စံးထီၣ်ပတြၢၤ 34:14 - Sgaw Karen Common Bible

¹⁴ ဟးဆှဲးတၢ်မၤတၢ်အၢတၢ်သီဒီးမၤတၢ်ဂ့ၤတက့ၢ်. ဃုတၢ်ဃူတၢ်ဖိးဒီးလူၤပိာ်ထွဲအခံတက့ၢ်.

စံးထီၣ်ပတြၢၤ 34:14 Iomraidhean Croise

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 120:7

ဖဲယကတိၤတၢ်ဃူတၢ်ဖိးအဂ့ၢ်န့ၣ် အဝဲသ့ၣ်တဖၣ် အဲၣ်ဒိးတၢ်ဒုးတၢ်ယၤလီၤ.

စံးထီၣ်ပတြၢၤ 37:27

ဟးဆှဲးတၢ်အၢ, ဒီးမၤတၢ်ဂ့ၤ, ဒီးနကအိၣ်နဲဆိးနဲလၢကီၢ်ပူၤလီၤစိၤလီၤထီလီၤ.

စံးထီၣ်ပတြၢၤ 39:2

ယအိၣ်တအုၣ်, ယတကတိၤတၢ်နီတဘီဘၣ်. ယအိၣ်ဘှီၣ်ကလာ်ဘၣ်ဆၣ်အဘျုးတအိၣ်ဘၣ်. ယတၢ်နးတၢ်ဖှီၣ်ဒိၣ်ထီၣ်အါထီၣ်တခီန့ၣ်လီၤ.

တၢ်ကတိၤဒိ. 13:14

ပှၤကူၣ်သ့အတၢ်သိၣ်တၢ်သီတဖၣ်န့ၣ်မ့ၢ်တၢ်မူအထံထီၣ်ပၢၢ်လီၤ. ကမၤစၢၤနၤဒ်သိးနကပူၤဖျဲးဖဲနသးသမူအိၣ်လၢတၢ်လီၤဘၣ်ယိာ် အပူၤန့ၣ်လီၤ.

တၢ်ကတိၤဒိ. 3:7

ပျဲနတၢ်ဆိကမိၣ်ဆှၢနၤလၢနကူၣ်တၢ်သ့န့ၢ်ဒံးနမ့ၢ်တၢ်န့ၣ်တဂ့ၤ. စူၢ်ဒၣ်ထဲယွၤဒီးဂ့ၢ်လိာ်တၢ်မၤကမၣ်တၢ်တက့ၢ်.

တၢ်ကတိၤဒိ. 4:24

တၢ်တတီတလိၤန့ၣ်ကတိၤအီၤနီတစုတဂ့ၤ. မၤဘၣ်ထွဲနသးဒီးတၢ်လီတၢ်ဝ့ၤ, ဒီးတၢ်ကတိၤတဖၣ်လၢကဆှၢ ကမၣ်တၢ်နၢ်ပၢၢ်န့ၣ်တဂ့ၤ.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်မးသဲ 5:9

ပှၤလၢအမၤဃူမၤဖိးတၢ်တဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ပှၤတဖၣ်န့ၣ် ကစၢ်ယွၤကကိးအီၤလၢအဖိတဖၣ်လီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

ရိမ့ၤ 12:18

မ့မ့ၢ်သုဝဲတခီ, ဖဲသုသ့န့ၣ်အိၣ်ဃူလိာ်ဖိးလိာ်သုသး ဒီးပှၤခဲလၢာ်တက့ၢ်.

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

ရိမ့ၤ 14:19

မၤသးဒ်န့ၣ်ဒီး, ပကဘၣ်ပညိၣ်ဃီၤပသးထီဘိဒီးမၤတၢ်တဖၣ် လၢအဟဲစိာ်တၢ်ဃူတၢ်ဖိးဒီးကဲထီၣ်တၢ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.

