စံးထီၣ်ပတြၢၤ 33:18 - Sgaw Karen Common Bible

¹⁸ ယွၤကွၢ်လီၤပှၤလၢအယူးယီၣ်အီၤ, ပှၤလၢအနာ်အတၢ်အဲၣ်အဂၢၢ်အကျၢၤ,

စံးထီၣ်ပတြၢၤ 33:18 Iomraidhean Croise

လံာ်စီၤပၤအခီၣ်ထံးတဘ့ၣ် 17:6

အဝဲအီထံလၢထံကျိဖိအပူၤဒီးစိးဝၣ်ဃးတဖၣ်ဟဲစိာ်န့ၢ်အီၤ ကိၣ်ဒီးတၢ်ညၣ်ကိးမုၢ်ဂီၤဒီးကိးမုၢ်ဟါဒဲးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:9

ယွၤကွၢ်ထံကွၢ်ဆးတၢ်လၢဟီၣ်ခိၣ်ဒီဘ့ၣ်ညါအဖီခိၣ်, ဒ်သိးအကဟ့ၣ်ဂံၢ်ဟ့ၣ်ဘါပှၤတဖၣ်လၢအအိၣ်ဒီးတၢ်သးတီဒီးအီၤ န့ၣ်လီၤ. နမၤတ့ၢ်လံတၢ်ဒ်ပှၤအမၢးတဂၤဒီးစးထီၣ်ခဲအံၤန့ၣ်နကဘၣ်ဒုး တၢ်ယၤတၢ်ထီဘိန့ၣ်လီၤ.”

လံာ်စီၤဧ့စြၤ 8:22

မ့ၢ်လၢယတဲဘၣ်တ့ၢ်စီၤပၤဖးဒိၣ်လၢပကစၢ်ယွၤဆိၣ်ဂ့ၤပှၤတဂၤ လၢ်လၢ်လၢအသန့ၤအသးလၢအီၤ, မ့မ့ၢ်အဝဲကသးဒိၣ်ထီၣ်ဒီးစံၣ်ညီၣ်ပှၤတဂၤလၢ်လၢ်လၢအတကနၣ်ဃုာ် အီၤအဃိ, မ့ၢ်တၢ်မဲာ်ဆှးလၢယဂီၢ်ဒ်သိးယကဃ့အီၤပှၤဒိးကသ့ၣ်သုးမုၢ် တဖုလၢကဒီဒၣ်ပှၤလၢပဒုၣ်ပဒါအကလုာ်ကလုာ်ဖဲပလဲၤတၢ်အခါန့ၣ်လီၤ.

လံာ်စီၤယိၤဘး 36:7

ကဟုဘံၣ်ကယာ်ဘၢပှၤအတီအလိၤတဖၣ်, ပျဲအဝဲသ့ၣ်ကပၢ တၢ်ဒ်စီၤပၤတဖၣ်အသိးဒီးပျဲအဘၣ်တၢ်မၤလၤကပီၤအီၤအစိၤ စိၤအဃၣ်ဃၣ်လီၤ.

စံးထီၣ်ပတြၢၤ 111:5

အဝဲဒၣ်ဟ့ၣ်လီၤဝဲတၢ်အီၣ်တၢ်အီလၢ ပှၤလၢအမၤလၤကပီၤအီၤအဂီၢ်န့ၣ်လီၤ. တသးပ့ၤနီၣ်အတၢ်အၢၣ်လီၤအီလီၤနီတဘျီဘၣ်.

စံးထီၣ်ပတြၢၤ 13:5

ယသန့ၤယသးလၢနတၢ်အဲၣ်လၢအဂၢၢ်ကျၢၤအဖီခိၣ်, ယကသးခုယဲ, မ့ၢ်လၢ နကအုၣ်က့ၤခီၣ်က့ၤယၤအဃိလီၤ.

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

စံးထီၣ်ပတြၢၤ 52:8

မ့မ့ၢ်ယဲဒၣ်အံၤ, ယမၤသးဒ်သ့ၣ်စၤယံးသံကစဲာ် တထံးလၢကစၢ်ယွၤအဟံၣ်ပူၤအသိးန့ၣ်လီၤ. ယသန့ၤယသးလၢယွၤအဘျုးအဖှိၣ် လီၤထူလီၤယိာ်လီၤ.

လံာ်ယံးရမံယၤ 37:21

လၢတၢ်န့ၣ်အဃိ, စီၤပၤစံးဒကံယၤဟ့ၣ်လီၤအကလုၢ်လၢ ယကဘၣ်တၢ်ဒုးဃာ်ယၤဖဲနူၢ်အဂၢၢ်ပူၤန့ၣ်လီၤ. ယအိၣ်ယဲဖဲန့ၣ်, ဒီးတၢ်ဟ့ၣ်အီၣ်ယၤလၢကိၣ်, တနံၤတလိၣ်လၢ အဟဲဝဲ လၢပှၤကုၢ်ကိၣ်အလီၢ်ကိးနံၤဒဲးတုၤကိၣ်ခဲလၢာ်လၢ ဝ့ၢ်ပူၤလၢာ်ကွံာ်တစုန့ၣ်လီၤ.

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.

၁ ပ့းတရူး 3:12

အဂ့ၢ်ဒ်လဲၣ်န့ၣ်, ကစၢ်အံးက့ၤကွၢ်က့ၤပှၤအတီအလိၤ ဒီးဒိကနၣ်အဝဲသ့ၣ်အတၢ်ထုကဖၣ်တဖၣ်လီၤ. မ့မ့ၢ်ပှၤလၢအမၤတၢ်အၢတၢ်သီတဖၣ်န့ၣ်, အဝဲထီဒါအီၤလီၤ” (စံး ၃၄:၁၂-၁၆).