စံးထီၣ်ပတြၢၤ 32:3 - Sgaw Karen Common Bible

³ ဖဲယတအၢၣ်လီၤအီလီၤယတၢ်ကမၣ်တဖၣ်န့ၣ်ဘၣ်ဒီး, ယနီၢ်ခိနီၢ်ကစၢ်အဂံၢ်အဘါလၢာ်ကွံာ်ဝဲလၢ ယတၢ်ကအုကစွါသ့သ့တနံၤအဃိလီၤ.

စံးထီၣ်ပတြၢၤ 32:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:27

ဖဲတၢ်ဟီၣ်တၢ်ယၢၤအကတီၢ်ဝံၤဝဲန့ၣ် စီၤဒၤဝံးမၢပှၤဟဲကိးပိာ်မုၣ်န့ၣ်ဆူနီပူၤလီၤ. ပိာ်မုၣ်န့ၣ်ကဲထီၣ်အမါဒီးဆံးစၢ်န့ၢ်အီၤဖိခွါတဂၤလီၤ. ဘၣ်ဆၣ်ဒီးတၢ်လၢစီၤဒၤဝံးမၤတ့ၢ်အံၤ တဘၣ်ယွၤအသးဘၣ်.

လံာ်စီၤယိၤဘး 3:24

အဂ့ၢ်ဒ်အံၤယတၢ်သါသဖှိဟဲဝဲဒ်ယတၢ်အီၣ်အသိးဒီးယတၢ် ကအုကစွါလူလီၤအသးဒ်ထံဧိၤနိဧိၤအသိးန့ၣ်လီၤ.

လံာ်စီၤယိၤဘး 30:17

လၢမုၢ်နၤန့ၣ်ကယဲၢ်ယဃံယကွဲတဖၣ်ဆါဝဲ, ဒီးတၢ်ဆါလၢအအ့ၣ် ထုးယၤန့ၣ်တဆိကတီၢ်နီတဘျီဘၣ်.

လံာ်စီၤယိၤဘး 30:30

ယဖံးထီၣ်သူဝဲဒီးယလိၤကိၢ်ကဖးလၢတၢ်လိၤကိၢ်အဃိ န့ၣ်လီၤ.

စံးထီၣ်ပတြၢၤ 22:1

ယကစၢ်ယွၤဧၢ, ယကစၢ်ယွၤဧၢ, ဘၣ်မနုၤလၢနလဲၤသဒၣ်တ့ၢ်ယၤလဲၣ်. ဘၣ်မနုၤလၢနအိၣ်ယံၤလၢတၢ်မၤစၢၤယၤအဂီၢ်, နယံၤဒီးယတၢ်ကအုကစွါအတၢ်ကတိၤ တဖၣ်န့ၣ်လဲၣ်.

စံးထီၣ်ပတြၢၤ 38:3

လၢနတၢ်သးထီၣ်အဃိ, ယအိၣ်လၢတၢ်ဆါနးနးကလဲာ်အပူၤ, ယနီၢ်ကစၢ်ဒီတဂၤညါအိၣ်ဒီးတၢ်ဆူးတၢ်ဆါလၢ ယတၢ်ဒဲးဘးတဖၣ်အဃိန့ၣ်လီၤ.

စံးထီၣ်ပတြၢၤ 38:8

ယဂံၢ်ယဘါလၢာ်ကွံာ်ဒီးယဘၣ်တၢ်ဆီၣ်တံၢ်သနံးယၤ, ယကအုကစွါယဲလၢ ယသးဘၣ်တၢ်ကိၢ်တၢ်ဂီၤအဃိလီၤ.

စံးထီၣ်ပတြၢၤ 51:8

ဒုးနၢ်ဟူယၤလၢတၢ်သူၣ်ဖှံသးညီ, ဒီးတၢ်သူၣ်ခုသးခုတက့ၢ်. မ်တၢ်ဃံတၢ်ကွဲလၢနမၤကၢ်အီၤန့ၣ် သူၣ်ဖှံသးညီကဒီးတက့ၢ်.

စံးထီၣ်ပတြၢၤ 6:2

ယွၤဧၢ, သူၣ်ကညီၤသးကညီၤယၤတက့ၢ်. အဂ့ၢ်ဒ်အံၤ, ယလီၤဘှါယဲလီၤ. ယဂံၢ်ယဘါလၢာ်ခဲလၢာ်လံ, ဟ့ၣ်ယၤတၢ်ဂံၢ်တၢ်ဘါတက့ၢ်.

တၢ်ကတိၤဒိ. 17:22

သးလၢအခုန့ၣ်ဒုးအိၣ်ဆူၣ်အိၣ်ချ့နၤလီၤ. မ့မ့ၢ်တၢ်မဲာ်လီၤသပှၢ်တဘိယူၢ်ဃီမ့ၢ်တၢ်သံကယီကယီလီၤ.

