စံးထီၣ်ပတြၢၤ 31:15 - Sgaw Karen Common Bible

¹⁵ ထီဘိယအိၣ်လၢနတၢ်အိၣ်ပှိၤယၤအပူၤလီၤ, မၤပူၤဖျဲးယၤလၢယဒုၣ်ယဒါတဖၣ်, ပှၤလၢအမၤသံယၤတဖၣ်န့ၣ်တက့ၢ်.

စံးထီၣ်ပတြၢၤ 31:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:12

ဖဲနသံဒီးဘၣ်တၢ်ခူၣ်လီၤကွံာ်နၤဃုာ်ဒီးနမိၢ်ပၢ်ဖံဖုလၢ ပျၢၤတဖၣ်န့ၣ်, ယကဒုးကဲထီၣ်နဖိခွါတဖၣ်အကျါတဂၤ လၢစီၤပၤဒီးဒုးဆူၣ်ထီၣ်အဘီအမုၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:10

စီၤအၤစါဟးထီၣ်လၢကလဲၤဒုးအီၤအဂီၢ်, ဒီးပှၤခံခီလိာ်ဟံး န့ၢ်အတၢ်လီၢ်ဖဲကစၢၢ်ကဆူးစဖၤသး, ဘူးဒီးဝ့ၢ်မရ့ၡၤန့ၣ်လီၤ.

လံာ်စီၤယိၤဘး 24:1

ဘၣ်မနုၤလၢသ့တၢ်လၢာ်ကစၢ်ယွၤတပာ်လီၤတၢ်ဆၢကတီၢ် တဘျီလၢကစံၣ်ညီၣ်တၢ်, တၢ်တီတၢ်လိၤအမုၢ်တနံၤလၢပှၤလၢ အမၤအတၢ်တဖၣ်အဂီၢ်န့ၣ်လဲၣ်.

စံးထီၣ်ပတြၢၤ 116:15

အပှၤစီဆှံတဖၣ်အတၢ်သံန့ၣ် မ့ၢ်တၢ်လုၢ်ဒိၣ်ပှ့ၤဒိၣ်လၢယွၤအမဲာ်ညါလီၤ.

စံးထီၣ်ပတြၢၤ 140:7

ယယွၤ, ပၢဘၣ်တၢ်ခဲလၢာ်, ယတၢ်အုၣ်က့ၤခီၣ်က့ၤကစၢ်ဧၢ, နကဟုကယာ်တ့ၢ်လံယၤလၢ တၢ်ဒုးသုးအပူၤန့ၣ်လီၤ.

စံးထီၣ်ပတြၢၤ 142:6

ကနၣ်ယတၢ်ကိးထီၣ်လၢတၢ်မၤစၢၤအဂီၢ်တက့ၢ်. အဂ့ၢ်ဒ်အံၤ, ယလီၤဒးကွံာ်လၢ တၢ်သူၣ်ဟးဂီၤသးဟးဂီၤအပူၤလီၤ. မၤပူၤဖျဲးယၤလၢယဒုၣ်ယဒါသ့ၣ်တဖၣ်တက့ၢ်. အဝဲသ့ၣ်ဆူၣ်ကဲာ်ဆိးလၢယဂီၢ်န့ၣ်လီၤ.

စံးထီၣ်ပတြၢၤ 143:12

ဒီးလၢနတၢ်အဲၣ်ဂၢၢ်ကျၢၤအဃိန့ၣ်, ဒီၣ်တဲာ်ကွံာ်ယဒုၣ်ယဒါတဖၣ်, ဒီးမၤဟးဂီၤကွံာ်ကယဲၢ်ပှၤလၢအမၤအၢယၤ ခဲလၢာ်န့ၣ်တက့ၢ်. အဂ့ၢ်ဒ်အံၤ, ယမ့ၢ်နခ့နပှၤလီၤ.

