စံးထီၣ်ပတြၢၤ 34:5 - Sgaw Karen Common Bible

⁵ ကွၢ်ထီၣ်အီၤ, ဒီးကပီၤထီၣ်, အန့ၣ်ဒီးနမဲာ်တဆှးဘၣ်နီတဘျီဘၣ်.

စံးထီၣ်ပတြၢၤ 34:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:5

စီၤယိၤအာ်လဲၤဝဲဆူစီၤပၤအဟံၣ်ဒီးစံးဘၣ်အီၤ, “တနံၤအံၤနမၤမဲာ်ဆှးကွံာ်နပှၤတဖၣ်, ပှၤတဖၣ်လၢအမၤပူၤဖျဲးနသးသမူ, ဒီးနဖိခွါတဖၣ်ဒီးဖိမုၣ်တဖၣ်အသးသမူ ဒီးနမါတဖၣ်ဒီးနသံၣ်မါတဖၣ်အသးသမူန့ၣ်လီၤ.

လံာ်နီၢ်အ့ၤစတၢ် 8:16

လၢပှၤယူဒၤဖိတဖၣ်အဂီၢ်န့ၣ်မ့ၢ်တၢ်သူၣ်ခုသးခု, တၢ်ထူၣ်ဖျဲး, တၢ်သူၣ်ဖှံသးညီဒီးတၢ်လၤကပီၤတကလုာ်န့ၣ်လီၤ.

စံးထီၣ်ပတြၢၤ 13:3

ယွၤ, ယကစၢ်ယွၤဧၢ, ကွၢ်လီၤယၤ, ဒီးစံးဆၢယၤတက့ၢ်. ဒုးအိၣ်ထီၣ်က့ၤယဂံၢ်ယဘါ, ဒီးတဘၣ်ပျဲယသံတဂ့ၤ.

စံးထီၣ်ပတြၢၤ 138:3

မုၢ်တနံၤလၢယကိးထီၣ်နၤန့ၣ်နစံးဆၢယၤ, ဒီးနဒုးဆူၣ်ထီၣ်ယဂံၢ်ယဘါလၢ ယသးကံၢ်ပူၤလီၤ.

စံးထီၣ်ပတြၢၤ 18:28

မ့ၢ်လီၤ. နမၤကပီၤထီၣ်ယမ့ၣ်အူဒၢ, ယွၤယကစၢ်မၤကပီၤထီၣ်ယတၢ်ခံးန့ၣ်လီၤ.

စံးထီၣ်ပတြၢၤ 25:3

ပှၤလၢအနာ်နၤသ့ၣ်တဖၣ်တဘၣ်တၢ်မၤနၢၤအီၤဘၣ်. မ့မ့ၢ်ဘၣ်ဒၣ်ထဲပှၤလၢအချ့ဝဲလၢ တၢ်ပူထီၣ်နၤအပူၤတဖၣ်န့ၣ်လီၤ.

စံးထီၣ်ပတြၢၤ 3:5

ယမံလီၤယဲ, ဒီးယွၤကဟုဘံၣ်ကယာ်ဘၢယၤ ဒီတနၤညါလၢယတၢ်မံအပူၤလီၤ.

စံးထီၣ်ပတြၢၤ 36:9

တၢ်မူအထံထီၣ်ပၢၢ်အိၣ်ဒီးနၤ ဒီးပထံၣ်တၢ်ကပီၤလၢနတၢ်ကပီၤအပူၤန့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 50:23

ပှၤလၢအဟဲစိာ်တၢ်စံးဘျုးစံးဖှိၣ်ဒ်တၢ်လုၢ်အသိးန့ၣ် မၤလၤကပီၤယၤလီၤ. ဒီးပှၤလၢအကတဲာ်ကတီၤအကျဲန့ၣ် ယကဒုးနဲၣ်အီၤလၢ ယတၢ်အုၣ်က့ၤခီၣ်က့ၤလီၤ.”

စံးထီၣ်ပတြၢၤ 83:16

ယွၤဧၢ, မၤပှဲၤအမဲာ်ဒီးတၢ်မဲာ်ဆှး ဒ်သိးအကဃုသ့ၣ်ညါနမံၤတက့ၢ်.

စံးထီၣ်ပတြၢၤ 97:11

တၢ်ကပီၤကပီၤထီၣ်ဝဲလၢပှၤတီပှၤလိၤအဂီၢ်, ဒီးတၢ်သူၣ်ခုသးခုလၢ ပှၤလၢအသူၣ်တီသးလိၤအဂီၢ်န့ၣ်လီၤ.

လံာ်ယၡါယၤ 45:22

ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.

လံာ်ယၡါယၤ 60:5

နကထံၣ်ဘၣ်တၢ်အံၤဒီးနသးပူၤကပှဲၤဒီးတၢ်သးခု, နကကနိးကစုာ်လၢတၢ်သူၣ်ဟူးသးဂဲၤအပူၤလီၤ. ပှၤကလုာ်တဖၣ်အတၢ်ထူးတၢ်တီၤ ကဘၣ်တၢ်ဟဲစိာ်အီၤဆူနအိၣ်, အတၢ်ထူးတၢ်တီၤတဖၣ်ကဟဲခီဂာ်ပီၣ်လဲၣ်န့ၣ်လီၤ.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:13

မၤသးဒ်န့ၣ်ဒီး, စီၤဒၤဝံးဒီးအပှၤခဲလၢာ်အဂၤဃုကယၤဃၣ်ဃၣ်န့ၣ် ဟးထီၣ်လၢဝ့ၢ်ကံလၤအပူၤ တဘျီဃီဒီးလဲၤဆူညါကွ့ၢ်ကွ့ၢ်လီၤ. ဖဲစီၤစီလူးနၢ်ဟူလၢစီၤဒၤဝံးဃ့ၢ်ပူၤဖျဲးကွံာ်လၢဝ့ၢ်ကံလၤ ဒီးအဝဲပာ်တီၢ်ကွံာ်အတၢ်ကူၣ်တၢ်ကျဲၤလီၤ.