စံးထီၣ်ပတြၢၤ 34:1 - Sgaw Karen Common Bible

¹ ယကစံးထီၣ်ပတြၢၤယွၤကိးဆၢကိးကတီၢ်ဒဲး, ယတဆိကတီၢ်လၢယတၢ်စံးထီၣ်ပတြၢၤအီၤဘၣ်.

စံးထီၣ်ပတြၢၤ 34:1 Iomraidhean Croise

လံာ်တၢ်ကဲထီၣ်အခီၣ်ထံး 20:2

အဝဲစံးလၢအမါနီၢ်စၤရါန့ၣ်မ့ၢ်အဒီပုၢ်ဝဲၢ်မုၣ်န့ၣ်လီၤ. လၢတၢ်န့ၣ်အဃိဝ့ၢ်ကရၢ်အစီၤပၤစီၤအဘံၤမလ့းမၢပှၤဟဲစိာ်န့ၢ် နီၢ်စၤရါဆူအအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:1

တၢ်သၣ်ဝံၤလီၤဒိမၤအသးလၢညါလၢစီၤအၤဘြၤဟၣ်အဆၢကတီၢ်ဝံၤ အလီၢ်ခံမၤကဒီးအသးတဘျီလၢထံကီၢ်အပူၤန့ၣ်လီၤ. ဒီးစီၤအံၤစဲးလဲၤဝဲဆူပှၤဖလ့ၡသးဖိအစီၤပၤစီၤအဘံၤမ့ လ့းအအိၣ်လၢဝ့ၢ်ကရၢ်န့ၣ်လီၤ.

စံးထီၣ်ပတြၢၤ 71:6

ယသန့ၤတ့ၢ်ယသးလၢနၤစးထီၣ်လၢယအိၣ်ဖျဲၣ်, နမ့ၢ်ပှၤလၢအထုးထီၣ်ယၤလၢ ယမိၢ်အဟၢဖၢအပူၤန့ၣ်လီၤ. ယကစံးထီၣ်ပတြၢၤနၤတထံၣ်ဃီလီၤ.

စံးထီၣ်ပတြၢၤ 71:8

ယထးခိၣ်ပှဲၤဒီးတၢ်စံးထီၣ်ပတြၢၤနၤ, ဒီးနလၤကပီၤကိးမုၢ်နံၤဒဲးလီၤ.

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

မၤတၢ် 16:25

ကဘၣ်ဖဲဖးဖီမုၢ်အကတီၢ်န့ၣ်, စီၤပီလူးဒီးစီၤစံလၤဃ့ဘါထုကဖၣ်တၢ်ဒီးသးဝံၣ်ထါစံးထီၣ် ပတြၢၤကစၢ်ယွၤ, ဒီးပှၤဃိာ်ဖိအဂၤတဖၣ်ဒိကနၣ်တၢ်လီၤ.

မၤတၢ် 5:41

ပှၤတၢ်မၢဖိတဖၣ်ဟးထီၣ်ကွံာ်လၢကီၣ်ကးအမဲာ်ညါ, အိၣ်ဒီးတၢ်သူၣ်ခုသးခု, မ့ၢ်လၢကစၢ်ယွၤပာ်အဝဲသ့ၣ်ဒ်ပှၤတဖၣ်လၢအကြၢးဝဲဘၣ်ဝဲလၢ ကတူၢ်ဘၣ်တၢ်မၤမဲာ်ဆှးအီၤလၢယ့ၣ်ၡူးအဃိန့ၣ်လီၤ.

အ့းဖ့းစူး 5:20

လၢပကစၢ်ယ့ၣ်ၡူးခရံာ်အမံၤအပူၤန့ၣ်, စံးဘျုးကစၢ်ယွၤလၢအမ့ၢ်ပပၢ်လၢတၢ်ခဲလၢာ်အဃိထီဘိတက့ၢ်.

ကလီးစဲ 3:17

ကယဲၢ်သုမၤတၢ်တမံၤလၢ်လၢ်န့ၣ်, လၢတၢ်ကတိၤမ့ၢ်ဂ့ၤ, တၢ်ဖံးတၢ်မၤမ့ၢ်ဂ့ၤ, မၤတၢ်ကိးမံၤဒဲးလၢကစၢ်ယ့ၣ်ၡူးအမံၤ အပူၤ, အိၣ်ဒီးတၢ်စံးထီၣ်ပတြၢၤပၢ်ယွၤခီဖျိအီၤတက့ၢ်.

၁ သ့းစၤလနံ 5:18

လၢတၢ်မၤအသးခဲလၢာ်အပူၤန့ၣ်, စံးဘျုးစံးဖှိၣ်ကစၢ်ယွၤထီဘိ တက့ၢ်. အဝဲအံၤမ့ၢ်တၢ်လၢကစၢ်ယွၤအဲၣ်ဒိးဝဲလၢပှၤဘၣ်ထွဲဒီး ယ့ၣ်ၡူးခရံာ်တဖၣ်အအိၣ်န့ၣ်လီၤ.

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.

၂ သ့းစၤလနံ 2:13

ဒီပုၢ်ဝဲၢ်လၢကစၢ်အဲၣ်အီၤသ့ၣ်ဧၢ, ပဘၣ်စံးဘျုးကစၢ်ယွၤကိးဆၢကတီၢ်ဒဲးလၢသုဃိလီၤ. အဂ့ၢ်ဒ်အံၤကစၢ်ယွၤဃုထၢထီၣ်သုလၢအခီၣ်ထံးလံၤလံၤ လၢသုကဒိးန့ၢ်တၢ်အုၣ်က့ၤခီၣ်က့ၤခီဖျိယွၤအသးအစိ အကမီၤဒ်သိးသုကကဲထီၣ်အပှၤစီဆှံတကလုာ်ခီဖျိ သုတၢ်စူၢ်တၢ်နာ်တၢ်မ့ၢ်တၢ်တီအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:11

စီၤပၤအသုးခိၣ်သုးနၢ်တဖၣ်တဲဘၣ်စီၤအၤကံၣ်, “တၢ်အံၤတမ့ၢ်စီၤဒၤဝံး, စီၤပၤတဂၤလၢအထံအကီၢ်န့ၣ်ဘၣ်ဧါ. ပှၤတဂၤအံၤမ့ၢ်ပှၤလၢပိာ်မုၣ်တဖၣ်သးဝံၣ်တၢ်လၢအဂ့ၢ်, ဖဲအဂဲၤကလံာ်အခါဒီးစံး, စီၤစီလူးမၤသံတ့ၢ်ပှၤအကထိတဖၣ် လီၤ. မ့မ့ၢ်စီၤဒၤဝံးမၤသံတ့ၢ်ပှၤအကလးတဖၣ်လီၤ.”