စံးထီၣ်ပတြၢၤ 34:4 - Sgaw Karen Common Bible

⁴ ယဃုယွၤဒီးအဝဲဒၣ်စံးဆၢယၤ, ဒီးမၤပူၤဖျဲးယၤလၢကယဲၢ် ယတၢ်ဘၣ်ယိၣ်ခဲလၢာ်န့ၣ်လီၤ.

စံးထီၣ်ပတြၢၤ 34:4 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 15:2

ဒီးအဝဲဟးထီၣ်ဒ်သိးကလဲၤထံၣ်စီၤပၤအၤစါအဂီၢ်န့ၣ်လီၤ. ဒီးအဝဲကိးထီၣ်ဝဲ, “စီၤပၤအၤစါဒီးကယဲၢ်ပှၤဂီၢ်မုၢ်လၢ ယူဒၤဒီးဘံၣ်ယၤမံၣ်သ့ၣ်ဧၢ, ဒိကနၣ်ယၤတက့ၢ်. တုၤသုအိၣ်ဒီးယွၤန့ၣ်, ယွၤအိၣ်ဒီးသုန့ၣ်လီၤ. သုမ့ၢ်ဃုထံၣ်န့ၢ်အီၤဒီးအဝဲကပျဲသုထံၣ်န့ၢ်အီၤ, မ့မ့ၢ်, သုမ့ၢ်ဃၣ်ကွံာ်သုသးဒီးအဝဲကပာ်လီၤတဲာ်ကွံာ်သုန့ၣ်လီၤ.

စံးထီၣ်ပတြၢၤ 18:6

လၢယဘၣ်တၢ်ကိၢ်တၢ်ဂီၤအပူၤန့ၣ်ယကိးထီၣ်ယွၤ, ယကိးထီၣ်ယကစၢ်ယွၤလၢတၢ်မၤစၢၤအဂီၢ်လီၤ. လၢအတၢ်လုၢ်ဟံၣ်အပူၤအဝဲနၢ်ဟူယကလုၢ်, အဝဲဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်လီၤ.

စံးထီၣ်ပတြၢၤ 22:24

အဝဲတမ့ၢ်ပှၤလၢအကွၢ်ယပာ်ကွံာ်ပှၤဖှီၣ်ဖိယာ်ဖိ မ့တမ့ၢ်တပာ်သ့ၣ်ညါအသးလၢအဝဲသ့ၣ် အတၢ်နးတၢ်ဖှီၣ်န့ၣ်ဘၣ်. အဝဲတဃၣ်ဒူချၢအသးလၢအဝဲသ့ၣ်ဘၣ်, ဘၣ်ဆၣ်ဖဲအဝဲသ့ၣ်ကိးထီၣ်လၢ တၢ်မၤစၢၤအဂီၢ်န့ၣ်, အဝဲစံးဆၢဝဲဒၣ်လီၤ.”

စံးထီၣ်ပတြၢၤ 31:22

ယပျံၤတၢ်ဒီးယဆိကမိၣ်ယဲလၢ အဝဲဟီထီၣ်ကွံာ်ယၤလၢအမဲာ်ညါလံန့ၣ်လီၤ. ဘၣ်ဆၣ်တုၤယကိးထီၣ်အီၤလၢတၢ်မၤစၢၤအဂီၢ်န့ၣ်ဒီး နၢ်ဟူယတၢ်ကိးထီၣ်န့ၣ်လီၤ.

စံးထီၣ်ပတြၢၤ 35:27

မ်ပှၤလၢအဆၢထံၣ်ဘၣ်ယၤလၢ တၢ်ပာ်တၢ်ကမၣ်အလီၢ်တအိၣ်ဘၣ်န့ၣ် ကိးထီၣ်လၢတၢ်သးခုအဂီၢ်ဒီးစံးထီဘိ, “ယွၤန့ၣ်ဒိၣ်ဝဲလီၤ.” အဝဲဘၣ်သူၣ်ဘၣ်သးလၢ အခ့အပှၤအတၢ်ကဲထီၣ်လိၣ်ထီၣ်န့ၣ်လီၤ.

