စံးထီၣ်ပတြၢၤ 36:6 - Sgaw Karen Common Bible

⁶ နတၢ်တီတၢ်လိၤန့ၣ်လီၤဂာ်ဒီးကစၢၢ်တဖၣ်လၢအအိၣ်ထီၣ်ထီ နတၢ်စံၣ်ညီၣ်တီတဖၣ်န့ၣ် လီၤဂာ်ဒီးပီၣ်လဲၣ်အတၢ်ပူၤယိာ်န့ၣ်လီၤ. ယွၤဧၢ, ပှၤကညီဒီးဆၣ်ဖိကီၢ်ဖိန့ၣ်နကဟုကယာ်အီၤလီၤ.

စံးထီၣ်ပတြၢၤ 36:6 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

လံာ်စီၤနဃ့မယၤ 9:6

ဒီးကီၢ်အံၣ်စရ့လးအပှၤဂီၢ်မုၢ်ဘါထုကဖၣ်ဝဲ, “နဲဒၣ်ယွၤဧၢ, နမ့ၢ်ယွၤထဲတဂၤဧိၤလီၤ. နတ့လီၤမူခိၣ်အလီၢ်တဖၣ်ဒီးဆၣ်တဖၣ်လၢမူခိၣ်ကပိၤလိၤန့ၣ်လီၤ. နတ့လီၤဟီၣ်ခိၣ်ဒီးပီၣ်လဲၣ်, ဒီးကယဲၢ်တၢ်လၢအအိၣ်လၢအပူၤခဲ လၢာ် ဒီးနဟ့ၣ်အဝဲသ့ၣ်ခဲလၢာ်လၢတၢ်မူန့ၣ်လီၤ. ဒီးမူခိၣ်အသုးမုၢ်ဂီၢ်မုၢ်တီၤလီၤဒီးဘူၣ်ထီၣ် ဘါထီၣ်နၤလီၤ.

လံာ်စီၤယိၤဘး 37:23

ကစၢ်ယွၤအစိအကမီၤန့ၣ်ဒိၣ်ဝဲတုၤဒၣ်လဲာ်ပဟဲဘူးဒီးအီၤ တန့ၢ်ဘၣ်. အဝဲတီဝဲလိၤဝဲဒီးစံၣ်ညီၣ်တၢ်တီလၢအတၢ်ဘၣ် ထွဲဒီးပှၤကညီန့ၣ်လီၤ.

လံာ်စီၤယိၤဘး 7:20

ပှၤကွၢ်ထွဲပှၤကညီတဖၣ်တဂၤဧၢ, မ့ၢ်ယမၤဆါတ့ၢ်နၤလၢ ယတၢ်ဒဲးဘးအဃိဧါ. ဘၣ်မနုၤလၢနပာ်ယၤလၢနခးတၢ် အပနီၣ်န့ၣ်လဲၣ်. မ့ၢ်ယကဲထီၣ်တၢ်ဝံဃၢလၢနဂီၢ်ဖးဒိၣ်ဧါ.

စံးထီၣ်ပတြၢၤ 145:9

ယွၤန့ၣ်ဂ့ၤဝဲလၢပှၤခဲလၢာ်အဂီၢ်, ဒီးအတၢ်သးကညီၤန့ၣ်အိၣ်ဝဲလၢကယဲၢ်တၢ်လၢ အတ့လီၤဝဲခဲလၢာ်အဂီၢ်န့ၣ်လီၤ.

စံးထီၣ်ပတြၢၤ 147:9

အဝဲဟ့ၣ်လီၤတၢ်အီၣ်လၢဆၣ်ဖိကီၢ်ဖိအဂီၢ်, ဒီးဘုၣ်အီၣ်စိးဝၣ်ဃးဖိလၢအကိးထီၣ်န့ၣ်လီၤ.

စံးထီၣ်ပတြၢၤ 31:20

နပာ်တဒၢအဝဲသ့ၣ်လၢတၢ်ပူၤဖျဲးအလီၢ်လၢနမဲာ်ညါ, လၢပှၤကညီအတၢ်ကူၣ်တဖၣ်, နပၢၤဃာ်အဝဲသ့ၣ်လၢနဒဲအပူၤ, လၢအဒုၣ်အဒါသ့ၣ်တဖၣ် အတၢ်ကတိၤဒုၣ်ဒွဲၣ်န့ၣ်လီၤ.

