စံးထီၣ်ပတြၢၤ 32:6 - Sgaw Karen Common Bible

⁶ လၢတၢ်န့ၣ်အဃိ, ပှၤလၢအသးတီဒီးနၤခဲလၢာ် ဃ့ထုကဖၣ်လၢနၤဖဲ အဝဲသ့ၣ်လိၣ်ဘၣ်တၢ်အကတီၢ်, တုၤတၢ်ဘၣ်ယိၣ်ဘၣ်ဘီအိၣ်ထီၣ်ချ့သဒံးန့ၣ်ဒီး တၢ်ဘၣ်ယိၣ်ဘၣ်ဘီအံၤတတုၤအိၣ်အီၤဘၣ်.

စံးထီၣ်ပတြၢၤ 32:6 Iomraidhean Croise

စံးထီၣ်ပတြၢၤ 144:7

ယူာ်လီၤနစုလၢ တၢ်ထီၣ်ထီ, ထုးထီၣ်ကွံာ်ယၤလၢ ထံယိာ်ပူၤဒီးမၤပူၤဖျဲးယၤ, အုၣ်က့ၤခီၣ်က့ၤယၤလၢ ပှၤတခီဘီမုၢ် တဖၣ်အစိကမီၤအပူၤတက့ၢ်.

စံးထီၣ်ပတြၢၤ 4:3

သ့ၣ်ညါလၢယွၤပာ်လီၤဆီပှၤအဲၣ်ယွၤပျံၤယွၤ လၢအဂီၢ်ဒၣ်ဝဲန့ၣ်တက့ၢ်. တုၤယကိးထီၣ်အီၤဒီးအဝဲဒၣ်နၢ်ဟူယၤလီၤ.

စံးထီၣ်ပတြၢၤ 40:3

အဝဲသိၣ်လိတ့ၢ်ယၤလၢယကသးဝံၣ်တၢ်သးဝံၣ်အသီ, တၢ်သးဝံၣ်စံးထီၣ်ပတြၢၤဆူပကစၢ်ယွၤန့ၣ်လီၤ. ပှၤအါဂၤလၢအထံၣ်တၢ်အံၤ ကအိၣ်ဒီးတၢ်ပျံၤဒီးတၢ်နာ်လၢယွၤအပူၤန့ၣ်လီၤ.

စံးထီၣ်ပတြၢၤ 42:7

နဆှၢလီၤတၢ်သူၣ်အုးသးအုးအလပီသ့ၣ်တဖၣ်လၢ ယသးအလိၤ, တၢ်သဘံၣ်ဘုၣ်ကိးပသူထီၣ်ဆူ ယအိၣ်ဒ်တၢ်လုၣ်ဘၢတၢ်အသိးန့ၣ်လီၤ.

စံးထီၣ်ပတြၢၤ 91:7

ပှၤတကထိကလီၤဃံၤသံလၢနဃၢၤ, ဒီးပှၤတကလးအိၣ်ဝးတရံးနၤ ဘၣ်ဆၣ်နတဘၣ်တၢ်မၤဆါနၤဘၣ်.

တၢ်ကတိၤဒိ. 1:28

တုၤနုၤတစုသုကကိးထီၣ်တၢ်ကူၣ်သ့, ဘၣ်ဆၣ်ဒီးယတစံးဆၢတၢ်ဘၣ်. သုကဃုယၤလၢတၢ်လီၢ်ကိးပူၤဒဲး, ဘၣ်ဆၣ်ဒီးသုတထံၣ်ဘၣ်ယၤဘၣ်.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယၡါယၤ 49:8

ယွၤစံးဘၣ်အပှၤဂီၢ်မုၢ်, “ဖဲတၢ်ဆၢကတီၢ်ဟဲဝဲလၢတၢ်အုၣ်က့ၤခီၣ်က့ၤသုအဂီၢ်ဒီး, ယကဒုးနဲၣ်ယတၢ်ကွၢ်မဲာ်သုဒီးစံးဆၢသုတၢ်ကိးထီၣ်တဖၣ်လၢတၢ် မၤစၢၤအဂီၢ်န့ၣ်လီၤ. ယကကဟုကယာ်ဒီးဒီဒၣ်အိၣ်ပှိၤသုဒီးခီဖျိသုန့ၣ်, ယကမၤတၢ်အၢၣ်လီၤအီလီၤဒီးပှၤဂီၢ်မုၢ်ခဲလၢာ်လီၤ. ယကပျဲသုအိၣ်ဆိးက့ၤကဒီးလၢသုထံသုကီၢ်ဒၣ်ဝဲလၢခဲအံၤ အိၣ်လီၤဃီဝဲန့ၣ်လီၤ.