စံးထီၣ်ပတြၢၤ 143:3

ယဒုၣ်ယဒါတဖၣ်လူၤမၤလီၤဃံၤတ့ၢ်ယၤ ဒီးမၤနၢၤကွံာ်တ့ၢ်လံယၤလၢာ်လၢာ်ဆ့ဆ့န့ၣ်လီၤ. ပာ်ယၤလၢတၢ်ခံးတၢ်နၤအတၢ်စၢဃာ်အပူၤ ဒီးယမၤယသးလီၤဂာ်ဒ် ပှၤလၢအသံတ့ၢ်ဃဲးဃဲးအသိးန့ၣ်လီၤ.

စံးထီၣ်ပတြၢၤ 143:9

ယွၤဧၢ, မၤပူၤဖျဲးယၤလၢယဒုၣ်ယဒါတက့ၢ်. ယဃ့ၢ်ဆူနအိၣ်လၢတၢ်ပူၤဖျဲးအဂီၢ်လီၤ.

စံးထီၣ်ပတြၢၤ 17:13

ဂဲၤထၢၣ်, ယွၤဧၢ, ကွၢ်ဆၢၣ်မဲာ်ယဒုၣ်ယဒါတဖၣ်ဒီး, မၤနၢၤအဝဲသ့ၣ်န့ၣ်တက့ၢ်. မၤပူၤမၤဖျဲးယၤလၢပှၤတတီတလိၤသ့ၣ်တဖၣ်န့ၣ် လၢနနးန့ၣ်တက့ၢ်.

စံးထီၣ်ပတြၢၤ 25:2

ယကစၢ်ယွၤဧၢ, ယနာ်နၤလီၤ. မ်ယသုတဘၣ်တၢ်မၤမဲာ်ဆှးယၤတဂ့ၤ. မ်ယဒုၣ်ယဒါအသုတသးခုလၢယဖီခိၣ်တဂ့ၤ.

စံးထီၣ်ပတြၢၤ 91:2

ကစံးဘၣ်ယွၤ, “နမ့ၢ်ယတၢ်အိၣ်တဒၢအလီၢ်ဒီးယတိာ်, ယကစၢ်ယွၤလၢယသန့ၤယသးလၢအီၤန့ၣ်လီၤ.”

လံာ်တၢ်ဟးထီၣ်ကွံာ် 40:37

ဖဲတၢ်အၢၣ်ကျၢၢ်ဘၢဒံးအသးလၢဒဲစီဆှံအဖီခိၣ်အခါန့ၣ်, အဝဲသ့ၣ်တသုးဘၣ်အသူၣ်ဒဲအလီၢ်ဘၣ်.

လံာ်ယၡါယၤ 25:1

ယွၤဧၢ, နမ့ၢ်ယကစၢ်ယွၤလီၤ. ယကမၤလၤကပီၤနၤဒီးစံးထီၣ်ပတြၢၤနမံၤလီၤ. နမၤတ့ၢ်တၢ်လၢအလီၤလိၢ်လီၤလးမးတဖၣ်လီၤ. နတၢ်ကူၣ်တၢ်ကျဲၤလၢပျၢၤတဖၣ်န့ၣ်နမၤလၢထီၣ် ပှဲၤထီၣ်အီၤလၢတၢ်သူၣ်တီသးရၤအပူၤလီၤ.

လံာ်ယံးရမံယၤ 31:18

ယနၢ်ဟူ ကီၢ်အံၣ်စရ့လး အပှၤဂီၢ်မုၢ် စံးကတိၤတၢ်လၢ တၢ်သူၣ်အုးသးအုးအပူၤ စံးဝဲ, ‘ယွၤဧၢ, ပလီၤဂာ်ဒီး ဆၣ်ဖိကီၢ်ဖိတဒုလၢတၢ်တမၤဘှါအီၤဘၣ်, ဘၣ်ဆၣ်ဒီး နသိၣ်လိတ့ၢ်ပှၤလၢ ပကစူၢ်တၢ်န့ၣ်လီၤ. ဟဲက့ၤစိာ်ကဒါက့ၤ ပှၤတက့ၢ်. ပအိၣ်ကတဲာ် ကတီၤလံပသးလၢ ပကဟဲက့ၤကဒါက့ၤဆူ နအိၣ်လံ, ယွၤပကစၢ်ယွၤဧၢ.