ကလၤတံ 6:10

လၢတၢ်န့ၣ်အဃိ, ဒ်ပအိၣ်ဒီးတၢ်အခွဲးအယာ်အသိးန့ၣ်, ပကြၢးမၤဂ့ၤပှၤကိးဂၤဒဲးဒီးလီၤဆီဒၣ်တၢ်ပှၤသ့ၣ်တဖၣ် လၢအဘၣ်ဃးဒီးပဒူၣ်ဖိထၢဖိလၢတၢ်စူၢ်တၢ်နာ်အပူၤလီၤ.

၁ သ့းစၤလနံ 4:11

ပာ်လီၤသုသးလၢသုကအိၣ်မူကစုဒု, တမၤဘၣ်ထွဲသုသးဒီးပှၤဂၤအတၢ်ဖံးတၢ်မၤလၢအတဘၣ် ဃးသုဘၣ်, ဒီးဖံးမၤလုၢ်အီၣ်လုၢ်အီလီၤက့ၤသုသးဒၣ်သုဝဲ, ဒ်ပစံးဘၣ်တဲဘၣ်တ့ၢ်သုလၢအပူၤကွံာ်အသိးန့ၣ်တက့ၢ်.

၂ တံၤမသ့း 2:19

ဘၣ်ဆၣ်ဒီးတၢ်အခီၣ်ထံးဂၢၢ်ကျၢၤလၢကစၢ်ယွၤပာ်လီၤ တ့ၢ်ဝဲန့ၣ်, တၢ်မၤဟူးမၤဝးအီၤတန့ၢ်ဘၣ်. လၢအလိၤတၢ်ကတိၤတဖၣ်အံၤအိၣ်ကွဲးအသး, “ကစၢ်သ့ၣ်ညါပှၤလၢအမ့ၢ်အတၢ်လီၤ.” ဒီး “ပှၤလၢအစံးလၢအဝဲဘၣ်ဃးဒီးကစၢ်န့ၣ်ကဘၣ် ဃၣ်ကွံာ်အသးလၢတၢ်မၤကမၣ်တၢ်န့ၣ်လီၤ.”

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 12:14

ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.

ဧ့ၤဘြံၤ 13:16

တဘၣ်သးပ့ၤနီၣ်မၤဂ့ၤတၢ်ဒီးဟ့ၣ်နီၤတၢ်ဒီးပှၤဂၤတဂ့ၤ. အဂ့ၢ်ဒ်အံၤတၢ်လုၢ်ဒ်န့ၣ်တဖၣ်န့ၣ်ဘၣ်ကစၢ်ယွၤအသး လီၤ.

၁ ပ့းတရူး 3:11

အဝဲကဘၣ်ဃၣ်ကွံာ်အသးလၢတၢ်အၢတၢ်သီ ဒီးမၤတၢ်ဂ့ၤန့ၣ်လီၤ. အဝဲကဘၣ်ဂဲၤပျုၢ်လၢတၢ်ဃူတၢ်ဖိးအဂီၢ် လၢအသးဒီဖျၢၣ်ညါန့ၣ်လီၤ.

၃ ယိၤဟၣ် 1:11

ယတံၤသကိးသးဘိဧၢ, တဘၣ်ကွၢ်လိမၤဒိးတၢ်အၢတၢ်သီတဂ့ၤ. မ့မ့ၢ်, ကွၢ်လိမၤဒိးတၢ်ဂ့ၤန့ၣ်တက့ၢ်. ပှၤတဂၤဂ့ၤတဂၤဂ့ၤလၢ အမၤတၢ်ဂ့ၤန့ၣ်ဘၣ်ဃးဒီးကစၢ်ယွၤ, ဒီးပှၤတဂၤဂ့ၤတဂၤဂ့ၤလၢ အမၤတၢ်အၢန့ၣ်တထံၣ်ဘၣ်ဒံးကစၢ်ယွၤဘၣ်.