စံးထီၣ်ပတြၢၤ 35:23 - Sgaw Karen Common Bible

²³ ထိၣ်ဂဲၤထီၣ်နသး, ဒီးဖုသံနီၣ်ထီၣ်လၢနကဒီဒၣ်ယၤ ဒီးကတိၤပူၤဖျဲးန့ၢ်တၢ်လၢယကွီၢ်အဂီၢ်တက့ၢ်. ယွၤယကစၢ်ယွၤဧၢ,

စံးထီၣ်ပတြၢၤ 35:23 Iomraidhean Croise

စံးထီၣ်ပတြၢၤ 119:154

အိၣ်ပှိၤယကွီၢ်, ဒီးမၤပူၤဖျဲးယၤတက့ၢ်. ဒ်နတၢ်အၢၣ်လီၤအသိးန့ၣ်ဟ့ၣ်လၢ်ယၤ တၢ်မူန့ၣ်တက့ၢ်.

စံးထီၣ်ပတြၢၤ 142:5

ယွၤဧၢ, ယကိးထီၣ်နၤလၢတၢ်မၤစၢၤအဂီၢ်, နဲဒၣ်ယွၤဧၢ, နမ့ၢ်ပှၤလၢအဒီဒၣ်အိၣ်ပှိၤယၤ, နမ့ၢ်တၢ်ခဲလၢာ်လၢယဆၢဒိးန့ၢ်ဘၣ်အီၤလၢ တၢ်အိၣ်မူအံၤအပူၤန့ၣ်လီၤ.

စံးထီၣ်ပတြၢၤ 44:23

ယွၤဧၢ, ဖုသံနီၣ်ထီၣ်တက့ၢ်, ဘၣ်မနုၤလၢနမံန့ၣ်လဲၣ်. ဂဲၤထၢၣ်တက့ၢ်. တဘၣ်စူးကွံာ်ပှၤထီဘိန့ၣ်တဂ့ၤ.

စံးထီၣ်ပတြၢၤ 44:24

ဘၣ်မနုၤလၢနပာ်သဒၢနသးလၢပှၤန့ၣ်လဲၣ်. တဘၣ်သးပ့ၤနီၣ်ပတၢ်နးတၢ်ဖှီၣ်ဒီး ပတၢ်ကိၢ်တၢ်ဂီၤန့ၣ်တဂ့ၤ.

စံးထီၣ်ပတြၢၤ 59:4

ယွၤဧၢ, ဒီးယတၢ်ကမၣ်မ့ၢ်တအိၣ်ဒၣ်လဲာ်, အဝဲသ့ၣ်ဃ့ၢ်ဝဲဒီးအိၣ်ကတဲာ်ကတီၤ အသးလၢကဒုးယၤအဂီၢ်လီၤ.

စံးထီၣ်ပတြၢၤ 7:6

ယွၤဧၢ, ဂဲၤဆၢထၢၣ်လၢနတၢ်သးထီၣ်အပူၤတက့ၢ်. ဆၢထၢၣ်ထီဒါယဒုၣ်ယဒါသ့ၣ်တဖၣ် အတၢ်သးကဲၤထီၣ်, ဖုသံနီၣ်ဒီးမၤစၢၤလၢ်ယၤတက့ၢ်. တၢ်တီတၢ်လိၤန့ၣ်မ့ၢ်တၢ်လၢ နဃ့ဒီးမၤလိာ်အီၤန့ၣ်လီၤ.

စံးထီၣ်ပတြၢၤ 7:7

ဒုးအိၣ်ဖှိၣ်ရိဖှိၣ်ပှၤကလုာ်ခဲလၢာ်ဝးတရံးနၤ ဒီးပၢအီၤလၢနလီၢ်ထီၣ်ထီန့ၣ်တက့ၢ်.

စံးထီၣ်ပတြၢၤ 7:9

ကစၢ်ယွၤလၢအတီအလိၤ ဒီးမၤကွၢ် ပှၤကညီအသးအတၢ်ဆိကမိၣ်နၤဧၢ, ဒုးကတၢၢ်ကွံာ်ပှၤတတီတလိၤအတၢ်အၢတၢ်သီ, ဘၣ်ဆၣ်ပှၤတီပှၤလိၤန့ၣ် ဒုးအိၣ်ဂၢၢ်ဆိးကျၢၤအီၤတက့ၢ်.

စံးထီၣ်ပတြၢၤ 74:22

ကစၢ်ယွၤဧၢ, ထိၣ်ဂဲၤထီၣ်နသးဒီး ဒီဒၣ်နကွီၢ်န့ၣ်တက့ၢ်. သ့ၣ်နီၣ်ထီၣ်က့ၤပှၤလၢအတအိၣ်ဒီးယွၤ နံၤဘၣ်ဖၣ်လဲနၤဒီတနံၤညါန့ၣ်တက့ၢ်.

စံးထီၣ်ပတြၢၤ 80:2

လီၣ်ဖျါထီၣ်နသးလၢအ့ဖရဲၣ်, ဘံၣ်ယၤမံၣ်ဒီးမနၤၡ့ၤအဒူၣ်တဖၣ် အမဲာ်ညါဧၢ, န့ၣ်တက့ၢ်. ထိၣ်ဂဲၤထီၣ်နဂံၢ်နဘါဒီး ဟဲအုၣ်က့ၤခီၣ်က့ၤပှၤတက့ၢ်.

စံးထီၣ်ပတြၢၤ 89:26

အဝဲဒၣ်ကကိးထီၣ်ဆူယအိၣ် “နဲဒၣ်အံၤနမ့ၢ်ယပၢ်, ယကစၢ်ယွၤ, ဒီးတၢ်အုၣ်က့ၤခီၣ်က့ၤယၤအလၢၢ်လီၤ.”

လံာ်ယၡါယၤ 51:9

ယွၤဧၢ, ဖုးသံနီၣ်ထီၣ်ဒီးမၤစၢၤပှၤတက့ၢ်. သူနတၢ်စိတၢ်ကမီၤဒီးအုၣ်က့ၤခီၣ်က့ၤပှၤတက့ၢ်, သူအီၤဒ်နသူတ့ၢ်အီၤလၢပျၢၤ လၢကစၢၤအသိးန့ၣ်တက့ၢ်. နမ့ၢ်တ့ၢ်ပှၤလၢအကျီကွံာ်ပီၣ်လဲၣ် အတၢ်မုၢ်ဃၢ်ဖးဒိၣ်ရၤဃးတကူာ်တကူာ်န့ၣ်လီၤ.

လံာ်သးသယုၢ်တၢ် 3:59

စံၣ်ညီၣ်တၢ်လၢတၢ်ကွၢ်မဲာ်ယၤအပူၤတက့ၢ်. နသ့ၣ်ညါလၢတၢ်မၤကမၣ် တဖၣ်ဘၣ်တၢ်မၤအီၤထီဒါယၤန့ၣ်လီၤ.

လံာ်ယိၤဟၣ် 20:28

စီၤသိၤမါစံးဆၢယ့ၣ်ၡူး “ယကစၢ်ဒီးယကစၢ်ယွၤ” န့ၣ်လီၤ.