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

လံာ်ယၡါယၤ 51:20

ဖဲကျဲကိးဘိဒဲးအသနၢၣ်န့ၣ်, နပှၤဂီၢ်မုၢ်လီၤဘှံးလီၤတီၤဝဲလၢအဂံၢ်စၢ်ဘါစၢ်အဃိ, ဒီးအဝဲသ့ၣ်လီၤဂာ်ဒ်တၤဖးဘၣ်ထု လၢပှၤခးတၢ်ဖိတဂၤအပှာ်ပူၤအသိးန့ၣ်လီၤ. အဝဲသ့ၣ်ကလၢၢ်ဘၣ်ကစၢ်ယွၤအတၢ်သးဒိၣ်ထီၣ်အသဟီၣ်န့ၣ်လီၤ.

လံာ်ယၡါယၤ 57:17

ယသူၣ်ဒိၣ်သးဖျိးအဝဲသ့ၣ်မ့ၢ်လၢအတၢ်ဒဲးဘးဒီးအတၢ်သူၣ် လီသးကွံအဃိလီၤ. လၢတၢ်န့ၣ်အဃိယစံၣ်ညီၣ်အဝဲသ့ၣ်ဒီး ဟးသဒၣ်ကွံာ်အဝဲသ့ၣ်လီၤ. အန့ၣ်ဒၣ်လဲာ်, အဝဲသ့ၣ်အခိၣ် ကိၤဒီးလဲၤဒံးဒၣ်လၢအကျဲဒၣ်ဝဲန့ၣ်လီၤ.

လံာ်ယၡါယၤ 59:11

ပဘၣ်တၢ်မၤပျံၤမၤဖုးပှၤဒီးမၤကိၢ်မၤဂီၤပှၤလီၤ. ပဆၢထံၣ်ကစၢ်ယွၤလၢကအုၣ်က့ၤခီၣ်က့ၤပှၤလၢတၢ်မၤအၢ မၤနးဒီးတၢ်မၤကမၣ်ပှၤတဖၣ်အပူၤ, ဘၣ်ဆၣ်ဒီးတၢ်တမၤအသးနီတမံၤဘၣ်.

လံာ်သးသယုၢ်တၢ် 1:3

ကီၢ်ယူဒၤအပှၤဂီၢ်မုၢ်ဘၣ်တၢ်နီၣ်ထီၣ်ဆူၣ်အီၤယံၤဒီးအဟံၣ် အဃီဒီးကဲထီၣ်ကုၢ်တဖၣ်လၢအစုကတၢၢ်ခီၣ်ကတၢၢ်န့ၣ်လီၤ. အဝဲသ့ၣ်အိၣ်ဝဲလၢထံဂုၤကီၢ်ဂၤတဖၣ်အပူၤဒီး တၢ်အလီၢ်တအိၣ်ဘၣ် နီတပူၤလၢကကိးဝဲလၢအတၢ်ဒၣ်ဝဲဘၣ်. ဘၣ်တၢ်ကဝီၤဃာ်အီၤလၢအဒုၣ်အဒါတဖၣ်ဒီး တၢ်ထူၣ်ဖျဲးအကျဲတအိၣ်နီတဘိဘၣ်.

လံာ်သးသယုၢ်တၢ် 3:4

အဝဲကူးတဲာ်ကါတဲာ်ယဖံးယညၣ်ဒီးမၤကၢ်တ့ၢ်ယဃံယကွဲ တဖၣ်လီၤ.

လံာ်သးသယုၢ်တၢ် 3:8

ယကိးပသူထီၣ်ဖးဒိၣ်လၢတၢ်မၤစၢၤအဂီၢ်ဘၣ်ဆၣ်ဒီးကစၢ်ယွၤဂ့ၢ် လိာ်လၢကဒိကနၣ်ယၤအဂီၢ်န့ၣ်လီၤ.

လံာ်ဟိၤၡ့ 7:14

အဝဲသ့ၣ်တဃ့ဘါထုကဖၣ်ဆူယအိၣ်နီၢ်နီၢ်လၢတၢ်သးတီအပူၤဘၣ်. မ့မ့ၢ်လၢတၢ်န့ၣ်အလီၢ်, အဝဲသ့ၣ်ကွံာ်လီၤအသးဒီးဟီၣ်တၢ်ယၢၤတၢ်ဒ်ပှၤဘါတၢ်ဂီၤတဖၣ် မၤဝဲအသိးန့ၣ်လီၤ. ဖဲအဝဲသ့ၣ်ဘါထုကဖၣ်တၢ်လၢဘုခ့ဒီးစပံးထံ အဂီၢ်န့ၣ်, အဝဲသ့ၣ်ဂဲာ်လီၤကူးလီၤအသးဒ်ပှၤဘါတၢ်ဂီၤတၢ်ဖီၣ်တဖၣ် အသိးန့ၣ်လီၤ. အဝဲသ့ၣ်တဖၣ်မ့ၢ်ပှၤပူထီၣ်တၢ်တဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:13

အန့ၣ်ဝံၤဒီးအဝဲသ့ၣ်ဟံးန့ၢ်အဃံတဖၣ်ဒီးခူၣ်လီၤအဝဲသ့ၣ်ဖဲ သ့ၣ်ဖိတထံးအခီၣ်ထံး, လၢဝ့ၢ်ပူၤဒီးအဝဲသ့ၣ်ဒုၣ်တၢ်အီၣ်နွံသီန့ၣ်လီၤ.