စံးထီၣ်ပတြၢၤ 36:11 - Sgaw Karen Common Bible

¹¹ တဘၣ်ပျဲပှၤပာ်ထီၣ်ထီအသးထီဒါယၤ, မ့တမ့ၢ်ပျဲပှၤတတီတလိၤဒုးဃ့ၢ်ကွံာ်ယၤန့ၣ်တဂ့ၤ.

စံးထီၣ်ပတြၢၤ 36:11 Iomraidhean Croise

စံးထီၣ်ပတြၢၤ 10:2

ပှၤတတီတလိၤပာ်ကဖိအသးဒီး မၤနးမၤဖှီၣ်ပှၤဖှီၣ်ဖိယာ်ဖိ, ဒီးဖီၣ်န့ၢ်အီၤလၢအဝဲသ့ၣ်အတၢ်ကူၣ်အၢ အပျံၤသကွီၤအပူၤန့ၣ်လီၤ.

စံးထီၣ်ပတြၢၤ 119:122

အၢၣ်လီၤလၢနကမၤစၢၤနခ့နပှၤန့ၣ်တက့ၢ်. ပျဲပှၤပာ်ထီၣ်ထီအသးမၤနၢၤမၤဃၣ်ယၤတဂ့ၤ.

စံးထီၣ်ပတြၢၤ 119:51

ပှၤပာ်ထီၣ်ထီအသးတဖၣ်န့ၣ်ဒုၣ်ဒွဲၣ်ယၤ နးမးတထံၣ်ဃီလီၤ. ဘၣ်ဆၣ်ယတဟးဖးဒီး နတၢ်သိၣ်တၢ်သီန့ၣ်ဘၣ်.

စံးထီၣ်ပတြၢၤ 119:69

ပှၤပာ်အသးထီၣ်ထီတဖၣ်န့ၣ်, ကူၣ်ထီၣ်ဖးလီၤတၢ်ကတိၤကဘျံးကဘျၣ် ထီဒါယၤလီၤ. ဘၣ်ဆၣ် ယစူၢ်နတၢ်သိၣ်တၢ် သီတဖၣ်လၢယသးဒီဖျၢၣ်ညါလီၤ.

စံးထီၣ်ပတြၢၤ 119:85

ပှၤပာ်ထီၣ်ထီအသးတဖၣ် ခူၣ်လီၤတၢ်ပူၤလၢယဂီၢ်လီၤ. အဝဲသ့ၣ်မ့ၢ်ပှၤလၢတဒိကနၣ် ယွၤအတၢ်သိၣ်တၢ်သီဘၣ်န့ၣ်လီၤ.

စံးထီၣ်ပတြၢၤ 16:8

ယသ့ၣ်ညါထီဘိလၢယွၤအိၣ်ဒီးယၤန့ၣ်လီၤ. အဝဲဒၣ်အိၣ်ဘူးဒီးယၤအဃိ, တၢ်လၢကမၤဟူးဝးယၤတအိၣ်နီတမံၤဘၣ်.

စံးထီၣ်ပတြၢၤ 62:6

ယလၢၢ်ဒီးတၢ်အုၣ်က့ၤခီၣ်က့ၤယၤ, ယတၢးထီၣ်ထီန့ၣ်မ့ၢ်ထဲအဝဲဒၣ်တဂၤဧိၤန့ၣ်လီၤ. ယတဟူးတဝးဘၣ်.

လံာ်ယၡါယၤ 51:23

ယကဟ့ၣ်လီၤအီၤဆူ, ပှၤတဖၣ်လၢအမၤအၢမၤနးသု, လၢအမၢသုမံလီၤလၢကျဲဘိတဖၣ်အပူၤ ဒီးယီၢ်တံၢ်သုဒ်ဟီၣ်ခိၣ်ကမူၣ်အသိး, အအိၣ်န့ၣ်လီၤ.”

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”