စံးထီၣ်ပတြၢၤ 37:16 - Sgaw Karen Common Bible

¹⁶ တၢ်တစဲးဖိလၢအအိၣ်ဝဲဒီးပှၤအဂ့ၤအဝါန့ၣ်, ဂ့ၤန့ၢ်ဒံးပှၤအၢပှၤသီအတၢ်အိၣ်လၢအိၣ်ပှဲၤ တက့ၢ်န့ၣ်လီၤ.

စံးထီၣ်ပတြၢၤ 37:16 Iomraidhean Croise

တၢ်ကတိၤဒိ. 13:25

ပှၤတီပှၤလိၤအိၣ်ဒီးတၢ်အီၣ်လၢလၢပှဲၤပှဲၤလၢကအီၣ်ဝဲအဂီၢ်လီၤ. မ့မ့ၢ်ပှၤအၢပှၤသီတဖၣ်န့ၣ်သၣ်ဝံၤသၣ်စ့ၤတဘိယူၢ်ဃီန့ၣ်လီၤ.

တၢ်ကတိၤဒိ. 16:8

တၢ်အိၣ်ဒီးတၢ်တစဲးဖိလၢတၢ်မၤန့ၢ်အီၤလၢတၢ်တီတၢ်လိၤအပူၤ န့ၣ်, ဂ့ၤဒိၣ်န့ၢ်ဒံးတၢ်အိၣ်ဒီးတၢ်အါလၢတၢ်မၤန့ၢ်အီၤလၢတၢ်တတီ တလိၤအပူၤတက့ၢ်န့ၣ်လီၤ.

တၢ်ကတိၤဒိ. 3:33

ယွၤပာ်ဖှိၣ်တၢ်ဆိၣ်အၢတမံၤလၢပှၤတတီတလိၤအဟံၣ်တဖၣ်အဖီခိၣ် လီၤ. မ့မ့ၢ်ဆိၣ်ဂ့ၤပှၤအတီအလိၤတဖၣ်အတၢ်အိၣ်တၢ်ဆိးအလီၢ်န့ၣ်လီၤ.

တၢ်ကတိၤဒိ. 30:9

ယတၢ်အီၣ်မ့ၢ်အါကဲၣ်ဆိးဒီး, ယကစံးဘၣ်ဖုးလၢယတလိၣ်ဘၣ်နၤ န့ၣ်လီၤ. ဘၣ်ဆၣ်ယမ့ၢ်ဖှီၣ်ဒီး, ယကဟုၣ်ဘၣ်ဖုးတၢ်ဒီးဒုးလီၤဘၣ် တၢ်မဲာ်ဆှးလၢယကစၢ်ယွၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:26

ကစၢ်ယွၤဟ့ၣ်တၢ်ကူၣ်သ့, တၢ်သ့ၣ်ညါဒီးတၢ်သူၣ်ဖှံ သးညီဆူပှၤတဖၣ်လၢအမၤမုာ်အသးန့ၣ်လီၤ. မ့မ့ၢ်, မၢပှၤတၢ်ဒဲးဘးဖိတဖၣ်မၤတၢ်, မၤန့ၢ်တၢ်ဒီးပာ်ဖှိၣ် တၢ်, ဒ်သိးတၢ်လၢအဝဲသ့ၣ်မၤန့ၢ်တ့ၢ်တဖၣ်, ကဘၣ်တၢ်ဟ့ၣ်လီၤအီၤဆူ ပှၤလၢအမၤမုာ်အဝဲအသးတဖၣ်အအိၣ်န့ၣ်လီၤ. တၢ်ခဲလၢာ်န့ၣ်, အဘျုးတအိၣ်ဘၣ်. တၢ်န့ၣ်လီၤဂာ်ဒီးတၢ်လူၤဖီၣ်ကလံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:6

ဘၣ်သ့ၣ်သ့ၣ်ကမ့ၢ်ဒ်န့ၣ်လီၤ. ဘၣ်ဆၣ်တၢ်အိၣ်ဒီးတၢ်တဆံးတက့ၢ်ဃုာ်ဒီးသးအတၢ်ဃူတၢ်ဖိးန့ၣ်, ဂ့ၤဒိၣ်န့ၢ်ဒံးတၢ်ဖံးအါမၤအါတထံၣ်ဃီလၢစုခံခီလၢာ်ဒီး တၢ်ကျဲးစၢးဖီၣ်ကလံၤတက့ၢ်န့ၣ်လီၤ.

လံာ်မးသဲ 6:11

တနံၤဘၣ်တနံၤအတၢ်အီၣ်လၢပဒိးန့ၢ်ဘၣ်အလီၢ်အိၣ်န့ၣ်, ဟ့ၣ်လီၤလၢ်ဘၣ်ပှၤတနံၤအံၤတက့ၢ်.

၁ တံၤမသ့း 6:6

မ့ၢ်လံ, ပှၤတဂၤမ့ၢ်သးမံလၢတၢ်လၢအအိၣ်ဒီးအီၤန့ၣ်, တၢ်ယူးယီၣ်ယွၤဒုးထူးထီၣ်တီၤထီၣ်အီၤစဲဃဲၤန့ၣ်လီၤ.