စံးထီၣ်ပတြၢၤ 33:3 - Sgaw Karen Common Bible

³ သးဝံၣ်ထီၣ်အီၤလၢတၢ်သးဝံၣ်အသီ, ဒ့သီတူၢ်လၢတၢ်သ့တၢ်ဘၣ်အလၢာ် ဒီးကိးထီၣ်အီၤလၢတၢ်သးခုန့ၣ်တက့ၢ်.

စံးထီၣ်ပတြၢၤ 33:3 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 13:8

စီၤဧူးစးဒီးစီၤအဃံယိၤဆှၢလ့ၣ်ကဟၣ်ဖဲစီၤဒၤဝံးဒီး ကယဲၢ်အံၣ်စရ့လးအပှၤဂီၢ်မုၢ်ခဲလၢာ်, ဂဲၤကလံာ်လၢအဂံၢ်အဘါခဲလၢာ်လၢကမၤလၤကပီၤကစၢ်ယွၤန့ၣ်လီၤ. အဝဲသ့ၣ်သးဝံၣ်တၢ်အိၣ်ဒီးတၢ်ဒ့တၢ်အူအပီးအလီတဖၣ်လၢအမ့ၢ်, သီတူၢ်တဖၣ်, ဒၢတဖၣ်, စှၢၢ်စှံးတဖၣ်ဒီးကွဲၤတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:22

မ့ၢ်လၢအဝဲအတၢ်သ့တၢ်ဘၣ်အိၣ်ဝဲလၢတၢ်သူၣ်ဝံၣ်သးဆၢအဂ့ၢ်အဃိ စီၤကံနၤနယၤဘၣ်တၢ်ဃုထၢအီၤလၢကကဲထီၣ်, ပှၤလ့ၤဝံဖိသးဝံၣ်တၢ်တဖၣ်အခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:7

ကယဲၢ်ပှၤခံဆံလွံၢ်ဂၤလၢာ်အံၤ, မ့ၢ်ပှၤသ့ပှၤဘၣ်လီၤတံၢ်လီၤ ဆဲးတဖၣ်ဒီးပှၤလ့ၤဝံဖိကဒဲကဒဲတဖၣ်, မ့ၢ်ပှၤလၢအဘၣ်တၢ်သိၣ်လိတ့ၢ်အီၤလၢတၢ်သူၣ်ဝံၣ်သးဆၢလီၤတံၢ် လီၤဆဲးန့ၣ်လီၤ. အဝဲသ့ၣ်ခဲလၢာ်အိၣ်ဝဲခံကယၤဃိးဆံဃိးဂၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:12

ပှၤလၢအမၤတၢ်တဖၣ်မ့ၢ်ပှၤသူၣ်တီသးလိၤနီၢ်နီၢ်န့ၣ်လီၤ. အဝဲသ့ၣ်ဘၣ်တၢ်ကွၢ်ထွဲပၢဆှၢအီၤလၢပှၤလ့ၤဝံဖိလွံၢ်ဂၤလၢ အမ့ၢ်ဝဲစီၤယၤဃးဒီးစီၤဧိၤဘါဒယၤလၢပှၤမရၤရံအဒူၣ်ထၢ, ဒီးစီၤစကၤရယၤဒီးစီၤမၡူလၣ်လၢပှၤကဃးဖိအဒူၣ်ထၢန့ၣ်လီၤ. (ပှၤလ့ၤဝံဖိတဖၣ်န့ၣ်မ့ၢ်ပှၤသ့ပှၤဘၣ်လၢတၢ်ဒ့တၢ်အူ တကပၤန့ၣ်လီၤ.)

စံးထီၣ်ပတြၢၤ 144:9

ကစၢ်ယွၤဧၢ, ယကသးဝံၣ်ထီၣ်နၤလၢတၢ်သးဝံၣ်အသီ, ယကဒ့တနၢ်ဒီးသးဝံၣ်ထီၣ်နၤလီၤ.

စံးထီၣ်ပတြၢၤ 149:1

စံးထီၣ်ပတြၢၤယွၤတက့ၢ်. သးဝံၣ်ထီၣ်ယွၤလၢတၢ်သးဝံၣ်အသီ, စံးထီၣ်ပတြၢၤအီၤလၢပှၤလၢအသးတီဒီးအီၤ အတၢ်အိၣ်ဖှိၣ်အပူၤန့ၣ်တက့ၢ်.