လံာ်လူၤကၣ် 9:51

ဖဲမုၢ်နံၤမုၢ်သီတဖၣ်ဘူးထီၣ်လၢယ့ၣ်ၡူးကဘၣ်တၢ်စိာ်ထီၣ် အီၤဆူမူခိၣ်န့ၣ်, အဝဲဒၣ်ပာ်လီၤအသးကျၢၤမုဆှုဒီးလဲၤဝဲဒၣ်ဆူဝ့ၢ်ယရူၤၡလ့ၣ်လီၤ.

လံာ်ယိၤဟၣ် 12:27

ခဲအံၤယသးဘၣ်တံာ်တာ်ဒိၣ်မးဒီးယကဘၣ်စံးဒ်လဲၣ်. မ့ၢ်ယကဘၣ်စံး, ‘ပၢ်ဧၢ, တဘၣ်ပျဲတၢ်ဆၢကတီၢ်နၣ်ရံၣ်အဝဲအံၤဟဲတုၤအိၣ်ယၤတဂ့ၤ’ န့ၣ်ဧါ. ဘၣ်ဆၣ်ယဟဲယဲလၢယကလဲၤခီဖျိတၢ်နးတၢ်ဖှီၣ် အနၣ်ရံၣ်အံၤအဂီၢ်န့ၣ်လီၤ.

လံာ်ယိၤဟၣ် 13:1

ဖဲဘူၣ်လဲၤကပာ်တချုးဘၣ်တနံၤန့ၣ်, ယ့ၣ်ၡူးသ့ၣ်ညါဝဲလၢ တၢ်ဆၢကတီၢ်နၣ်ရံၣ်တုၤအိၣ်အီၤလၢအဝဲကဘၣ်ဟးထီၣ် ကွံာ်လၢဟီၣ်ခိၣ်အံၤဒီးက့ၤဆူပၢ်အအိၣ်န့ၣ်လီၤ. အဝဲအဲၣ်ဘၣ်ပှၤတဖၣ်လၢဟီၣ်ခိၣ်အံၤလၢအမ့ၢ်အတၢ် ဒၣ်ဝဲ, ဒီးအဲၣ်အီၤတုၤအကတၢၢ်န့ၣ်လီၤ.

လံာ်ယိၤဟၣ် 17:1

ယ့ၣ်ၡူးကတိၤတၢ်အံၤဝံၤဒီး, အဝဲကွၢ်ထီၣ်တၢ်ဆူမူခိၣ်ဒီးစံးဝဲဒၣ်, “ပၢ်ဧၢ, တၢ်ဆၢကတီၢ်နၣ်ရံၣ်တုၤဃီၤဝဲဒၣ်လံ. မၤလၤကပီၤ နဖိခွါ, ဒ်သိးဖိခွါကမၤလၤကပီၤနၤအဂီၢ်န့ၣ်တက့ၢ်.

လံာ်ယိၤဟၣ် 7:30

ထဲန့ၣ်ဒီးအဝဲသ့ၣ်ဂုာ်ကျဲးစၢးဃုကျဲလၢကဖီၣ်ယ့ၣ်ၡူး ဘၣ်ဆၣ်ပှၤတထိးဘူးအီၤနီတဂၤဘၣ်. မ့ၢ်လၢတၢ်ဆၢကတီၢ်နၣ်ရံၣ်တဘၣ်ဒံးဘၣ်လၢအဂီၢ် အဃိလီၤ.

