စံးထီၣ်ပတြၢၤ 35:13 - Sgaw Karen Common Bible

¹³ ဘၣ်ဆၣ်ယဲဒၣ်ယၤအံၤ, ဖဲအဝဲသ့ၣ်ဘၣ်တၢ်ဆူးတၢ်ဆါန့ၣ်ဒီး ယကူထီၣ်ကၤထီၣ် တၢ်သူၣ်အုးသးအုးအဆ့ကၤ, ယတူၢ်ဖှီၣ်ယသးလၢတၢ်ဒုၣ်တၢ်အီၣ်န့ၣ်လီၤ. ယဘါထုကဖၣ်လၢတၢ်ဆုးလီၤယခိၣ်အပူၤ,

စံးထီၣ်ပတြၢၤ 35:13 Iomraidhean Croise

လံာ်စီၤယိၤဘး 30:25

မ့ၢ်ယတဟီၣ်ဃုာ်ဒီးပှၤဘၣ်တၢ်ကိၢ်တၢ်ဂီၤဒီးသးအုးဃုာ်ဒီး ပှၤလၢအလိၣ်ဘၣ်တၢ်မၤစၢၤတဖၣ်ဘၣ်န့ၣ်ဧါ.

စံးထီၣ်ပတြၢၤ 69:12

ယကဲထီၣ်တၢ်ဘၣ်ကတိၤအလီၢ်လၢပှၤလၢ အဆ့ၣ်နီၤလၢပဲတြီဒီး ပှၤအီမူၤသံးတဖၣ်မၤတၢ်သးဝံၣ်တဖၣ်ဘၣ်ဃး ဒီးယၤလီၤ.

လံာ်ယၡါယၤ 58:3

ပှၤဂီၢ်မုၢ်သံကွၢ်တၢ်, “ယွၤမ့ၢ်တထံၣ်သ့ၣ်ညါနီတစုဘၣ်ဒီး, ဘၣ်မနုၤအဃိပဘၣ်ဒုၣ်တၢ်အီၣ်န့ၣ်လဲၣ်. အဝဲမ့ၢ်တကနၣ်ဃုာ်နီ တစဲးဘၣ်ဒီး, ဘၣ်မနုၤအဃိပတဘၣ်အီၣ်တၢ်အီတၢ်န့ၣ်လဲၣ်.” ယွၤစံးဘၣ်အဝဲသ့ၣ်, “နီၢ်နီၢ်တခီ, တကတီၢ်ဃီဖဲသုဒုၣ်တၢ်အီၣ်တၢ်အီန့ၣ်, သုလူၤမၤထွဲသုတၢ်သး စဲဒၣ်ဝဲတဖၣ်ဒီးမၤအၢမၤနးသုပှၤမၤတၢ်ဖိတဖၣ်လီၤ.

လံာ်ယၡါယၤ 58:5

ဖဲသုဒုၣ်တၢ်အီၣ်တၢ်အီန့ၣ်, သုပာ်ဖျါသုသးလၢသုတူၢ်ဘၣ် တၢ်လီၤ. သုဆုးဖုၣ်လီၤသုခိၣ်တဖၣ်ဒ်နီၣ်အလၣ်တဘ့ၣ်အသိး, ဒီးသုဒါလီၤထၢၣ်တၢ်ကံးယာ်ဒီးဖှံလီၤဖၣ်ကမူၣ်ဖၣ်ဆါဒ်သိး သုကမံလီၤလၢအဖီခိၣ်အဂီၢ်လီၤ. တၢ်န့ၣ်မ့ၢ်တၢ်လၢသုကိးအီၤ လၢအမ့ၢ်တၢ်ဒုၣ်တၢ်အီၣ်တၢ်အီန့ၣ်ဧါ. မ့ၢ်သုဆိကမိၣ်လၢ ယကမုာ်သူၣ်မုာ်သးလၢတၢ်ဒ်န့ၣ်ဧါ.

လံာ်တၢ်ဘူၣ်ထီၣ်ဘါထီၣ် 16:29

တၢ်သိၣ်တၢ်ဘျၢလၢလာ်တဖၣ်အံၤန့ၣ်ကဘၣ်တၢ်ဒိကနၣ်မၤထွဲအီၤ အစိၤစိၤအဃၣ်ဃၣ်န့ၣ်လီၤ. လၢနွံလါတလါထီၣ်အသီ တဆံအနံၤန့ၣ်ပှၤအံၣ်စရ့လးဖိဒီးပှၤတခီဘီမုၢ် ဖိလၢအအိၣ်ဝဲဆိးဝဲလၢပှၤအံၣ်စရ့လးဖိအကျါခဲလၢာ်ကဘၣ်ဒုၣ်တၢ်အီၣ်ဒီး တဘၣ်ဖံးတၢ်မၤတၢ်နီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 16:31

ဒီးမုၢ်နံၤအဝဲန့ၣ်န့ၣ်ကဘၣ်မ့ၢ်မုၢ်နံၤစီဆှံလၢအဝဲသ့ၣ်ကဘၣ်ဒုၣ်တၢ်အီၣ်တၢ်အီ, ဒီးတဘၣ်ဖံးတၢ်မၤတၢ်နီတမံၤဘၣ်န့ၣ်လီၤ. ဒီးတၢ်သိၣ်တၢ်ဘျၢတဖၣ်အံၤကဘၣ်တၢ်ဒိကနၣ်မၤထွဲအီၤအစိၤစိၤအဃၣ်ဃၣ်န့ၣ်လီၤ.

လံာ်မးသဲ 10:13

ပှၤမ့ၢ်တူၢ်လိာ်သုဒီးပျဲသုတၢ်ဃူတၢ်မုာ်တုၤအိၣ်အီၤတက့ၢ်. ဘၣ်ဆၣ်ဒီးမ့ၢ်တတူၢ်လိာ်သုဘၣ်ဒီး ပျဲသုတၢ်ဃူတၢ်မုာ်ဟဲက့ၤကဒါက့ၤဆူ သုအိၣ်တက့ၢ်.

လံာ်မးသဲ 5:44

ဘၣ်ဆၣ်ဒီး အခဲအံၤယစံးဘၣ်သု, အဲၣ်သုဒုၣ်သုဒါဒီးဃ့ထုကဖၣ် ယွၤလၢပှၤလၢအမၤနးမၤဖှီၣ်သုတဖၣ်အဂီၢ်တက့ၢ်.

လံာ်လူၤကၣ် 10:6

ပှၤလၢအအဲၣ်တၢ်ဃူတၢ်ဖိးမ့ၢ်အိၣ်ဖဲန့ၣ်န့ၣ်, ပျဲနတၢ်ဃူတၢ်ဖိးအတၢ်ဆၢဂ့ၤဆၢဝါအိၣ်တ့ၢ်လၢအလိၤတက့ၢ်. ပှၤလၢအအဲၣ်တၢ်ဃူတၢ်ဖိးမ့ၢ်တအိၣ်ဘၣ်ဒီး, ဟံးန့ၢ်က့ၤနတၢ်ဃူတၢ်ဖိးအတၢ်ဆၢဂ့ၤဆၢဝါန့ၣ်တက့ၢ်.