စံးထီၣ်ပတြၢၤ 31:8 - Sgaw Karen Common Bible

⁸ နတပျဲယဒုၣ်ယဒါသ့ၣ်တဖၣ်ဖီၣ်န့ၢ်ယၤဘၣ်. နဟ့ၣ်ယၤတၢ်သဘျ့လၢ ယကလဲၤဖဲယအဲၣ်ဒီးလဲၤဝဲအလီၢ်န့ၣ်လီၤ.

စံးထီၣ်ပတြၢၤ 31:8 Iomraidhean Croise

လံာ်စီၤယိၤဘး 16:11

ကစၢ်ယွၤဟ့ၣ်လီၤကွံာ်လံယၤဆူပှၤမၤတၢ်အၢတၢ်သီတဖၣ် အစုပူၤန့ၣ်လံ.

လံာ်စီၤယိၤဘး 36:16

စီၤယိၤဘးဧၢ, ကစၢ်ယွၤထုးထီၣ်ကွံာ်နၤလၢတၢ်ကိၢ်တၢ် ဂီၤအပူၤဆူတၢ်လီၢ်အလဲၢ်တတီၤဖဲတၢ်တြီမၤတံာ်တာ်တ အိၣ်ဘၣ်ဒီးနစီၢ်နီၤခိၣ်ဘၣ်တၢ်ကတဲာ်ကတီၤအီၤပှဲၤဝဲဒီး တၢ်အီၣ်အဝံၣ်အဘဲလီၤ.

စံးထီၣ်ပတြၢၤ 10:14

ဘၣ်ဆၣ်နထံၣ်နဲလီၤ. နပာ်သူၣ်ပာ်သးလၢ တၢ်ကီတၢ်ခဲဒီးတၢ်မၤကိၢ်မၤဂီၤ ဒ်သိးနကဟ့ၣ်ကၣ်တၢ်လၢနစုအဂီၢ်န့ၣ်လီၤ. ပှၤလၢပှၤမၤစၢၤအီၤတအိၣ်ဘၣ်န့ၣ် ဟ့ၣ်လီၤအသးလၢနစုပူၤ, နမ့ၢ်နဲပှၤမၤစၢၤပှၤလၢ အလိၣ်ဘၣ်တၢ်မၤစၢၤထီဘိန့ၣ်လီၤ.

စံးထီၣ်ပတြၢၤ 18:19

အဝဲထုးထီၣ်ယၤလၢတၢ်ဘၣ်ယိၣ်ဘၣ်ဘီအလီၢ်, အဝဲမၤပူၤဖျဲးယၤမ့ၢ်လၢ အဝဲဘၣ်သူၣ်ဘၣ်သးယၤအဃိန့ၣ်လီၤ.

စံးထီၣ်ပတြၢၤ 4:1

ယတၢ်တီတၢ်လိၤကစၢ်ယွၤဧၢ, တုၤယကိးထီၣ်နၤဒီးစံးဆၢလၢ်ဘၣ်ယၤတက့ၢ်. ဖဲယအိၣ်လၢတၢ်ကိၢ်တၢ်ဂီၤအပူၤန့ၣ်နမၤစၢၤယၤလီၤ. သူၣ်ကညီၤသးကညီၤယၤဒီး ဒိကနၣ်ယတၢ်ထုကဖၣ်တက့ၢ်.

စံးထီၣ်ပတြၢၤ 88:8

နမၢယတံၤသကိးသ့ၣ်တဖၣ်ညိကွံာ်ယၤ, ဒီးယကဲထီၣ်တၢ်သး ဘၣ်အၢလၢ အဝဲသ့ၣ်အဂီၢ်လီၤ. ယဘၣ်တၢ်ကဝီၤဃာ်ယၤဒီး ယထူၣ်ဖျဲးထီၣ်တသ့ဘၣ်.

လံာ်တၢ်ဟးထီၣ်ကွံာ် 2:25

ဒီးကစၢ်ယွၤကွၢ်လီၤပှၤအံၣ်စရ့လးဖိတဖၣ်ဒီးသူၣ်အိၣ်သးအိၣ် အဝဲသ့ၣ်န့ၣ်လီၤ.

လံာ်ယၡါယၤ 19:4

ယကဟ့ၣ်လီၤပှၤအဲၤကူပတူးဖိတဖၣ်ဆူပှၤပၢတၢ်အၢအၢသီသီ တဂၤအစုပူၤ, စီၤပၤတဂၤလၢကပၢအဝဲသ့ၣ်အၢအၢသီသီန့ၣ်လီၤ. ယၤ, ယွၤသ့တၢ်လၢာ်ကစၢ်, စံးကတိၤတ့ၢ်တၢ်လီၤ.”

လံာ်သိၣ်လီၤသီလီၤတၢ် 26:7

တုၤနုၤတစုပကိးထီၣ်တၢ်မၤစၢၤဆူယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်န့ၣ်လီၤ. အဝဲနၢ်ဟူပှၤဒီးထံၣ်ပတၢ်တူၢ်ဘၣ်ခီၣ်ဘၣ်, တၢ်ကိၢ်တၢ်ဂီၤ, ဒီးတၢ်နးတၢ်ဖှီၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:46

တနံၤဃီအံၤန့ၣ်ယွၤကပာ်နၤလၢယစိကမီၤအဖီလာ်လီၤ. ယကမၤနၢၤကွံာ်နၤဒီးကျီတဲာ်နခိၣ်လီၤ. ဒီးယကဟ့ၣ်လီၤပှၤဖလ့ၡသးဖိအသုးမုၢ်တဖၣ်အနီၢ်ခိဆူ ထိၣ်ဖိလံာ်ဖိဒီးဆၣ်ဖိကီၢ်ဖိတဖၣ်ကအီၣ်တၢ်အဂီၢ်လီၤ. တုၤနုၤတစု, ဟီၣ်ခိၣ်ဒီဘ့ၣ်ညါကသ့ၣ်ညါလၢကီၢ်အံၣ်စရ့လး အိၣ်ဒီးကစၢ်ယွၤတဂၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:18

တနံၤအံၤ, နပာ်ဖျါတ့ၢ်နမၤဂ့ၤတၢ်လၢယဂီၢ်ဆံးအါဆံးအါအဂ့ၢ် န့ၣ်လီၤ. အဂ့ၢ်ဒ်အံၤ, ယွၤပာ်ယၤလၢနတၢ်စိတၢ်က မီၤအဖီလာ်ဒၣ်လဲာ်န့ၣ်နတမၤသံတ့ၢ်ဘၣ်ယၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:8

စီၤအဘံၡဲၤစံးဘၣ်စီၤဒၤဝံး, “တနၤအံၤကစၢ်ယွၤပာ်လီၤ နဒုၣ်နဒါလၢနစိကမီၤအဖီလာ်လီၤ. ခဲအံၤပျဲယဆဲးအကစၢ်ဒၣ်ဝဲဒီးအဘီဖျိကွံာ်အီၤဒီးဆဲးတံၢ် အီၤဖဲဟီၣ်ခိၣ်လိၤထဲတဘီဧိၤတက့ၢ်. ယတဆဲးဘၣ်ခံဘီဘၣ်.”