လံာ်ယၡါယၤ 55:6

ဃၣ်သုသးဆူယွၤအအိၣ်ဒီးဖဲအအိၣ်ဘူးအဖၢမုၢ်အံၤန့ၣ်ဘါ ထုကဖၣ်တၢ်ဆူအအိၣ်တက့ၢ်.

လံာ်ယိၤဟၣ် 7:34

သုကဃုယၤ, ဘၣ်ဆၣ်သုတထံၣ်န့ၢ်ယၤဘၣ်. အဂ့ၢ်မ့ၢ်လၢတၢ်လီၢ်လၢယကအိၣ်န့ၣ်, သုလဲၤတသ့ဘၣ်အဃိလီၤ.”

၂ ကရံၣ်သူး 1:4

အဝဲဒၣ်တိစၢၤမၤစၢၤပှၤလၢကယဲၢ်ပတၢ်ကီတၢ်ခဲအပူၤ, ဒ်သိးပမၤစၢၤပှၤဂုၤပှၤဂၤလၢအအိၣ်ဒီးတၢ်ကီတၢ်ခဲအကလုာ် ကလုာ်ကသ့ဝဲအဂီၢ်, အိၣ်ဒီးတၢ်သူတၢ်မၤစၢၤတမံၤဃီလၢ ပနီၢ်ကစၢ်ဒၣ်ပဝဲ ပဒိးန့ၢ်တ့ၢ်လၢကစၢ်ယွၤအအိၣ်န့ၣ်လီၤ.

၂ ကရံၣ်သူး 6:2

ဒိကနၣ်တၢ်လၢကစၢ်ယွၤစံးဝဲန့ၣ်တက့ၢ်. “ဖဲတၢ်ဆၢကတီၢ်တုၤအိၣ်လၢယဂီၢ်, လၢယကမၤဂ့ၤသုန့ၣ်, ယဒိကနၣ်သုကလုၢ်လီၤ. ဖဲမုၢ်နံၤမုၢ်သီတုၤအိၣ်လၢယဂီၢ်, လၢယကဘၣ်အုၣ်က့ၤခီၣ်က့ၤသုန့ၣ်, ယမၤစၢၤသုလီၤ.” ဒိကနၣ်တက့ၢ်. ခဲကနံၣ်အံၤ မ့ၢ်ဝဲဆၢကတီၢ်နၣ်ရံၣ်လၢတၢ် ကဒိးန့ၢ်ယွၤအတၢ်မၤဂ့ၤအဂီၢ်လီၤ. တနံၤအံၤမ့ၢ်မုၢ်တနံၤလၢတၢ်ကဒိးန့ၢ်တၢ်အုၣ်က့ၤခီၣ်က့ၤ အဂီၢ်လီၤ.

၁ တံၤမသ့း 1:16

ဘၣ်ဆၣ်ဒီးကစၢ်ယွၤသးကညီၤယၤ, မ့ၢ်ဒ်သိးယ့ၣ်ၡူးခရံာ်ကဒုးနဲၣ်အတၢ်ဝံသးစူၤအလၢ အပှဲၤလၢယၤ, ပှၤတၢ်ဒဲးဘးဖိအအၢကတၢၢ်တဂၤ, ဒ်သိးကကဲထီၣ်တၢ်အဒိအတဲာ်လၢပှၤလၢအကနာ် က့ၤအီၤလၢခံဒီးဒိးန့ၢ်ဘၣ်တၢ်မူအထူအယိာ်တဖၣ် အဂီၢ်န့ၣ်လီၤ.

တံတူး 2:12

တၢ်ဘျုးတၢ်ဖှိၣ်အဝဲန့ၣ်, သိၣ်လိပှၤလၢပကညိကွံာ်တၢ်တယူးတယီၣ်ယွၤ အတၢ်အိၣ်မူဒီးဟီၣ်ခိၣ်အတၢ်သူၣ်လီသးကွံတဖၣ်, ဒီးအိၣ်မူလၢတၢ်ပၢၤသူၣ်ပၢၤသး, အိၣ်မူတီတီလိၤလိၤ, ဒီးအိၣ်မူယူးယီၣ်ယွၤလၢဟီၣ်ခိၣ်အံၤအပူၤ,