စံးထီၣ်ပတြၢၤ 71:19

ကစၢ်ယွၤဧၢ, နတၢ်တီတၢ်လိၤတုၤဃီၤဆူ မူခိၣ်လၢအထီန့ၣ်လီၤ. ပှၤလၢအမၤတၢ်အဒိၣ်တဖၣ်တဂၤဧၢ, မ့ၢ်မတၤမၤသးဒ်နၤအသိးန့ၣ်တဂၤလဲၣ်, ယွၤဧၢ.

စံးထီၣ်ပတြၢၤ 77:19

နလဲၤခီဂာ်လပီတဖၣ် ဒီးနခီဂာ်ပီၣ်လဲၣ်လၢအယိာ်ဝဲ, ဘၣ်ဆၣ်နခီၣ်လီၢ်တဖၣ်တၢ်ထံၣ်န့ၢ်အီၤတသ့ဘၣ်.

စံးထီၣ်ပတြၢၤ 92:5

ယွၤဧၢ, နတၢ်မၤတဖၣ်န့ၣ်ဒိၣ်ဆံးဒိၣ်လဲၣ်. နတၢ်ဆိကမိၣ်တဖၣ်န့ၣ်ယိာ်မးလီၤ.

စံးထီၣ်ပတြၢၤ 97:2

တၢ်အၢၣ်တဖၣ်ဒီးတၢ်ခံးတၢ်နၤအိၣ်ဝးတရံးအီၤ, အဝဲပၢတၢ်လၢတၢ်တီတၢ်လိၤဒီး တၢ်စံၣ်ညီၣ်တီန့ၣ်လီၤ.

လံာ်တၢ်ဟးထီၣ်ကွံာ် 9:28

ဒီးဃ့ကညးယွၤတက့ၢ်. အဂ့ၢ်ဒ်အံၤလီသီၣ်ဒီးသူၣ်လီၤန့ၣ်အါ လံလၢပဂီၢ်လံ. ဒီးယအၢၣ်လီၤလၢယကပျၢ်သုဒီးသုတအိၣ်တဆိးဘၣ် ဖဲအံၤလၢၤဘၣ်.”

လံာ်ယၡါယၤ 40:28

မ့ၢ်နတသ့ၣ်ညါဘၣ်ဧါ. မ့ၢ်နတနၢ်ဟူတ့ၢ်ဘၣ်ဧါ. ယွၤမ့ၢ်ကစၢ်ယွၤအထူအယိာ်ဒီးတ့လီၤပာ်လီၤဟီၣ်ခိၣ်ခဲလၢာ် လီၤ. အဝဲတလီၤဘှံးလီၤတီၤဘၣ်ဒီးအသးတလီၤစၢ်လီၤဘှါနီတစုဘၣ်. အတၢ်ဆိကမိၣ်တဖၣ်န့ၣ်ပှၤတနၢ်ပၢၢ်အီၤနီတဂၤဘၣ်.

လံာ်ယၡါယၤ 45:19

ယတကတိၤတၢ်လၢတၢ်ခူသူၣ်အပူၤ ဒီးပာ်ခူသူၣ်ယတၢ်တိာ်န့ၣ်ဘၣ်. ယတမၤလိာ်ယပှၤဂီၢ်မုၢ်အံၣ်စရ့လးလၢကဃုထံၣ်န့ၢ်ယၤလၢတၢ်လီၢ် သယုၢ်အိၣ်ကလီတတီၤအပူၤန့ၣ်ဘၣ်. ယဲဒၣ်အံၤယမ့ၢ်ယွၤဒီးယကတိၤတၢ်မ့ၢ်တၢ်တီလီၤ. ယဒုးသ့ၣ်ညါတ့ၢ်တၢ်လၢအဘၣ်န့ၣ်လီၤ.

လံာ်ယံးရမံယၤ 12:1

ယွၤဧၢ, ယမ့ၢ်လိာ်ကွီၢ်ယတၢ်ဂ့ၢ်ဒီးနၤဒီး, နကဒုးနဲၣ်ဖျါလၢနတၢ်မ့ၢ်ဝဲတီဝဲန့ၣ်လီၤ. သနာ်က့, ယဘၣ်သံကွၢ်နၤတၢ်ဂ့ၢ် တၢ်ကျိၤတဖၣ်လၢအဘၣ်ဃးဒီးတၢ်စံၣ်ညီၣ်န့ၣ်လီၤ. ဘၣ်မနုၤအဃိပှၤအၢပှၤသီတဖၣ်ဘီၣ်ထီၣ်ညီထီၣ်ဝဲ နးမးန့ၣ်လဲၣ်. ဘၣ်မနုၤအဃိပှၤတတီတလိၤတဖၣ် မၤတၢ်ကဲထီၣ်လိၣ်ထီၣ်ဝဲန့ၣ်လဲၣ်.

