စံးထီၣ်ပတြၢၤ 35:4 - Sgaw Karen Common Bible

⁴ ပှၤလၢအဂုာ်ကျဲးစၢးမၤသံယၤန့ၣ်, မ်အဘၣ်တၢ်မၤနၢၤအီၤဒီး ဘၣ်တၢ်မၤမဲာ်ဆှးအီၤတက့ၢ်. ပှၤလၢအကူၣ်တၢ်အၢထီဒါယၤန့ၣ်, မ်အဘၣ်တၢ်ဃၣ်ကဒါက့ၤအီၤဒီး မၤကတုၤအသးန့ၣ်တက့ၢ်.

စံးထီၣ်ပတြၢၤ 35:4 Iomraidhean Croise

လံာ်စီၤပၤအခီၣ်ထံးတဘ့ၣ် 19:10

အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤတ့ၢ်နတၢ်မၤဒီးမၤဒၣ်ထဲတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်ဒီးမၤသံကွံာ်လံနဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤ သံယၤန့ၣ်လီၤ.”

စံးထီၣ်ပတြၢၤ 129:5

မ်ပှၤလၢအသးဟ့စံယိၣ်ခဲလၢာ် ဘၣ်တၢ်မၤနၢၤမၤဃၣ်အီၤဒီး နီၣ်ကဒါက့ၤအီၤန့ၣ်တက့ၢ်.

စံးထီၣ်ပတြၢၤ 35:26

ပှၤလၢအသူၣ်ခုသးခုဝဲလၢယတၢ်နးတၢ်ဖှီၣ်အဃိန့ၣ်, မ်ကဘၣ်တၢ်မၤမဲာ်ဆှးဒီးတၢ်မၤနၢၤကွံာ်အီၤ လၢာ်လၢာ်ဆ့ဆ့န့ၣ်တက့ၢ်. ပှၤလၢအပာ်ဒိၣ်အသးထီဒါယၤတဖၣ်န့ၣ်, မ်အဘၣ်တၢ်ဒုးကူဒုးသိးအီၤလၢတၢ်မဲာ်ဆှးဒီး တၢ်မၤဟးဂီၤအလၤကပီၤန့ၣ်တက့ၢ်.

စံးထီၣ်ပတြၢၤ 38:12

ပှၤလၢအအဲၣ်ဒိးမၤသံယၤပာ်လီၤပျံၤသကွီၤလၢယဂီၢ်, ပှၤလၢအအဲၣ်ဒိးမၤဆါယၤကတိၤပျံၤကတိၤဖုးတၢ်လၢကမၤဟး ဂီၤယၤလီၤ. အဝဲသ့ၣ်ကူၣ်တၢ်အၢထီဒါယၤသ့သ့တနံၤလီၤ.

စံးထီၣ်ပတြၢၤ 71:24

ဒီးယပျ့ၤကစံးကတိၤနတၢ်တီတၢ်လိၤ အတၢ်မၤစၢၤသ့သ့တနံၤလီၤ. အဂ့ၢ်ဒ်အံၤ, ပှၤလၢအဃုမၤဟးဂီၤယၤတဖၣ်န့ၣ် အမဲာ်ဆှးဒီးဘၣ်တၢ်ပာ်မဲာ်ဆှးအီၤလီၤ.

စံးထီၣ်ပတြၢၤ 83:18

မ်အဝဲသ့ၣ်, သ့ၣ်ညါလၢထဲနၤတဂၤဧိၤန့ၣ်နမ့ၢ်ယွၤ, ပှၤပၢတၢ်အဒိၣ်ကတၢၢ်လၢဟီၣ်ခိၣ်ချၢန့ၣ်တက့ၢ်.

လံာ်ယၡါယၤ 37:29

ယဒိးန့ၢ်တ့ၢ်တၢ်ပာ်ဖျါဘၣ်ဃးဒီးနတၢ်သူၣ်ဒိၣ်သးဖျိး, ဒီးနတၢ်ပာ်ထီၣ်ထီနသးအဝဲန့ၣ်အဂ့ၢ်လီၤ. ဒီးခဲအံၤယကဘျးနနါစ့ၤလၢနီၣ်ကွးတခါဒီးယကဒုးအ့ၣ်နၤလၢ ထးအ့ၣ်တဘိဒီးယကမိၤကဒါက့ၤနၤလၢကျဲတဘိဃီ လၢနဟဲတ့ၢ်နဲန့ၣ်လီၤ.”

