စံးထီၣ်ပတြၢၤ 36:9 - Sgaw Karen Common Bible

⁹ တၢ်မူအထံထီၣ်ပၢၢ်အိၣ်ဒီးနၤ ဒီးပထံၣ်တၢ်ကပီၤလၢနတၢ်ကပီၤအပူၤန့ၣ်လီၤ.

စံးထီၣ်ပတြၢၤ 36:9 Iomraidhean Croise

လံာ်စီၤယိၤဘး 29:3

အကတီၢ်ဖဲန့ၣ်ကစၢ်ယွၤအိၣ်ဒီးယၤထီဘိ, ဒီးဖဲယလဲၤခီဂာ်တၢ် ခံးတၢ်နၤအခါန့ၣ်ဟ့ၣ်ယၤတၢ်ကပီၤလီၤ.

စံးထီၣ်ပတြၢၤ 27:1

ယွၤမ့ၢ်ယတၢ်ကပီၤဒီးယတၢ်အုၣ်က့ၤခီၣ်က့ၤလီၤ. ယကပျံၤမတၤတဂၤလဲၣ်. ယွၤမ့ၢ်ယသးသမူအဂံၢ်အဘါလီၤ. ယကပျံၤမတၤတဂၤလဲၣ်.

စံးထီၣ်ပတြၢၤ 65:5

နစံးဆၢပှၤခီဖျိနဟ့ၣ်ပှၤတၢ်မၤနၢၤ ဒီးနမၤတၢ်လီၤလးတဖၣ်လၢပတၢ်ပူၤဖျဲးအဂီၢ်လီၤ. ပှၤကလုာ်လၢဟီၣ်ခိၣ်ချၢခဲလၢာ် ဒီးလၢပီၣ်လဲၣ်ပီၣ်တြီၤသ့ၣ်တဖၣ် သန့ၤအသးလၢနၤလီၤ.

တၢ်ကတိၤဒိ. 4:18

ကျဲလၢပှၤတီပှၤလိၤပိာ်ဝဲန့ၣ်လီၤဂာ်ဒ်မုၢ်ဟဲထီၣ်ဒီးကပီၤ ဒံးယံာ်ဒံးဂ့ၤထီၣ်တုၤလၢမုၢ်ထူၣ်အသိးန့ၣ်လီၤ.

လံာ်ယၡါယၤ 12:3

ဒ်ထံအဆှံဟဲစိာ်တၢ်သးခုလၢပှၤ လၢတၢ်သူအသးလၢထံအဂီၢ်အသိး, ကစၢ်ယွၤအပှၤဂီၢ်မုၢ်သူၣ်ခုသးခုဖဲအဝဲဒၣ်အုၣ်က့ၤခီၣ်က့ၤ အဝဲသ့ၣ်န့ၣ်လီၤ.”

လံာ်ယၡါယၤ 2:5

ခဲအံၤ, စီၤယၤကိာ်အစၢၤအသွဲၣ်သ့ၣ်ဧၢ, မ်ပလဲၤတၢ်လၢတၢ်ကပီၤလၢယွၤဟ့ၣ်လီၤပှၤအပူၤန့ၣ်တက့ၢ်.

လံာ်ယၡါယၤ 60:19

မုၢ်တမ့ၢ်လၢၤနတၢ်ကပီၤလၢမုၢ်ဆါမ့ၢ်ဂ့ၤ, လါတမ့ၢ်လၢၤနတၢ်ကပီၤလၢမုၢ်နၤခီမ့ၢ်ဂ့ၤလၢၤဘၣ်. ယၤ, ယွၤအံၤ, ကမ့ၢ်နတၢ်ကပီၤအထူအယိာ်, ဒီးယလၤကပီၤအတၢ်ကပီၤန့ၣ် ကကပီၤထီၣ်လၢနဖီခိၣ်လီၤ.

လံာ်ယံးရမံယၤ 2:13

အဂ့ၢ်ဒ်အံၤ, ယပှၤဂီၢ်မုၢ်မၤတ့ၢ်တၢ်ဒဲးဘးခံမံၤလၢအမ့ၢ်, အဝဲသ့ၣ်ဃၣ်ကွံာ်အသးလၢယၤ, လၢအမ့ၢ်ထံဆှံအထံမူထီၣ်ပၢၢ်, ဒီးအဝဲသ့ၣ်ခူၣ်ကမါတဖၣ်, ကမါလၢအတဲၤဖးအသးတဖၣ်ဒီးတၢ်ပဒၢးဃာ်ထံန့ၢ်တသ့လ့ၤတ က့ၤဘၣ်န့ၣ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်ယိၤဟၣ် 4:10

ယ့ၣ်ၡူးစံးဆၢတၢ်ဒီးစံးဘၣ်အီၤ, “နမ့ၢ်သ့ၣ်ညါတ့ၢ်ကစၢ်ယွၤ အတၢ်ဟ့ၣ်ဒီးပှၤလၢအဃ့အီနၤလၢထံတဂၤမ့ၢ်မတၤလဲၣ်န့ၣ်, နကဃ့တၢ်လၢအီၤဒီးအဝဲကဟ့ၣ်နၤထံလၢအဟ့ၣ် တၢ်မူန့ၣ်လီၤ.

လံာ်ယိၤဟၣ် 4:14

မ့မ့ၢ်ပှၤတဂၤလၢ်လၢ်လၢအအီထံလၢယကဟ့ၣ်အီအီၤန့ၣ်, အသးတသူထံနီတဘျီလၢၤဘၣ်. ထံလၢယကဟ့ၣ်အီၤန့ၣ်, ကကဲထီၣ်ထံထီၣ်ပၢၢ်လၢအပူၤလၢကဟ့ၣ်ထီၣ်တၢ်မူ အထံဒီးတၢ်မူအထူအယိာ်န့ၣ်လီၤ.”

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.

လံာ်လီၣ်ဖျါ 21:6

ဒီးအဝဲဒၣ်စံးဝဲ, “တၢ်မၤအသးဝံၤလံ. ယမ့ၢ် က, ဒီး ဧ, တၢ်အခီၣ်ထံးဒီးတၢ်အကတၢၢ်လီၤ. ဆူပှၤတဂၤလၢ်လၢ်လၢတၢ်သူအသးလၢထံန့ၣ်, ယကဟ့ၣ်အီၤအခွဲးအယာ်လၢအကအီထံဖဲတၢ်မူ အထံထီၣ်ပၢၢ်တအိၣ်ဒီးတၢ်ဟ့ၣ်ဘၣ်အပှ့ၤအကလံၤ န့ၣ်ဘၣ်လီၤ.

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.