စံးထီၣ်ပတြၢၤ 33:17 - Sgaw Karen Common Bible

¹⁷ တၢ်ဒုးသုးအကသ့ၣ်မ့ၢ်တၢ်မုၢ်လၢ်ကလီကလီ လၢတၢ်မၤနၢၤအဂီၢ်လီၤ. ဒီးလၢအတၢ်ဂံၢ်ဆူၣ်ဘါဆူၣ်ဒၣ်ဝဲန့ၣ် မၤပူၤဖျဲးအသးတသ့ဘၣ်.

စံးထီၣ်ပတြၢၤ 33:17 Iomraidhean Croise

စံးထီၣ်ပတြၢၤ 147:10

အတၢ်မုာ်လၤန့ၣ်တအိၣ်လၢ ကသ့ၣ်လၢအဂံၢ်ဆူၣ်တဖၣ်အပူၤ ဒီးအတၢ်သူၣ်ခုသးခုန့ၣ်တအိၣ်ဘၣ်လၢပှၤသုးဖိလၢ အဒူအဃိၤတဖၣ်အပူၤန့ၣ်ဘၣ်.

စံးထီၣ်ပတြၢၤ 20:7

ပှၤတနီၤပာ်ကဖၢလၢအသးလၢ အလ့ၣ်ကဟၣ်ဒုးသုးတဖၣ်အပူၤ ဒီးတနီၤလၢအကသ့ၣ်တဖၣ်အဃိ, ဘၣ်ဆၣ်ပပာ်ကဖၢလၢပသးလၢ ယွၤပကစၢ်ယွၤအမံၤအဃိန့ၣ်လီၤ.

စံးထီၣ်ပတြၢၤ 20:8

ပှၤဒ်အံၤတဖၣ်အခီၣ်ကဘၣ်တိၢ်ဒီးကလီၤဃံၤဝဲ ဘၣ်ဆၣ်ပကဂဲၤထၢၣ်ဒီးဆၢထၢၣ်ဂၢၢ်ကျၢၤန့ၣ်လီၤ.

တၢ်ကတိၤဒိ. 21:31

နကတဲာ်ကတီၤကသ့ၣ်တဖၣ်လၢတၢ်ဒုးသုးအဂီၢ်သ့လီၤ. ဘၣ်ဆၣ်ဒီးပှၤလၢအဟ့ၣ်တၢ်မၤနၢၤန့ၣ်မ့ၢ်ဒၣ်ယွၤလီၤ.

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ယၡါယၤ 30:16

အခိၣ်တလိာ်, သုကူၣ်ကျဲၤလၢသုကဃ့ၢ်ပူၤဖျဲးကွံာ်လၢသုဒုၣ် သုဒါတဖၣ်ခီဖျိတၢ်ဒိးကသ့ၣ်လၢအဃ့ၢ်ချ့တဖၣ်လီၤ. ဒီးသုတၢ်န့ၣ်, ဘၣ်လီၤ. အဂ့ၢ်ဒ်အံၤ, တၢ်ဃ့ၢ်ပူၤဖျဲးကွံာ်န့ၣ်, သုကဘၣ်မၤအီၤလီၤ. သုဆိကမိၣ်လၢသုကသ့ၣ်တဖၣ်ချ့တ့ၢ်မးလံ. ဘၣ်ဆၣ်, ပှၤလၢအလူၤသုတဖၣ်ချ့န့ၢ်သုတက့ၢ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ဟိၤၡ့ 14:3

ကီၢ်အၤၡူၢ်အုၣ်က့ၤခီၣ်က့ၤပှၤတသ့နီတစုဘၣ်. ဒီးတၢ်ဒုးအကသ့ၣ်တဖၣ်ကဟုကယာ်အိၣ်ပှိၤပှၤတသ့ဘၣ်. ပတတဲလၢၤပတၢ်ဂီၤတဖၣ်လၢသုမ့ၢ်ပကစၢ်ယွၤန့ၣ်လၢၤဘၣ်. အိ, ယွၤဧၢ, ဒုးနဲၣ်ဖျါထီၣ်နတၢ်သးကညီၤဆူပှၤတဖၣ်လၢတအိၣ်ဘၣ် ဒီးပှၤအဂၤနီတဂၤလၢအကဃၣ်ဝဲအသးဆူအအိၣ်န့ၣ်တက့ၢ်.

လံာ်သိၣ်လီၤသီလီၤတၢ် 20:1

တုၤသုဟးထီၣ်ဒ်သိးသုကဒုးတၢ်ထီဒါသုဒုၣ်သုဒါတဖၣ်ဒီးသု မ့ၢ်ထံၣ်လ့ၣ်ကဟၣ်တဖၣ်ဒီးကသ့ၣ်တဖၣ်ဒီးသုးမုၢ်တဖုလၢအပှၤအနီၣ် ဂံၢ်အါန့ၢ်ဒံးသုပှၤန့ၣ်, ပျံၤအဝဲသ့ၣ်တဂ့ၤ. ယွၤသုကစၢ်ယွၤလၢအမၤပူၤဖျဲးတ့ၢ်သုလၢကီၢ်အဲၤကူပတူးန့ၣ် ကအိၣ်ဒီးသုလီၤ.

လံာ်ပှၤစံၣ်ညီၣ်ကွီၢ် 4:15

ဖဲစီၤဘါရးဒုးတၢ်ဃုာ်ဒီးအသုးမုၢ်န့ၣ်ယွၤမၤသဘံၣ်ဘုၣ်စီၤစံစရၤ အလ့ၣ်ကဟၣ်ဒုးသုးတဖၣ်ဒီးအပှၤသုးဖိတဖၣ်လီၤ. စီၤစံစရၤစံၣ်လီၤလၢအလ့ၣ်ကဟၣ်ဒုးသုးအဖီခိၣ်ဒီးဃ့ၢ်ဝဲလၢအခီၣ်လီၤ.