စံးထီၣ်ပတြၢၤ 32:11 - Sgaw Karen Common Bible

¹¹ သုဝဲပှၤတီပှၤလိၤသ့ၣ်ဧၢ, သးခုဒီးသူၣ်ဖှံသးညီ လၢတၢ်လၢယွၤမၤတ့ၢ်အဃိန့ၣ်တက့ၢ်. သုဝဲပှၤလၢအဒိကနၣ်အီၤသ့ၣ်ဧၢ, ကိးထီၣ်လၢတၢ်သူၣ်ခုသးခုအဃိန့ၣ်တက့ၢ်.

စံးထီၣ်ပတြၢၤ 32:11 Iomraidhean Croise

စံးထီၣ်ပတြၢၤ 125:4

ယွၤဧၢ, မၤဂ့ၤပှၤအဂ့ၤအဝါ, ဒီးပှၤလၢအသးတီဝဲလိၤဝဲတဖၣ်န့ၣ်တက့ၢ်.

စံးထီၣ်ပတြၢၤ 32:2

ပှၤလၢယွၤတပာ်ဘၣ်တၢ်ကမၣ်လၢအလိၤ ဒီးပှၤလၢအပူၤဖျဲးဒီးတၢ်လီတၢ်ဝ့ၤခဲလၢာ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 33:1

သုဝဲပှၤတီပှၤလိၤခဲလၢာ်သ့ၣ်ဧၢ, သူၣ်ဖှံသးညီလၢယွၤအပူၤတက့ၢ်. တၢ်စံးထီၣ်ပတြၢၤန့ၣ်ဂ့ၤဝဲလၢပှၤလၢ အသူၣ်လိၤအသးဘျၢအဂီၢ်န့ၣ်လီၤ.

စံးထီၣ်ပတြၢၤ 5:11

မ့မ့ၢ်ကယဲၢ်ပှၤလၢအအိၣ်တဒၢလၢနပူၤန့ၣ် မ်အသူၣ်ခုသးခု, သူၣ်ဖှံသးညီတက့ၢ်. မ်အသူၣ်ဝံၣ်သးဆၢတၢ်လၢတၢ်သးခုအပူၤ တဘိယူၢ်ဃီတက့ၢ်. ပှၤလၢအအဲၣ်နမံၤန့ၣ်ကဟုကယာ်အီၤ, ဒ်သိးကသူၣ်ဖှံသးညီလၢနပူၤန့ၣ်တက့ၢ်.

စံးထီၣ်ပတြၢၤ 64:10

မ်ပှၤတီပှၤလိၤသးခုလၢယွၤအပူၤ ဒီးအိၣ်ပူၤဖျဲးလၢအပူၤန့ၣ်တက့ၢ်. မ်ပှၤလၢအအိၣ်ဒီးတၢ်သူၣ်တီသးလိၤ မၤလၤကပီၤအပီၤအီၤလၢ အသးပူၤတက့ၢ်. စံးထီၣ်ပတြၢၤအီၤတက့ၢ်.

စံးထီၣ်ပတြၢၤ 68:3

မ့မ့ၢ်ပှၤတီပှၤလိၤန့ၣ်မ်အသးခုတက့ၢ်. မ်အဝဲသ့ၣ်သူၣ်ဖှံသးညီလၢကစၢ်ယွၤ အမဲာ်ညါတက့ၢ်. မ်အဝဲသ့ၣ်ကိးထီၣ်လၢတၢ်သးခုန့ၣ်တက့ၢ်.

စံးထီၣ်ပတြၢၤ 7:10

ကစၢ်ယွၤမ့ၢ်ကတီၤလၢအကဟုဘံၣ်ကယာ်ဘၢယၤ ဒီးမၤပူၤဖျဲးပှၤလၢအသူၣ်လိၤသးဘျၢန့ၣ်လီၤ.

စံးထီၣ်ပတြၢၤ 97:1

ယွၤမ့ၢ်စီၤပၤ, မ်ဟီၣ်ခိၣ်သူၣ်ဖှံသးညီတက့ၢ်. မ်ကီးတဖၣ်သူၣ်ခုသးခုတက့ၢ်.