လံာ်ယံးရမံယၤ 46:5

ယွၤသံကွၢ်ဝဲ, ဘၣ်ဆၣ်ဒီး ယထံၣ်ဘၣ်တၢ်မနုၤလဲၣ်. အဝဲသ့ၣ် ဃၣ်ကဒါက့ၤအသးလၢ တၢ်ပျံၤတၢ်ဖုးအပူၤလီၤ. အသုးဖိတဖၣ် ဘၣ်တၢ်မၤဃၣ်ကွံာ်အီၤ, တၢ်ပျံၤတၢ်ဖုးလုၣ်ဘၢကွံာ်အီၤလီၤ. အဝဲသ့ၣ်ဃ့ၢ်တချ့ဖဲအချ့ ဒီးတကွၢ်ကဒါက့ၤအလီၢ်ခံလၢၤဘၣ်.

လံာ်ယဃ့းစက့လး 13:19

သုမၤဟးဂီၤယလၤကပီၤလၢယပှၤဂီၢ်မုၢ်အမဲာ်ညါဒ်သိးဒီးသု ကမၤန့ၢ်ဘုမုယီၤစှၤစှီၤဒီးကိၣ်စှၤလိၣ်အဂီၢ်န့ၣ်လီၤ. သုမၤသံ ပှၤဂီၢ်မုၢ်လၢအတကြၢးဘၣ်သံဒီးသုပာ်မူပှၤဂီၢ်မုၢ်လၢအတကြၢး မူဘၣ်ဝဲန့ၣ်လီၤ. ဒီးသုတဲယပှၤဂီၢ်မုၢ်လၢတၢ်လီတၢ်ဝ့ၤတဖၣ်ဒီးအဝဲသ့ၣ်နာ်သု န့ၣ်လီၤ.”

လံာ်မးသဲ 27:1

တုၤမုၢ်ဆ့ၣ်ထီၣ်ဂီၤဂီၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ခဲလၢာ်ဒီးပှၤယူဒၤဖိကရၢအခိၣ်အနၢ် တဖၣ်, ကူၣ်ထီၣ်တၢ်ထီဒါယ့ၣ်ၡူး ဒ်သိးအကမၤသံဘၣ်အီၤအဂီၢ်လီၤ.

လံာ်ယိၤဟၣ် 18:6

ဖဲန့ၣ်ယ့ၣ်ၡူးစံးဘၣ်အဝဲသ့ၣ်လၢ, “ယမ့ၢ်ပှၤအဝဲန့ၣ်လီၤ” န့ၣ်, အဝဲသ့ၣ်ဂုၤက့ၤဆူအလီၢ်ခံဒီးလီၤဃံၤဝဲလၢဟီၣ်ခိၣ် အလိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:23

ဃုထံၣ်တၢ်လီၢ်လၢအအိၣ်ခူသူၣ်ဝဲန့ၣ်လီၤတံၢ်လီၤဆဲးဒီးမၤ လီၤတံၢ်လၢသုကဟဲစိာ်က့ၤတၢ်ပာ်ဖျါက့ၤဆူယအိၣ်တဘျီ ဃီန့ၣ်တက့ၢ်. အန့ၣ်တစု, ယကလဲၤဃုာ်ဒီးသုဒီးအဝဲမ့ၢ်အိၣ်ဒံးဖဲန့ၣ် လၢလီၢ်ကဝီၤန့ၣ်ဒီးယကလဲၤဃုန့ၢ်အီၤဒီးယမ့ၢ်ဘၣ်ဃုန့ၢ်အီၤလၢကီၢ်ယူဒၤဒီကီၢ်ညါဒၣ်လဲာ်န့ၣ်ယကဃုထံၣ်န့ၢ်အီၤလီၤ.”