စံးထီၣ်ပတြၢၤ 35:19 - Sgaw Karen Common Bible

¹⁹ တဘၣ်ပျဲယဒုၣ်ယဒါလၢအလီတၢ်သ့ၣ်တဖၣ် သူၣ်ခုသးခုလၢ ယဘၣ်တၢ်မၤနၢၤယၤအဃိန့ၣ်တဂ့ၤ. တဘၣ်ပျဲပှၤလၢအသးဟ့ယၤကွၢ်တကျ့ယၤလၢ တၢ်ဂ့ၢ်တအိၣ်ဘၣ်နီတမံၤအပူၤန့ၣ်တဂ့ၤ.

စံးထီၣ်ပတြၢၤ 35:19 Iomraidhean Croise

လံာ်စီၤယိၤဘး 15:12

ဘၣ်ဆၣ်နသူၣ်ဒိၣ်သးဖျိးနဲဒီးကွၢ်ဟ့ကွၢ်ကျိၣ်ပှၤလၢတၢ်သး ထီၣ်အပူၤန့ၣ်လီၤ.

စံးထီၣ်ပတြၢၤ 109:3

အဝဲသ့ၣ်ကတိၤအၢကတိၤသီတၢ်လၢ ယဂ့ၢ်ယကျိၤ ဒီးထီဒါယၤလၢ တၢ်ဂ့ၢ်တအိၣ်နီတမံၤဘၣ်အပူၤန့ၣ်လီၤ.

စံးထီၣ်ပတြၢၤ 119:161

ပဒိၣ်ဖးဒိၣ်မၤအၢမၤသီယၤကလီကလီလီၤ. ဘၣ်ဆၣ်ဒီးယယူးယီၣ်နတၢ်သိၣ်တၢ်သီလီၤ.

စံးထီၣ်ပတြၢၤ 13:4

တဘၣ်ပျဲယဒုၣ်ယဒါသ့ၣ်တဖၣ်စံး, “ပမၤနၢၤတ့ၢ်လံအီၤလံ.” န့ၣ်တဂ့ၤ. တဘၣ်ပျဲအဝဲသ့ၣ်သးခုခူသူၣ်လၢ ယဃၣ်ကွံာ်အဃိန့ၣ်တဂ့ၤ.

စံးထီၣ်ပတြၢၤ 25:2

ယကစၢ်ယွၤဧၢ, ယနာ်နၤလီၤ. မ်ယသုတဘၣ်တၢ်မၤမဲာ်ဆှးယၤတဂ့ၤ. မ်ယဒုၣ်ယဒါအသုတသးခုလၢယဖီခိၣ်တဂ့ၤ.

စံးထီၣ်ပတြၢၤ 35:15

မ့မ့ၢ်ဖဲယအိၣ်လၢတၢ်ကိၢ်တၢ်ဂီၤအပူၤန့ၣ်ဒီး အဝဲသ့ၣ်ခဲလၢာ်သးခုဝဲ, ပာ်ဖှိၣ်ထီၣ်အသးလၢကနံၤဘၣ်ဖၣ်လဲယၤအဂီၢ်, ဒီးပှၤလၢယတသ့ၣ်ညါအီၤတဖၣ်န့ၣ် ဖှီတဲာ်ယၤတကတၢၢ်နီတဘျီဘၣ်န့ၣ်လီၤ.

စံးထီၣ်ပတြၢၤ 38:16

အဂ့ၢ်ဒ်အံၤ, ယဃ့တ့ၢ်ယဲ, “တဘၣ်ပျဲအဝဲသ့ၣ်သးခုလၢယဖီခိၣ်တဂ့ၤ, တုၤယခီၣ်လီၤတလံာ်ဒီး တဘၣ်ပျဲအဝဲသ့ၣ်ပာ်ကဖၢလၢအသးလၢယဖီခိၣ်တဂ့ၤ.”

စံးထီၣ်ပတြၢၤ 38:17

အဂ့ၢ်ဒ်အံၤ, ဘူးလၢယကလီၤဃံၤ, ဒီးယတၢ်ဆူးတၢ်ဆါန့ၣ်အိၣ်ဒီးယၤတထံၣ်ဃီလီၤ.

