စံးထီၣ်ပတြၢၤ 34:2 - Sgaw Karen Common Bible

² ယကစံးထီၣ်ပတြၢၤအီၤလၢတၢ်လၢအမၤတ့ၢ်ဝဲအဃိ, မ်ပှၤလၢအဘၣ်တၢ်မၤနးမၤဖှီၣ်အီၤခဲလၢာ် ဒိကနၣ်ဒီးသးခုတက့ၢ်.

စံးထီၣ်ပတြၢၤ 34:2 Iomraidhean Croise

လံာ်စီၤယိၤဘး 1:21

ဒီးအဝဲစံးဝဲဒၣ်, “ယဟဲထီၣ်ဘ့ၣ်ဆ့လၢယမိၢ်အဒၢလီၢ်အပူၤ ဒီးယကက့ၤဘ့ၣ်ဆ့လီၤ. ယွၤဟ့ၣ်တၢ်ဒီးယွၤဟံးက့ၤတၢ်လံ မ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်.”

စံးထီၣ်ပတြၢၤ 105:3

တၢ်လၤတၢ်ကပီၤအိၣ်ဝဲလၢအမံၤစီဆှံအပူၤန့ၣ်လီၤ. မ်ပှၤလၢအဃုယွၤသူၣ်ဖှံသးညီတက့ၢ်.

စံးထီၣ်ပတြၢၤ 119:74

ပှၤလၢအပျံၤနၤန့ၣ်ကထံၣ်ယၤဒီးအသးကခုလီၤ. အဂ့ၢ်ဒ်အံၤ, ယမုၢ်လၢ်တၢ်လၢ နကလုၢ်ကထါအပူၤလီၤ.

စံးထီၣ်ပတြၢၤ 142:7

ဒုးထူၣ်ဖျဲးထီၣ်ယၤလၢ ယတၢ်ကိၢ်တၢ်ဂီၤအပူၤတက့ၢ်. အန့ၣ်ဒီးယကစံးထီၣ်ပတြၢၤနၤမ့ၢ်လၢ နတၢ်မၤဂ့ၤယၤအဃိ, လၢနပှၤဂီၢ်မုၢ်အတၢ်အိၣ်ဖှိၣ်အပူၤန့ၣ်လီၤ. နကမၤဂ့ၤယၤလၢလၢပှဲၤပှဲၤလီၤ.

စံးထီၣ်ပတြၢၤ 44:8

ပကစံးထီၣ်ပတြၢၤနၤထီဘိ ဒီးစံးဘျုးစံးဖှိၣ်နၤလီၤစိၤလီၤထီန့ၣ်လီၤ. စ့လၤ

လံာ်ယၡါယၤ 45:25

ယၤ, ယွၤအံၤ, ကမၤပူၤဖျဲးစီၤယၤကိာ်အစၢၤအသွဲၣ်ခဲလၢာ် ဒီးအဝဲသ့ၣ်ကဟ့ၣ်ယၤတၢ်စံးထီၣ်ပတြၢၤန့ၣ်လီၤ.”

လံာ်ယံးရမံယၤ 9:24

ပှၤတဂၤဂၤမ့ၢ်သးအိၣ်ပာ်ကဖၢလၢအသးဒီး အဝဲကြၢးပာ်ကဖၢလၢအသးလၢအသ့ၣ်ညါယၤဒီးနၢ်ပၢၢ်ယၤ အဃိလီၤ. အဂ့ၢ်ဒ်အံၤ, ယတၢ်အဲၣ်အိၣ်စံၣ်အိၣ်ကျၢၤ, ဒီးယမၤတၢ်လၢတၢ်စံၣ်ညီၣ်တီဒီးတၢ်အလိၤအဘၣ်အပူၤလီၤ. တၢ်သ့ၣ်တဖၣ်အံၤ, မ့ၢ်တၢ်လၢအမၤမုာ်သူၣ်မုာ်သးယၤလီၤ. ယၤ, ယွၤအံၤ, ကတိၤလံတၢ်လံ.”

1 ကရံၣ်သူး 1:31

လၢတၢ်န့ၣ်အဃိ, ဒ်တၢ်ကွဲးအသးစီဆှံစံးဝဲအသိးန့ၣ် “ပှၤတဂၤလၢ်လၢ်လၢအအဲၣ်ဒိးကတိၤဒိၣ်ကတိၤသွါတၢ်န့ၣ် ကဘၣ်ကတိၤဒိၣ်ကတိၤသွါတၢ်ဘၣ်ဃးတၢ်လၢကစၢ်မၤတ့ၢ်ဝဲန့ၣ် လီၤ.”

၂ ကရံၣ်သူး 10:17

ဘၣ်ဆၣ်ဒီး, ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအအဲၣ်ဒိးကတိၤတၢ်ကဖၢလၢန့ၣ်, မ်အကတိၤတၢ်ကဖၢလၢလၢတၢ်လၢကစၢ်မၤတ့ၢ်ဝဲအဂ့ၢ်န့ၣ် တက့ၢ်.”