စံးထီၣ်ပတြၢၤ 40:3

အဝဲသိၣ်လိတ့ၢ်ယၤလၢယကသးဝံၣ်တၢ်သးဝံၣ်အသီ, တၢ်သးဝံၣ်စံးထီၣ်ပတြၢၤဆူပကစၢ်ယွၤန့ၣ်လီၤ. ပှၤအါဂၤလၢအထံၣ်တၢ်အံၤ ကအိၣ်ဒီးတၢ်ပျံၤဒီးတၢ်နာ်လၢယွၤအပူၤန့ၣ်လီၤ.

စံးထီၣ်ပတြၢၤ 40:4

ပှၤလၢအပာ်ယွၤလၢအတၢ်သန့ၤအသး, ပှၤလၢအတဃၣ်အသးဆူတၢ်ဂီၤတၢ်ဖီၣ်, မ့တမ့ၢ်ပှၤလၢအတဒုးစဲဘူးအသးလၢ ကစၢ်လၢအတမ့ၢ်တတီသ့ၣ်တဖၣ်န့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 96:1

အိ, သးဝံၣ်ထီၣ်ယွၤလၢတၢ်သးဝံၣ်အသီ, သးဝံၣ်ထီၣ်ယွၤဟီၣ်ခိၣ်ဖိခဲလၢာ်သ့ၣ်ဧၢ,

စံးထီၣ်ပတြၢၤ 98:1

သးဝံၣ်ထီၣ်ယွၤလၢတၢ်သးဝံၣ်အသီတက့ၢ်. အဂ့ၢ်ဒ်အံၤ, အဝဲမၤတ့ၢ်တၢ်လီၤလးတဖၣ်လီၤ. အစုထွဲဒီးအစုဒုၣ်စီဆှံ မၤတ့ၢ်တၢ်အုၣ်က့ၤခီၣ်က့ၤလၢအဂီၢ်လီၤ.

လံာ်ယၡါယၤ 42:10

သးဝံၣ်ထီၣ်တၢ်သးဝံၣ်အသီတယုၢ်ဆူယွၤတက့ၢ်. ကယဲၢ်တၢ်အိၣ်လၢဟီၣ်ခိၣ်ခဲလၢာ်သ့ၣ်ဧၢ, သးဝံၣ်အတၢ်စံးထီၣ်ပ တြၢၤတက့ၢ်. သုဝဲလၢအလဲၤတၢ်လၢပီၣ်လဲၣ်သ့ၣ်ဧၢ, စံးထီၣ်ပတြၢၤအီၤတ က့ၢ်. ကယဲၢ်ပှၤလၢအအိၣ်လၢထံယံၤကီၢ်ယံၤခဲလၢာ်သ့ၣ်ဧၢ, သးဝံၣ်ထီၣ်တက့ၢ်.

အ့းဖ့းစူး 5:19

ကတိၤလိာ်သုသးတဂၤဒီးတဂၤလၢထါစံးထီၣ်ပတြၢၤ, ထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်တဖၣ်အတၢ်ကတိၤတက့ၢ်. သးဝံၣ်ထါသးဝံၣ်, ဒီးထါစံးထီၣ်ပတြၢၤတဖၣ်အိၣ်ဒီးတၢ်စံးထီၣ်ပတြၢၤကစၢ်လၢ သူၣ်ကံၢ်သးလဲအပူၤတက့ၢ်.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

လံာ်လီၣ်ဖျါ 14:3

ပှၤအဂၤ ၁၄၄,ဝ၀၀ န့ၣ်, ဆၢထၢၣ်လၢလီၢ်ပစိာ်, တၢ်အိၣ်ဒီး အသးသမူလွံၢ်ဒု, ဒီးပှၤသူၣ်က့သးပှၢ်တဖၣ်န့ၣ်အမဲာ်ညါ လီၤ. အဝဲသ့ၣ်သးဝံၣ်တၢ်သးဝံၣ်အသီတယုၢ်, လၢပှၤသးဝံၣ်လိအီၤသ့ထဲအဝဲသ့ၣ်တဖၣ်ဧိၤလီၤ. လၢ ပှၤကညီခဲလၢာ်အကျါန့ၣ်, အဝဲသ့ၣ်မ့ၢ်ပှၤထဲတဖုဧိၤလၢအဘၣ်တၢ်အုၣ်က့ၤခီၣ်က့ၤ အီၤလီၤ.

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.