စံးထီၣ်ပတြၢၤ 97:12

သုဝဲပှၤတီပှၤလိၤသ့ၣ်ဧၢ, သူၣ်ခုသးခုလၢ တၢ်လၢယွၤမၤတ့ၢ်အဃိန့ၣ်တက့ၢ်. သ့ၣ်နီၣ်ထီၣ်က့ၤတၢ်လၢကစၢ်ယွၤစီဆှံမၤတ့ၢ်ဝဲ, ဒီးစံးထီၣ်ပတြၢၤအီၤန့ၣ်တက့ၢ်.

စံးထီၣ်ပတြၢၤ 98:4

ပှၤဟီၣ်ခိၣ်ဖိခဲလၢာ်သ့ၣ်ဧၢ, သးဝံၣ်ထီၣ်ယွၤလၢတၢ်သးခု, စံးထီၣ်ပတြၢၤအီၤလၢတၢ်သးဝံၣ် ဒီးကိးထီၣ်အီၤလၢတၢ်သူၣ်ဖှံသးညီန့ၣ်တက့ၢ်.

လံာ်စကၤရယၤ 4:7

တၢ်မၤတံာ်တၢ်တဖၣ်မ့ၢ်ဒိၣ်ထဲသိးကစၢၢ်တဖၣ်ဘၣ်ဆၣ် ကဟါမၢ်ကွံာ်လၢနမဲာ်ညါလီၤ. နကဘှီထီၣ်ကဒါက့ၤတၢ်လုၢ်ဟံၣ်, ဒီးဖဲနပာ်လီၤလၢၢ်လၢခံကတၢၢ်တဖျၢၣ်လၢအလီၢ်န့ၣ်, ပှၤဂီၢ်မုၢ်ကကိးထီၣ်ဝဲ, ဃံလၤမးလဲၣ်, ဃံလၤမးလဲၣ်န့ၣ် လီၤ.”

ရိမ့ၤ 5:11

အါန့ၢ်အန့ၣ်, ပသးခုဒီးပာ်ကဖၢလၢပသးလၢကစၢ်ယွၤ အပူၤ, ခီဖျိပကစၢ်ယ့ၣ်ၡူးခရံာ်လၢအဒုးကဲထီၣ်ပှၤလၢ ကစၢ်ယွၤအတံၤသကိးတဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 12:12

သူၣ်ခုသးခုဖဲန့ၣ်လၢအဝဲအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်, ဒီးပှၤလ့ၤဝံဖိတဖၣ်လၢအအိၣ်လၢသုဝ့ၢ်တဖၣ်အပူၤတက့ၢ်, ဒီးသ့ၣ်နီၣ်ထီၣ်က့ၤလၢပှၤလ့ၤဝံဖိတဖၣ်တအိၣ်ဘၣ်ဒီးအဟီၣ်ခိၣ် ဒၣ်ဝဲဘၣ်န့ၣ်တက့ၢ်.

ဖံလံးပံၤ 3:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သူၣ်ခုသးခုလၢသုတၢ်မ့ၢ်တၢ်တမံၤဃီဒီးကစၢ်ခရံာ်အဃိ န့ၣ်တက့ၢ်. ယကတဲကဒီး တၢ်လၢယကွဲးတ့ၢ်လံလၢညါန့ၣ်တမ့ၢ်တၢ်တံာ်တာ်လၢ ယဂီၢ်ဘၣ်, ဒီးယမ့ၢ်မၤဒ်န့ၣ်မးဒီးတၢ်လီၤဘၣ်ယိၣ်လၢသုဂီၢ် ကစှၤလီၤဝဲလီၤ.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

ဖံလံးပံၤ 4:4

မ်သုသးခုလၢကစၢ်အပူၤထီဘိတက့ၢ်. ယစံးကဒီးသးခုတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 2:1

နီၢ်ဃးနၤဘါထုကဖၣ်ဝဲ, “ယွၤမၤပှဲၤတ့ၢ်ယသးဒီးတၢ်သူၣ်ခုသးခု လၢတၢ်လၢအမၤတ့ၢ်ဝဲအဃိန့ၣ်ယသူၣ်ဖှံသးညီ ဆံးဒိၣ်လဲၣ်. ယနံၤဘၣ်ယဒုၣ်ယဒါတဖၣ်, ယသူၣ်ခုသးခုဒိၣ်မးလဲၣ်. အဂ့ၢ်ဒ်အံၤ, ကစၢ်ယွၤမၤစၢၤတ့ၢ်ယၤလီၤ.