စံးထီၣ်ပတြၢၤ 33:1 - Sgaw Karen Common Bible

¹ သုဝဲပှၤတီပှၤလိၤခဲလၢာ်သ့ၣ်ဧၢ, သူၣ်ဖှံသးညီလၢယွၤအပူၤတက့ၢ်. တၢ်စံးထီၣ်ပတြၢၤန့ၣ်ဂ့ၤဝဲလၢပှၤလၢ အသူၣ်လိၤအသးဘျၢအဂီၢ်န့ၣ်လီၤ.

စံးထီၣ်ပတြၢၤ 33:1 Iomraidhean Croise

စံးထီၣ်ပတြၢၤ 118:15

ဒိကနၣ်တၢ်သးခုအတၢ်သးဝံၣ်လၢတၢ်မၤနၢၤအဂီၢ် လၢကစၢ်ယွၤအပှၤဂီၢ်မုၢ်အဒဲတဖၣ်အပူၤတက့ၢ်, “ယွၤအစိအကမီၤဖးဒိၣ်မၤဝံၤတ့ၢ်လံတၢ်လံ.

စံးထီၣ်ပတြၢၤ 135:3

စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ယွၤန့ၣ်ဂ့ၤဝဲလီၤ. သးဝံၣ်ထီၣ်အမံၤတက့ၢ်. အဂ့ၢ်ဒ်အံၤ, အဝဲဒၣ်န့ၣ် သူၣ်ကညီၤသးကညီၤတၢ်န့ၣ်လီၤ.

စံးထီၣ်ပတြၢၤ 147:1

စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, တၢ်သးဝံၣ်စံးထီၣ်ပတြၢၤ ပကစၢ်ယွၤန့ၣ်မ့ၢ်တၢ်ဂ့ၤလီၤ. တၢ်စံးထီၣ်ပတြၢၤအီၤန့ၣ် မ့ၢ်တၢ်မုာ်သူၣ်မုာ်သးဒီး တၢ်ကြၢးဝဲဘၣ်ဝဲလီၤ.

စံးထီၣ်ပတြၢၤ 32:11

သုဝဲပှၤတီပှၤလိၤသ့ၣ်ဧၢ, သးခုဒီးသူၣ်ဖှံသးညီ လၢတၢ်လၢယွၤမၤတ့ၢ်အဃိန့ၣ်တက့ၢ်. သုဝဲပှၤလၢအဒိကနၣ်အီၤသ့ၣ်ဧၢ, ကိးထီၣ်လၢတၢ်သူၣ်ခုသးခုအဃိန့ၣ်တက့ၢ်.

စံးထီၣ်ပတြၢၤ 97:12

သုဝဲပှၤတီပှၤလိၤသ့ၣ်ဧၢ, သူၣ်ခုသးခုလၢ တၢ်လၢယွၤမၤတ့ၢ်အဃိန့ၣ်တက့ၢ်. သ့ၣ်နီၣ်ထီၣ်က့ၤတၢ်လၢကစၢ်ယွၤစီဆှံမၤတ့ၢ်ဝဲ, ဒီးစံးထီၣ်ပတြၢၤအီၤန့ၣ်တက့ၢ်.

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

ရိမ့ၤ 3:10

ဒ်တၢ်ကွဲးအသးစီဆှံစံးဝဲအသိး, “ပှၤအတီအလိၤတအိၣ်နီတဂၤဘၣ်.

ရိမ့ၤ 5:19

ဒီးဒ်ပှၤဟီၣ်ခိၣ်ဖိခဲလၢာ်ဘၣ်တၢ်ဒုးကဲထီၣ်အီၤလၢ ပှၤတၢ်ဒဲးဘးဖိတဖၣ်ခီဖျိပှၤတဂၤအတၢ်တဒိကနၣ်တၢ် အဃိအသိးန့ၣ်, ပှၤခဲလၢာ်ကဘၣ်တၢ်ပာ်တီပာ်လိၤ အီၤခီဖျိပှၤတဂၤအတၢ်ဒိကနၣ်တၢ်အဃိန့ၣ်လီၤ.

ဖံလံးပံၤ 4:4

မ်သုသးခုလၢကစၢ်အပူၤထီဘိတက့ၢ်. ယစံးကဒီးသးခုတက့ၢ်.