စံးထီၣ်ပတြၢၤ 38:19

ယဒုၣ်ယဒါသ့ၣ်တဖၣ်အိၣ်ဆူၣ်အိၣ်ချ့ ဒီးအဂံၢ်ဆူၣ်ဘါဆူၣ်ဝဲ ဒီးလၢတၢ်ဂ့ၢ်တအိၣ်နီတမံၤဘၣ်အပူၤန့ၣ်, ပှၤလၢအသးဟ့ယၤအိၣ်အါဂၤလီၤ.

စံးထီၣ်ပတြၢၤ 38:20

ပှၤလၢအဟ့ၣ်ဆၢက့ၤယၤ တၢ်အၢလၢတၢ်ဂ့ၤအဂီၢ်တဖၣ်န့ၣ် ထီဒါယၤ, မ့ၢ်လၢယဂုာ်ကျဲးစၢးမၤတၢ်ဂ့ၤအဃိလီၤ.

စံးထီၣ်ပတြၢၤ 69:4

ပှၤလၢအသးဟ့ယၤကလီကလီတဖၣ်န့ၣ် အိၣ်ဝဲအါန့ၢ်ယခိၣ်သူအဘိတက့ၢ်လီၤ. ပှၤလၢကမၤဟးဂီၤယၤ, ပှၤလၢအထီဒါယၤ လၢတၢ်လီတၢ်ဝ့ၤအပူၤတဖၣ်န့ၣ် အိၣ်ဝဲအါမးန့ၣ်လီၤ. အဝဲသ့ၣ်မၢ ယဟ့ၣ်ကဒါက့ၤတၢ်လၢ ယတဟုၣ်န့ၢ်အီၤဘၣ်လီၤ.

စံးထီၣ်ပတြၢၤ 69:5

ကစၢ်ယွၤဧၢ, နသ့ၣ်ညါယတၢ်သူၣ်တဆးသးတဆးလီၤ. ယတၢ်ဒဲးဘးတဖၣ်လၢယမၤတ့ၢ်လံအီၤန့ၣ် တအိၣ်တဒၢဘၣ်လၢနၤဘၣ်.

တၢ်ကတိၤဒိ. 10:10

ပှၤတဂၤလၢအပာ်ခူသူၣ်တၢ်မ့ၢ်တၢ်တီန့ၣ်, ဒုးအိၣ်ထီၣ်တၢ်ကီ တၢ်ခဲလီၤ. မ့မ့ၢ်, ပှၤတဂၤလၢအကတိၤဘှီက့ၤတၢ်ဖျါဖျါန့ၣ်, မၤတၢ်လၢတၢ်ဃူတၢ်ဖိးအဂီၢ်လီၤ.

တၢ်ကတိၤဒိ. 6:13

အဝဲသ့ၣ်ဖျးအမဲာ်, ဒီးနဲၣ်စုနဲၣ်ခီၣ်လၢကလီန့ၢ်သုအဂီၢ် လီၤ.

လံာ်သးသယုၢ်တၢ် 3:52

ယဘၣ်တၢ်ဖီၣ်န့ၢ်ယၤလၢထုဒ်ထိၣ်ဖိတဘ့ၣ်အသိးလၢဒုၣ်ဒါတဖၣ်လၢ အတၢ်ဂ့ၢ်တအိၣ်ဘၣ်ဒ်သိးအကသးဟ့ယၤန့ၣ်လီၤ.

လံာ်ယိၤဟၣ် 15:25

ဘၣ်ဆၣ်ဒီး, တၢ်အံၤကဘၣ်မၤအသးဒ်သိးတၢ်လၢ အဘၣ်တၢ်ကွဲးဃာ်အီၤလၢအဝဲသ့ၣ်အတၢ်သိၣ်တၢ်သီ အပူၤကလၢထီၣ်ပှဲၤထီၣ်ဝဲအဂီၢ်လီၤ. တၢ်ကွဲးဃာ် အသးလၢအစံးဝဲ, ‘အဝဲသ့ၣ်သးဟ့ယၤလၢတၢ်အဂ့ၢ် အခၢးတအိၣ်နီတမံၤဘၣ်အပူၤန့ၣ်လီၤ’ (စံး ၆၉:၄).