စံးထီၣ်ပတြၢၤ 35:21 - Sgaw Karen Common Bible

²¹ အဝဲသ့ၣ်အဲးထီၣ်အထးခိၣ်ဖးလဲၢ်ဒီးကတိၤထီဒါယၤ, “အၣ်ဟါ, အၣ်ဟါ, ပထံၣ်တၢ်လၢနမၤတ့ၢ်လီၤ.”

စံးထီၣ်ပတြၢၤ 35:21 Iomraidhean Croise

လံာ်စီၤယိၤဘး 30:11

မ့ၢ်လၢကစၢ်ယွၤမၤလီၤစၢ်တ့ၢ်လံယဂံၢ်ယဘါဒီးပှၤမၤစၢၤယၤ တအိၣ်ဘၣ်အဃိအဝဲသ့ၣ်ထီဒါယၤလၢအတၢ်သးထီၣ်အပူၤန့ၣ်လီၤ.

စံးထီၣ်ပတြၢၤ 22:13

အဝဲသ့ၣ်အိးထီၣ်အထးခိၣ်ဒ်ခ့ယုၢ်တဖၣ်လၢ အကညီၤထီၣ်ဒီးအ့ၣ်ဖှီယၤအသိးန့ၣ်လီၤ.

စံးထီၣ်ပတြၢၤ 22:14

ယဂံၢ်ယဘါလၢာ်တ့ၢ်လံ, လၢာ်ကွံာ်ဒ်ထံလၢအလီၤဂၢ်လၢ ဟီၣ်ခိၣ်လိၤအသိးန့ၣ်လီၤ. ယဃံခဲလၢာ်လီၤဖျုကွံာ်ဝဲ, ယသးမၤအသးဒ် ဃိးလၢအပှံၢ်လီၤကွံာ်ဝဲအသိးန့ၣ်လီၤ.

စံးထီၣ်ပတြၢၤ 40:15

မ်ပှၤလၢအနံၤဘၣ်ဖၣ်လဲယၤတဖၣ်န့ၣ် အမဲာ်ဆှးလီၤက့ၤအသးတုၤ အမၤက့ၤတၢ်မၤတသ့ဘၣ်နီတမံၤန့ၣ်တက့ၢ်.

စံးထီၣ်ပတြၢၤ 40:16

မ်ပှၤလၢအဟဲဆူနအိၣ်ခဲလၢာ် ကသူၣ်ခုသးခုဒီးသူၣ်ဖှံသးညီန့ၣ်တက့ၢ်. မ်ပှၤလၢအစံးဘျုးနၤလၢ နတၢ်အုၣ်က့ၤခီၣ်က့ၤအဂီၢ်ခဲလၢာ် စံးထီဘိ, ‘‘ယွၤန့ၣ်ဒိၣ်ဝဲလီၤ’’ န့ၣ်တက့ၢ်.

စံးထီၣ်ပတြၢၤ 54:7

နမၤပူၤဖျဲးတ့ၢ်လံယၤလၢကယဲၢ် ယတၢ်ကိၢ်တၢ်ဂီၤခဲလၢာ်, ဒီးယမဲာ်ထံၣ်လံယဒုၣ်ယဒါတဖၣ် ဘၣ်တၢ်မၤနၢၤအီၤလံန့ၣ်လီၤ.

စံးထီၣ်ပတြၢၤ 70:3

ပှၤလၢအစံး, အၣ်ဟါ, အၣ်ဟါန့ၣ် မ်အဘၣ်တၢ်မၤပျံၤမၤဖုးအီၤလၢ အတၢ်မဲာ်ဆှးအဃိန့ၣ်တက့ၢ်.

လံာ်ယၡါယၤ 9:12

ကီၢ်စူၤရံလၢမုၢ်ထီၣ်တခီဒီးကီၢ်ဖလ့ၡသးလၢမုၢ်နုာ်တခီအိးထီၣ် တ့ၢ်အကိာ်ပူၤတဖၣ်လၢကအီၣ်ယူၢ်လီၤကွံာ်ကီၢ်အံၣ်စရ့လးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်တ့ၢ်အသးဘၣ်. အစုယူာ်ထီၣ်ဒံးအသးလၢကစံၣ်ညီၣ်တၢ်အဂီၢ်လီၤ.

လံာ်သးသယုၢ်တၢ် 2:16

ကယဲၢ်နဒုၣ်နဒါခဲလၢာ်ဒုၣ်ဒွဲၣ်နၤဒီးကွၢ်ဟ့ကွၢ်ကျိၣ်နၤလၢ တၢ်သးဟ့အပူၤလီၤ. အဝဲသ့ၣ်ဝံာ်နိးဝံၣ်နါ, သံးနိးသံးနါဒီးစံးဝဲ, “ပမၤဟးဂီၤကွံာ်အီၤလံ. အအံၤမ့ၢ်မုၢ်တနံၤလၢပအိၣ်ခိးတ့ၢ်ဝဲလီၤ.”

လံာ်ယဃ့းစက့လး 25:3

တဲဘၣ်အဝဲသ့ၣ်လၢကဒိကနၣ်တၢ်လၢ, ယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တက့ၢ်. သုဘၣ်သူၣ်ဘၣ်သးတ့ၢ်လၢသုထံၣ်ဘၣ်ယတၢ်လုၢ်ဟံၣ်ဘၣ်တၢ်မၤ တရီတပါအီၤ, သုထံၣ်ဘၣ်ကီၢ်အံၣ်စရ့လးဘၣ်တၢ်မၤဟးဂီၤဒီးမၤအိၣ်သယုၢ်အီၤ, သုထံၣ်ဘၣ်ကီၢ်ယူဒၤအပှၤဂီၢ်မုၢ်လဲၤဆူတၢ်စိာ်မၢကဲကုၢ်အပူၤ အဃိန့ၣ်လီၤ.