စံးထီၣ်ပတြၢၤ 32:4 - Sgaw Karen Common Bible

⁴ ယွၤဧၢ, နသိၣ်ဃီၣ်ယၤလၢမုၢ်ဆါဒီးလၢမုၢ်နၤလီၤ. ယဂံၢ်ယဘါလၢာ်ကွံာ်လံလၢာ်လၢာ်ဆ့ဆ့ ဒ်တၢ်ဘၣ်စီၣ်ဃ့ထီကွံာ်ခီဖျိ တၢ်ကိၢ်ခါအတၢ်ကိၢ်အသိးန့ၣ်လီၤ. စ့လၤ

စံးထီၣ်ပတြၢၤ 32:4 Iomraidhean Croise

လံာ်စီၤယိၤဘး 16:21

ယဆၢဒိးန့ၢ်ဘၣ်ပှၤတဂၤလၢကဃ့ထီၣ်တၢ်ဆူကစၢ်ယွၤအအိၣ် လၢယဂီၢ်ဒ်ပှၤတဂၤဃ့တၢ်လၢအတံၤသကိးအဂီၢ်အသိးန့ၣ်လီၤ.

လံာ်စီၤယိၤဘး 30:30

ယဖံးထီၣ်သူဝဲဒီးယလိၤကိၢ်ကဖးလၢတၢ်လိၤကိၢ်အဃိ န့ၣ်လီၤ.

လံာ်စီၤယိၤဘး 33:7

မ်ဒ်န့ၣ်ဒီးအလီၢ်တအိၣ်လၢနကပျံၤယၤန့ၣ်ဘၣ်. ယတမၤနၢၤမၤပ့ၤနၤန့ၣ်ဘၣ်.

စံးထီၣ်ပတြၢၤ 22:15

ယဂံၢ်ယဘါဃ့ထီကွံာ်ဝဲဒ်သပၢၤတက့အသိး, ဒီးယပျုၤစဲဘူးဒီးယခၣ်ခိၣ်န့ၣ်လီၤ. နဒုးမံလီၤယၤလၢတၢ်သံအဟီၣ်ခိၣ်အကမူၣ် အပူၤန့ၣ်လီၤ.

လံာ်သးသယုၢ်တၢ် 4:8

ခဲအံၤအဝဲသ့ၣ်လီၤဃံၤလၢကျဲတဖၣ်အပူၤဒီးတဘၣ်တၢ်သ့ၣ်ညါအီၤ ဘၣ်. အမဲာ်သၣ်တဖၣ်ထီၣ်သူဝဲလၢတၢ်သံအပူၤလီၤ. အဝဲသ့ၣ်အဖံးဃ့ထီဝဲဒ်သ့ၣ်အသိးဒီးလီၤသံးလၢအဃံတဖၣ်အလိၤ လီၤ.

လံာ်သးသယုၢ်တၢ် 5:10

တၢ်သူၣ်ဝံၤသၣ်စ့ၤမၤကိၢ်သွၣ်ကိၢ်ဘီပှၤလၢတၢ်လိၤကိၢ်, တုၤပဖံးန့ၣ်ကိၢ်ထဲသိးဒီးဖၣ်ကွာ်န့ၣ်လီၤ.

လံာ်နီၢ်ရူၤသး 1:13

မ့ၢ်သုကအိၣ်ခိးတုၤအဒိၣ်ထီၣ်စ့ၢ်ကီးဧါ. မ့ၢ်သုကပၢၤသုသး လၢအဂီၢ်ဒီးတန့ၢ်ဝၤဘၣ်န့ၣ်ဧါ. ယဖိမုၣ်သ့ၣ်ဧၢ, တမ့ၢ်ဒ်န့ၣ်ဘၣ်. ယသးအုးဒိၣ်နီၢ်မးလၢသုဂီၢ်မ့ၢ်လၢယွၤဃၣ်အသးထီဒါယၤလံအဃိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 5:11

မၤကဒီးတစု, အဝဲသ့ၣ်ကိးန့ၢ်ပှၤဖလ့ၡသးဖိအစီၤပၤတဖၣ်ဒီးစံးဝဲ, “ဆှၢက့ၤကီၢ်အံၣ်စရ့လးအတၢ်အၢၣ်လီၤအီလီၤအတလါစီဆှံဆူ အလီၢ်ဒၣ်ဝဲဒ်သိးအသုတမၤသံပှၤဒီးပဟံၣ်ဖိဃီဖိတဖၣ်တဂ့ၤန့ၣ် တက့ၢ်.” တၢ်လီၤပျံၤလီၤဖုးဖးဒိၣ်အိၣ်ဝဲသကုၤလၢဝ့ၢ်ပူၤလၢ ကစၢ်ယွၤစံၣ်ညီၣ်အဝဲသ့ၣ်နးနးကလဲာ်အဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:9

ဘၣ်ဆၣ်ဒီးဖဲအလဲၤတုၤဃီၤဖဲန့ၣ်န့ၣ်, ယွၤစံၣ်ညီၣ်စ့ၢ်ကီး ဝ့ၢ်အဝဲန့ၣ်, ဒီးဒုးအိၣ်ထီၣ်တၢ်ပျံၤတၢ်ဖုးဖးဒိၣ်လီၤ. အဝဲစံၣ်ညီၣ်အဝဲသ့ၣ်လၢတၢ်ဆါအချံထီၣ်ဒီးညိးတဖၣ်လၢအဘၣ်လၢ ကယဲၢ်ပှၤဝ့ၢ်ဖိခဲလၢာ်သးပှၢ်သးစၢ်ကိးဂၤဒဲးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:9

တုၤနုၤတစုကွၢ်ထွဲအတၢ်လဲၤတက့ၢ်. ဒီးမ့ၢ်လဲၤတၢ်လိၤလိၤဆူ ဝ့ၢ်ဘ့ၤသၡ့မ့ၣ်န့ၣ်, တၢ်အံၤအခီပညီမ့ၢ်ဝဲကီၢ်အံၣ်စရ့လးအကစၢ်ယွၤဆှၢလီၤတၢ်နးတၢ်ဖှီၣ်အၢအၢသီသီလၢပဖီခိၣ်လီၤ. ဘၣ်ဆၣ်ဒီးမ့တမ့ၢ်ဒ်န့ၣ်ဘၣ်န့ၣ်, ပကသ့ၣ်ညါလၢအဝဲတဆှၢလီၤတၢ်သံသတြိာ်ဘၣ်. မ့ၢ်ဒၣ်တၢ်ဘၣ်ဆၢၣ်ဘၣ်တီၤတမံၤန့ၣ်လီၤ.”