စံးထီၣ်ပတြၢၤ 40:17

ယွၤဧၢ, ယဂံၢ်ယဘါစၢ်ဒီးယဖှီၣ်ယဲလီၤ. ဘၣ်ဆၣ်နတသးပ့ၤနီၣ်တ့ၢ်ယၤဘၣ်. နမ့ၢ်ပှၤလၢအမၤပူၤဖျဲးယၤဒီးယကစၢ်ယွၤလီၤ. မၤယံာ်နသးလၢနကမၤစၢၤယၤအဂီၢ်န့ၣ်တဂ့ၤ.

စံးထီၣ်ပတြၢၤ 46:2

မၤသးဒ်န့ၣ်ဒီးဟီၣ်ခိၣ်မ့ၢ်လဲလိာ်အသးဘၣ်ဆၣ်, ကစၢၢ်ကလိတဖၣ်မ့ၢ်ဟူးဝးဝဲလၢ ပီၣ်လဲၣ်အသးကံၢ်ပူၤဘၣ်ဆၣ်,

စံးထီၣ်ပတြၢၤ 56:3

ယွၤသ့တၢ်လၢာ်ကစၢ်ဧၢ, တုၤယပျံၤတၢ်ဒီး ယသန့ၤယသးလၢနၤလီၤ.

လံာ်ယၡါယၤ 12:2

ကစၢ်ယွၤမ့ၢ်ပှၤအုၣ်က့ၤခီၣ်က့ၤယၤလီၤ. ယကနာ်အီၤဒီးတပျံၤဘၣ်တၢ်ဘၣ်. ယွၤဟ့ၣ်ယၤတၢ်စိတၢ်ကမီၤဒီးတၢ်ဂံၢ်တၢ်ဘါ ဒီးအဝဲမ့ၢ်ပှၤအုၣ်က့ၤခီၣ်က့ၤယၤလီၤ.

လံာ်ယိၤနါ 2:2

စံးဝဲဒၣ်, “လၢယဘၣ်တၢ်နးတၢ်ဖှီၣ်န့ၣ်ယကိးထီၣ်နၤ, ဒီးနစံးဆၢယၤလီၤ. ယကိးထီၣ်လၢတၢ်သံအတၢ်ယိာ်ပူၤဒီးနနၢ်ဟူ ယကလုၢ်လီၤ.

လံာ်မးသဲ 7:7

ဃ့တၢ်လၢယွၤတက့ၢ်ဒီးသုကဒိးန့ၢ်ဘၣ်လီၤ. ဃုတၢ်တက့ၢ်ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ် ဒီးယွၤကအိးထီၣ်န့ၢ်တၢ်လၢသုဂီၢ်လီၤ.

လံာ်လူၤကၣ် 11:9

ဒီးလၢတၢ်န့ၣ်အဃိယစံးဘၣ်တဲဘၣ်သုဃ့တၢ်တက့ၢ်. ဒီးသုကန့ၢ်ဘၣ်တၢ်လီၤ. ဃုတၢ်တက့ၢ်, ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ်, ဒီးတြဲၤကဘၣ်တၢ်အိးထီၣ်အီၤလၢသုဂီၢ်လီၤ.

၂ တံၤမသ့း 1:7

အဂ့ၢ်ဒ်လဲၣ်န့ၣ်, သးလၢကစၢ်ယွၤဟ့ၣ်လီၤတ့ၢ်ပှၤန့ၣ်တဒုး ကဲထီၣ်ပှၤလၢ, ပှၤလၢအပျံၤတၢ်ဘၣ်. မ့မ့ၢ်ယွၤအသးမၤပှဲၤ ပသးဒီးတၢ်စိတၢ်ကမီၤ, တၢ်အဲၣ်တၢ်ကွံ, ဒီးတၢ်ပၢၤသူၣ်ပၢၤသးန့ၣ်လီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:1

စီၤဒၤဝံးစံးလီၤအသး, “လၢမုၢ်နံၤတဖၣ်အံၤအပူၤတနံၤနံၤ န့ၣ်စီၤစီလူးကမၤသံယၤလီၤ. တၢ်အဂ့ၤကတၢၢ်လၢယကြၢးမၤန့ၣ်, မ့ၢ်တၢ်ဃ့ၢ်ပူၤဖျဲးဆူကီၢ်ဖလ့ၡသးအပူၤလီၤ. အန့ၣ်တစု, စီၤစီလူးကဆိကတီၢ်အတၢ်လူၤဃုယၤလၢကီၢ်အံၣ်စရ့လးအပူၤဒီးယကပူၤဖျဲးလီၤ.”