လံာ်သးသယုၢ်တၢ် 3:23

သီဝဲကိးမုၢ်ဂီၤဒဲးဒ်မုၢ်ဆ့ၣ်ထီၣ်, လီၤတံၢ်လီၤဆဲးဝဲဒ်မုၢ် ဟဲထီၣ်အသိးန့ၣ်လီၤ.

လံာ်ယိၤနါ 4:11

ဒီးမ့ၢ်တကြၢးယသးအိၣ်ဘၣ်နံၤနဝ့, ဝ့ၢ်ဖးဒိၣ်တဖျၢၣ်, လၢပှၤကညီတသ့ၣ်ညါအစုထွဲဒီးအစု စ့ၣ်အိၣ်ဝဲလၢတကလီၢ်ခံကလးအဘျဲၣ်ဒီးဆၣ်ဖိကီၢ်ဖိအါအါကလဲာ် န့ၣ်ဘၣ်ဧါ.”

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.

ရိမ့ၤ 3:25

ကစၢ်ယွၤဟ့ၣ်လီၤယ့ၣ်ၡူးခရံာ်ဒ်သိးခီဖျိအတၢ်သံန့ၣ်, အဝဲကကဲထီၣ်ကျဲလၢပှၤဟီၣ်ခိၣ်ဖိတဖၣ်အတၢ်ဒဲးဘး ကဘၣ်တၢ်ပျၢ်အီၤအဂီၢ်လၢအဝဲသ့ၣ်အတၢ်နာ်အီၤအဃိန့ၣ်လီၤ. ကစၢ်ယွၤမၤတ့ၢ်တၢ်အံၤဒ်သိးအကဒုးနဲၣ်အတၢ်တီတၢ်လိၤ အဂီၢ်န့ၣ်လီၤ. လၢအပူၤကွံာ်န့ၣ်, ကစၢ်ယွၤဝံသးစူၤတၢ်ဒီးကွၢ်ကပာ်ကွံာ်ပှၤဟီၣ်ခိၣ်ဖိ တဖၣ်အတၢ်ဒဲးဘးန့ၣ်လီၤ.

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.

လံာ်သိၣ်လီၤသီလီၤတၢ် 7:9

သ့ၣ်နီၣ်ထီၣ်က့ၤလၢယွၤ, သုကစၢ်ယွၤမ့ၢ်ကစၢ်ယွၤထဲတဂၤဧိၤ, ဒီးလၢအဝဲမ့ၢ်ပှၤလၢအကလုၢ်တီန့ၣ်တက့ၢ်. အဝဲကဟံးဃာ်အတၢ်အၢၣ်လီၤအီလီၤဒီးဒုးနဲၣ်အတၢ်အဲၣ်အထူအယိာ် ဆူပှၤတဖၣ်လၢအအဲၣ်အီၤဒီးစူၢ်အတၢ်မၤလိာ်, တုၤလီၤလၢပှၤအစိၤတကထိန့ၣ်လီၤ.

၁ တံၤမသ့း 4:10

ပဂဲၤပျုၢ်ဒီးမၤတၢ်ဆူၣ်ဆူၣ်, မ့ၢ်လၢပပာ်ပတၢ်မုၢ်လၢ်လၢ ကစၢ်ယွၤလၢအမူဝဲတဂၤအပူၤ, လၢအမ့ၢ်ပှၤအုၣ်က့ၤခီၣ်က့ၤ ပှၤခဲလၢာ်, ဒီးလီၤဆီဒၣ်တၢ်ပှၤလၢအစူၢ်က့ၤနာ်က့ၤတၢ်တဖၣ် အဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:15

ကယဲၢ်ပှၤဖလ့ၡသးဖိအိၣ်လၢဝ့ၢ်အဃၢၤန့ၣ်ပျံၤတၢ်ဖုးတၢ်နးနးကလဲာ်လီၤ. ပှၤဂုာ်ဆူၣ်တၢ်တဖၣ်ဒီးပှၤသုးဖိတဖၣ်လၢသူၣ်ဒဲအလီၢ်န့ၣ် ကနိးကစုာ်လၢတၢ်ပျံၤတၢ်ဖုးအပူၤလီၤ. ဟီၣ်ခိၣ်ဟူးဝဲဒီးတၢ်ပျံၤတၢ်ဖုးဖးဒိၣ်အိၣ်ထီၣ်ဝဲလီၤ.