စံးထီၣ်ပတြၢၤ 37:1 - Sgaw Karen Common Bible

¹ တဘၣ်ကိၢ်တၢ်လၢပှၤအအၢအသီအဃိန့ၣ်တဂ့ၤ. တဘၣ်သူၣ်က့ၣ်သးက့ၣ် ပှၤလၢအမၤကမၣ်တၢ်တဂ့ၤ.

စံးထီၣ်ပတြၢၤ 37:1 Iomraidhean Croise

လံာ်စီၤယိၤဘး 17:8

ပှၤလၢအစံးလီၤအသးလၢ ပှၤတီပှၤလိၤတဖၣ် ကမၢကမၣ်လၢတၢ်အံၤအဃိဒီးအဝဲသ့ၣ်ခဲလၢာ်စံၣ်ညီၣ် ဃၣ်ယၤဒီးစံးဝဲလၢယတနာ်ယွၤဘၣ်လီၤ.

စံးထီၣ်ပတြၢၤ 37:7

အိၣ်ဃိကလာ်လၢယွၤအမဲာ်ညါ, ဒီးခိးအီၤလၢတၢ်ဝံသးစူၤအပူၤန့ၣ်တက့ၢ်. ဘၣ်ကိၢ်ဘၣ်ဂီၤလၢ ပှၤလၢအဘီၣ်ထီၣ်ညီထီၣ်လၢအကျဲဒၣ်ဝဲ, မ့တမ့ၢ်ပှၤလၢအမၤန့ၢ်တၢ်လၢ အတၢ်ကူၣ်အၢအဃိန့ၣ်တဂ့ၤ.

စံးထီၣ်ပတြၢၤ 73:3

အဂ့ၢ်ဒ်အံၤ, ယထံၣ်တ့ၢ်လၢ ပှၤတတီတလိၤတဖၣ်ဘီၣ်ထီၣ်ညီထီၣ်, ဒီးယသးက့ၣ်ထီၣ်လၢအဝဲသ့ၣ်လၢ အတၢ်ပာ်ထီၣ်ထီအသးအဃိန့ၣ်လီၤ.

တၢ်ကတိၤဒိ. 19:3

ပှၤတနီၤနီၤမၤဟးဂီၤလီၤအသးဒၣ်ဝဲခီဖျိနီၢ်ကစၢ်ဒၣ်ဝဲအတၢ် မၤတဂိာ်တသီၣ်တဖၣ်ဝံၤဒီးပာ်တၢ်ကမၣ်လၢယွၤအလိၤလီၤ.

တၢ်ကတိၤဒိ. 23:17

သူၣ်က့ၣ်သးကါပှၤတၢ်ဒဲးဘးဖိတဖၣ်တဂ့ၤ. တၢ်ယူးယီၣ်ယွၤန့ၣ်မ်အကမ့ၢ်တၢ်လၢနသးစၢၢ်ဆၢ, လၢနတၢ်အိၣ်မူအပူၤန့ၣ်တက့ၢ်.

တၢ်ကတိၤဒိ. 24:1

သူၣ်က့ၣ်သးကါပှၤအၢပှၤသီတဖၣ်တဂ့ၤ. ဒီးကျဲးစၢးဒီတံၤဒီသကိးဒီးအဝဲသ့ၣ်တဂ့ၤ.

တၢ်ကတိၤဒိ. 24:19

ပျဲပှၤအအၢအသီတဖၣ်မၤကိၢ်မၤဂီၤနၤတဂ့ၤ. သူၣ်က့ၣ်သးကါအဝဲသ့ၣ်တဂ့ၤ.

တၢ်ကတိၤဒိ. 3:31

သူၣ်က့ၣ်သးကါပှၤမၤအၢမၤသီတၢ်တဖၣ်မ့ၢ်ဂ့ၤဆၢမၤတၢ်ဒ်အဝဲသ့ၣ် မၤဝဲအသိးမ့ၢ်ဂ့ၤန့ၣ်တဂ့ၤ.

လံာ်ပှၤစံၣ်တဲၤတဲလီၤတၢ် 8:13

မ့မ့ၢ်လၢပှၤတတီတလိၤအဂီၢ်န့ၣ်, တၢ်တလဲၤအသးဂ့ၤဂ့ၤဒ်န့ၣ်ဘၣ်. အဝဲသ့ၣ်အတၢ်အိၣ်မူလီၤဂာ်ဒ်တၢ်ကဒုအသိးဒီးအဝဲသ့ၣ်ကသံဖဲ အသးစၢ်ဒံးလီၤ. အဂ့ၢ်ဒ်အံၤ, အဝဲသ့ၣ်တစူၢ်ကစၢ်ယွၤဘၣ်အဃိလီၤ.

ကလၤတံ 5:21

တၢ်သူၣ်က့ၣ်သးကါ, တၢ်မၤသံပှၤကညီ, တၢ်အီမူၤသံး, တၢ်မၤမူးဧိၤပွဲဧိၤ, ဒီးတၢ်မၤတၢ်အဂၤဒ်သိးအံၤတဖၣ်လီၤ. ဒ်လၢအပူၤကွံာ်အသိးန့ၣ်ယဟ့ၣ်ပလီၢ်ကဒီးသုခဲအံၤလီၤ. ပှၤလၢအမၤတၢ်ဒ်အံၤတဖၣ်န့ၣ်, တန့ၢ်ဘၣ်သါကစၢ်ယွၤအဘီ အမုၢ်ဘၣ်.