လံာ်ယိၤဟၣ် 7:6

ယ့ၣ်ၡူးစံးဘၣ်အဝဲသ့ၣ်, “တၢ်ဆၢကတီၢ်လၢယဂီၢ်တဘၣ် ဒံးဘၣ်. မ့မ့ၢ် လၢသုဂီၢ်န့ၣ်တၢ်ဆၢကတီၢ်ဘၣ်ဒၣ်ထီဘိလီၤ.

မၤတၢ် 1:7

ယ့ၣ်ၡူးစံးဆၢက့ၤအဝဲသ့ၣ်, “တၢ်ဆၢကတီၢ်ဒီးတၢ်ကတီၢ်လီၤဆီတဖၣ်န့ၣ်, အိၣ်ဒၣ်လၢယပၢ်အစုပူၤလၢအကစံၣ်ညီၣ်ပာ်လီၤဝဲလၢအစိကမီၤဒၣ် ဝဲဒီးတၢ်တပျဲသုသ့ၣ်ညါတၢ်ဆၢကတီၢ်အံၤန့ၣ်ဘၣ်.

မၤတၢ် 23:11

နၤအဝဲန့ၣ်, ကစၢ်ဆၢထၢၣ်လၢစီၤပီလူးအကပၤဒီးစံးဝဲ, “ပာ်နသးဒူဒူတက့ၢ်. နဟ့ၣ်တ့ၢ်လံတၢ်အုၣ်အသးလၢယဂ့ၢ်ဖဲဝ့ၢ်ယရူၤၡလ့ၣ်အံၤ အပူၤလံ. ဒီးနကဘၣ်မၤတၢ်တမံၤဃီအံၤဖဲဝ့ၢ်ရိမ့ၤစ့ၢ်ကီးလီၤ.”

မၤတၢ် 27:24

ဒီးစံးဘၣ်ယၤ, ‘စီၤပီလူးဧၢ, ပျံၤတၢ်တဂ့ၤ. နကဘၣ်ဂဲၤဆၢထၢၣ်ဒံးလၢစီၤပၤဖးဒိၣ်အမဲာ်ညါလီၤ. သတးဒီးကစၢ်ယွၤပျဲပူၤဖျဲးပှၤလၢအဒိးကဘီဒီးနၤကိးဂၤ ဒဲးလီၤ.’

၂ တံၤမသ့း 4:6

မ့မ့ၢ်ယဲတခီ, နၣ်ရံၣ်တုၤဃီၤဝဲလၢယကဘၣ်တၢ်လုၢ်ထီၣ်ယၤအဂီၢ်လံ. တၢ်ဆၢကတီၢ်ဟဲတုၤအိၣ်ယၤလၢယကပာ်တ့ၢ်တၢ်အိၣ်မူအံၤန့ၣ်လံ.

၂ ပ့းတရူး 1:14

ယသ့ၣ်ညါလၢတယံာ်လၢၤဘၣ်ဒီးယကဘၣ်ပာ်တ့ၢ်ကွံာ် ယနီၢ်ခိလၢအသံသ့အံၤ, ဒ်ပကစၢ်ယ့ၣ်ၡူးခရံာ်စံးဘၣ်တဲဘၣ်တ့ၢ်ယၤဖျါဖျါအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:10

စီၤဒၤဝံးစံးကဒီးဝဲဆူညါ, “ခီဖျီယွၤလၢအမူဝဲတဂၤ န့ၣ်, ယသ့ၣ်ညါလၢယွၤအနီၢ်ကစၢ်ဒၣ်ဝဲကမၤသံစီၤစီလူးဖဲအမုၢ်နံၤ တုၤဃီၤဝဲလၢကဘၣ်သံဒ်ပှၤဟီၣ်ခိၣ်ဖိအန့ဆၢၣ်မ့ၢ်ဂ့ၤ, ကဘၣ်သံဝဲလၢတၢ်ဒုးတၢ်ယၤအဃိမ့ၢ်ဂ့ၤန့ၣ်လီၤ.