စံးထီၣ်ပတြၢၤ 37:10 - Sgaw Karen Common Bible

¹⁰ တစိၢ်ဖိဒီးပှၤအၢပှၤသီကဟါမၢ်ကွံာ်ဝဲ, နမ့ၢ်ဃုအီၤဘၣ်ဆၣ်နတထံၣ်န့ၢ်အီၤလၢၤဘၣ်.

စံးထီၣ်ပတြၢၤ 37:10 Iomraidhean Croise

လံာ်စီၤပၤခံဘ့ၣ်တဘ့ၣ် 9:25

ဒီးစီၤယ့ၤဟူစံးဘၣ်အပှၤကွၢ်ထွဲမၤစၢၤအီၤစီၤဘံးဒကၢ်, “ဟံးထီၣ်အစိၣ်န့ၣ်ဒီးတ့ၢ်လီၤကွံာ်အီၤလၢစီၤနၤဘိးအပျီ ပူၤတက့ၢ်. သ့ၣ်နီၣ်ထီၣ်က့ၤလၢဖဲနၤဒီးယၤပဒိးကသ့ၣ်လၢ စီၤပၤယဟိရၣ်အပၢ်စီၤအၤဃာ်အလီၢ်ခံအခါန့ၣ်, ယွၤကတိၤတၢ်ကတိၤတဖၣ်အံၤထီဒါစီၤအၤဃာ်န့ၣ်တက့ၢ်.

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်စီၤယိၤဘး 14:10

ဘၣ်ဆၣ်ပှၤကညီသံဝဲဒီးမ့ၢ်တၢ်အကတၢၢ်လၢအဂီၢ်န့ၣ်လီၤ. သံဝဲ, ဒီးအန့ၣ်တစုမ့ၢ်အအိၣ်ဝဲဖဲလဲၣ်.

လံာ်စီၤယိၤဘး 20:5

တၢ်သူၣ်ဖှံသးညီအိၣ်တယံာ်ဘၣ်ဒီးပှၤတတီတလိၤနီတဂၤဘၣ်. အဝဲမ့ၢ်ဒိၣ်ထီၣ်, ထီထီၣ်, ထီဝဲတုၤလၢမူခိၣ်ဒီးထီဝဲတုၤဒၣ်လဲာ် အခိၣ်တုၤဃီၤဆူတၢ်အၢၣ်တဖၣ်

လံာ်စီၤယိၤဘး 24:24

ပှၤတတီတလိၤဘီၣ်ထီၣ်ညီထီၣ်တစိၢ်တလီၢ်, ဘၣ်ဆၣ်ဃ့ထီ ကွံာ်ဝဲဒ်နီၣ်ဧိၤမံၤဧိၤအသိးဒီးဒ်ဘုအစဲၤဘၣ်တၢ်ကူးတဲာ် အီၤအသိးန့ၣ်လီၤ.

လံာ်စီၤယိၤဘး 7:10

အဝဲဘၣ်တၢ်သးပ့ၤနီၣ်ကွံာ်အီၤလၢပှၤလၢအသ့ၣ်ညါတ့ၢ်အီၤ ခဲလၢာ်န့ၣ်လီၤ.

လံာ်စီၤယိၤဘး 7:21

နပျၢ်ယတၢ်ဒဲးဘးတသ့လၢၤဘၣ်ဧါ. နကွၢ်ကပာ်ကွံာ်တၢ်ကမၣ် လၢယမၤဘၣ်အီၤတသ့ဘၣ်ဧါ. တယံာ်ဘၣ်ဒီးယကအိၣ်ယဲလၢ ယသွၣ်ခိၣ်အပူၤဒီးဖဲနဃုယၤန့ၣ်ယတအိၣ်လၢၤဘၣ်.

စံးထီၣ်ပတြၢၤ 103:16

အဂ့ၢ်ဒ်အံၤ, ကလံၤအူတၢ်လၢအလိၤ, ဒီးလဲၤပူၤကွံာ်ဝဲန့ၣ်လီၤ. ဒီးပှၤတထံၣ်လၢၤဘၣ်အီၤနီတဂၤဘၣ်.

စံးထီၣ်ပတြၢၤ 49:10

ပှၤတဂၤလၢ်လၢ်ထံၣ်သ့လၢ ပှၤကူၣ်ဘၣ်ကူၣ်သ့တဖၣ်ဒၣ်လဲာ်သံဝဲ, ဒ်သိးသိးပှၤသးတဆးဒီးပှၤသးတထံတဖၣ်စ့ၢ်ကီးန့ၣ်လီၤ. အဝဲသ့ၣ်ခဲလၢာ်ပာ်တီၢ်တ့ၢ် အတၢ်ထူးတၢ်တီၤတဖၣ်ဆူ ပှၤလီၤစၢၤလၢအဝဲသ့ၣ်တဖၣ်န့ၣ်လီၤ.

စံးထီၣ်ပတြၢၤ 52:5

မ့မ့ၢ်ကစၢ်ယွၤကမၤဟးဂီၤနၤလီၤထူလီၤယိာ်လီၤ. အဝဲကဖီၣ်န့ၢ်နၤဒီးထုးထီၣ်ကွံာ်နၤလၢနဒဲပူၤ, ဒီးကထဲးထီၣ်ကွံာ်နၤလၢတၢ်မူအကီၢ်န့ၣ်လီၤ. စ့လၤ

တၢ်ကတိၤဒိ. 14:11

ပှၤအဂ့ၤတဂၤအဟံၣ်ကအိၣ်ဆၢထၢၣ်ဒံးဝဲဖဲပှၤအၢပှၤသီတဂၤ အဟံၣ်ဘၣ်တၢ်မၤလီၤပှီၢ်ကွံာ်အီၤန့ၣ်လီၤ.

၁ ပ့းတရူး 4:7

တၢ်ခဲလၢာ်အကတၢၢ်ဘူးထီၣ်လံ. သုကဘၣ်ပၢၤသုသးဒီးဆိးသီဒ်သိးသုဃ့ဘါထုကဖၣ်တၢ်ကသ့ အဂီၢ်န့ၣ်လီၤ.