၣ်မူအကျဲနီတဂၤဘၣ်. ပှၤတပၢၤဃာ်ဘၣ်အနီၢ်ကစၢ်ဒၣ်ဝဲအသးသမူ နီတဂၤဘၣ်.

လံာ်ယံးရမံယၤ 9:24

ပှၤတဂၤဂၤမ့ၢ်သးအိၣ်ပာ်ကဖၢလၢအသးဒီး အဝဲကြၢးပာ်ကဖၢလၢအသးလၢအသ့ၣ်ညါယၤဒီးနၢ်ပၢၢ်ယၤ အဃိလီၤ. အဂ့ၢ်ဒ်အံၤ, ယတၢ်အဲၣ်အိၣ်စံၣ်အိၣ်ကျၢၤ, ဒီးယမၤတၢ်လၢတၢ်စံၣ်ညီၣ်တီဒီးတၢ်အလိၤအဘၣ်အပူၤလီၤ. တၢ်သ့ၣ်တဖၣ်အံၤ, မ့ၢ်တၢ်လၢအမၤမုာ်သူၣ်မုာ်သးယၤလီၤ. ယၤ, ယွၤအံၤ, ကတိၤလံတၢ်လံ.”

ဧ့ၤဘြံၤ 13:16

တဘၣ်သးပ့ၤနီၣ်မၤဂ့ၤတၢ်ဒီးဟ့ၣ်နီၤတၢ်ဒီးပှၤဂၤတဂ့ၤ. အဂ့ၢ်ဒ်အံၤတၢ်လုၢ်ဒ်န့ၣ်တဖၣ်န့ၣ်ဘၣ်ကစၢ်ယွၤအသး လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:9

အဝဲဒီဒၣ်အိၣ်ပှိၤအပှၤလၢအသူၣ်တီသးလိၤတဖၣ်အသးသမူလီၤ. မ့မ့ၢ်ပှၤတတီတလိၤတဖၣ်န့ၣ်ကလီၤမၢ်ကွံာ်လၢတၢ်ခံးတၢ်နၤအပူၤလီၤ. ပှၤတဂၤန့ၣ်မၤနၢၤတၢ်လၢအဂံၢ်အဘါဒၣ်ဝဲတသ့ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 29:10

မၤသးဒ်န့ၣ်ဒီး, စီၤဒၤဝံးဧၢ, ခဲမုၢ်ဆ့ၣ်ဂီၤခီန့ၣ်ကယဲၢ်သုဝဲ ခဲလၢာ်လၢအပာ်တ့ၢ်စီၤစီလူးဒီးဟဲဆူယအိၣ်တဖၣ် ကဘၣ်ဂဲၤဆၢထၢၣ်ဂီၤဂီၤဒီးဟးထီၣ်ကွံာ်တဘျီဃီဖဲတၢ်ကပီၤထီၣ်န့ၣ်တက့ၢ်.”