စံးထီၣ်ပတြၢၤ 31:11 - Sgaw Karen Common Bible

¹¹ ယဒုၣ်ယဒါခဲလၢာ်, လီၤဆီဒၣ်တၢ်ပှၤလၢ ယဃၢၤတဖၣ်မၤယၤဒ်တၢ်လီၤသးဘၣ်အၢ, ပှၤလၢအသ့ၣ်ညါယၤတဖၣ်ပျံၤယၤ, တုၤအထံၣ်ယၤလၢကျဲဒီးဃ့ၢ်ကွံာ်ဝဲဒၣ်န့ၣ်လီၤ.

စံးထီၣ်ပတြၢၤ 31:11 Iomraidhean Croise

စံးထီၣ်ပတြၢၤ 22:6

မ့မ့ၢ်ယဲဒၣ်အံၤယတမ့ၢ်လၢၤပှၤကညီလၢၤဘၣ်. ယမ့ၢ်ဒၣ်ထိးကလဲာ်တဘိလၢ အဘၣ်တၢ်သးဘၣ်အၢအီၤ ဒီးဘၣ်တၢ်ဒုၣ်ဒွဲၣ်လၢပှၤကိးဂၤဒဲးန့ၣ်လီၤ.

စံးထီၣ်ပတြၢၤ 38:11

ယတံၤသကိးတဖၣ်ဒီးပှၤအိၣ်လၢယဃၢၤတဖၣ် အိၣ်ယံၤဒီးယၤ မ့ၢ်လၢယပူၤလီၢ်တဖၣ်အဃိ, ယဟံၣ်ဖိဃီဖိသ့ၣ်တဖၣ်ဒၣ်လဲာ် အိၣ်ယံၤဒီးယၤလီၤ.

စံးထီၣ်ပတြၢၤ 64:8

လၢအဝဲသ့ၣ်အတၢ်ကတိၤတဖၣ်န့ၣ်အဃိ ယွၤကမၤဟးဂီၤအဝဲသ့ၣ်, ဒီးပှၤလၢအထံၣ်အဝဲသ့ၣ်ခဲလၢာ် ကကျၢၢ်ကျာ်အခိၣ်လီၤ.

စံးထီၣ်ပတြၢၤ 88:18

ယတံၤသကိးတဖၣ်လၢ အဘူးကတၢၢ်ဒီးဒၣ်လဲာ်န့ၣ် နပျဲအညိကွံာ်ယၤလီၤ. ဖဲယလဲၤတပူၤလၢ်လၢ်အလီၢ်န့ၣ် အိၣ်ဒၣ်ထဲတၢ်ခံးတၢ်နၤန့ၣ်လီၤ.

စံးထီၣ်ပတြၢၤ 88:8

နမၢယတံၤသကိးသ့ၣ်တဖၣ်ညိကွံာ်ယၤ, ဒီးယကဲထီၣ်တၢ်သး ဘၣ်အၢလၢ အဝဲသ့ၣ်အဂီၢ်လီၤ. ယဘၣ်တၢ်ကဝီၤဃာ်ယၤဒီး ယထူၣ်ဖျဲးထီၣ်တသ့ဘၣ်.

လံာ်ယၡါယၤ 49:7

ကီၢ်အံၣ်စရ့လးအကစၢ်ယွၤစီဆှံဒီးပှၤအုၣ်က့ၤခီၣ်က့ၤတၢ်စံး ဘၣ်ပှၤတဂၤလၢ အဘၣ်တၢ်သးဘၣ်အၢအီၤဒိၣ်မး, ပှၤလၢအဘၣ်တၢ်သးဟ့အီၤလၢပှၤကလုာ်တဖၣ်, ဒီးမ့ၢ်ပှၤပၢတၢ်တဖၣ်အခ့အပှၤတဂၤဒီးစံးဝဲ, “စီၤပၤတဖၣ်ကထံၣ်ဘၣ်တၢ်ပျၢ်ထူၣ်ဖျဲးနၤ ဒီးကဆၢထၢၣ်ဝဲလၢတၢ်ဒုးနဲၣ် အတၢ်ယူးယီၣ်ပာ်ကဲလီၤ. စီၤပၤဖိတဖၣ်စ့ၢ်ကီးကထံၣ်ဘၣ်ဝဲတၢ်အံၤ ဒီးကသကူးလီၤအသးလၢ တၢ်မၤလၤကပီၤနၤအဂီၢ်လီၤ.” တၢ်အံၤကမၤအသးလီၤ. အဂ့ၢ်ဒ်အံၤ, မ့ၢ်လၢယွၤဃုထၢတ့ၢ်အခ့ အပှၤအဃိလီၤ. ကီၢ်အံၣ်စရ့လးအကစၢ်ယွၤစီဆှံမၤတီ အတၢ်အၢၣ်လီၤအီလီၤတဖၣ်လီၤ.

လံာ်ယံးရမံယၤ 12:6

နဒီပုၢ်ဝဲၢ်ခွါတဖၣ်ပှၤလၢအမ့ၢ်နဒူၣ်ဖိထၢဖိဒၣ်နဲ တဖၣ်ဒၣ်လဲာ်ဟ့ၣ်လီၤကွံာ်လံနၤလံ. အဝဲသ့ၣ်ပာ်ဖှိၣ်ထီၣ်အသးလၢတၢ် ထီဒါနၤအပူၤန့ၣ်လီၤ. အဝဲသ့ၣ်မ့ၢ်ကတိၤတၢ်ဃူတၢ်ဖိး, အတၢ်ကတိၤတဖၣ်ဒီး နၤဒၣ်လဲာ်, တဘၣ်နာ်အဝဲသ့ၣ်တဂ့ၤ.”

လံာ်မံကၤ 7:6

ဖိမုၣ်တဖၣ်ထီဒါက့ၤအမိၢ်တဖၣ်, ပိာ်မုၣ်သးစၢ်တဖၣ်အ့ၣ်လိာ် အသးဒီးမံၤပှၢ်ပိာ်မုၣ်တဖၣ်လီၤ. ပှၤတဂၤအဒုၣ်အဒါတဖၣ်မ့ၢ်အဟံၣ်ဖိဃီဖိဒၣ်ဝဲတဖၣ်လီၤ.

လံာ်မးသဲ 26:56

ဘၣ်ဆၣ်ဒီး, တၢ်တဖၣ်အံၤမၤတ့ၢ်အသး, ဒ်သိးဒီးတၢ်လၢဝံတဖၣ်ကွဲးတ့ၢ်ဝဲလၢတၢ်ကွဲးအသးစီဆှံတဖၣ်အပူၤ, ကလၢထီၣ်ပှဲၤထီၣ်ဝဲအဂီၢ်လီၤ.” တုၤနုၤတစု, အပျဲၢ်အဘီၣ်ခဲလၢာ်ပာ်တ့ၢ်ဒီးဃ့ၢ်သဒၣ်ကွံာ်အီၤ လီၤ.

လံာ်မးသဲ 26:74

တုၤနုၤတစုစီၤပ့းတရူးစံးဝဲ, “ယဆိၣ်လီၤယသးလၢယကတိၤ တၢ်မ့ၢ်တၢ်တီလီၤ. ယမ့ၢ်တဲတၢ်လၢအတမ့ၢ်တတီဘၣ်ဒီး, မ်ကစၢ်ယွၤကစံၣ်ညီၣ်ဒၣ်ဝဲယၤတက့ၢ်. ယတသ့ၣ်ညါ ပှၤအဝဲန့ၣ်ဘၣ်.” တကီၢ်ခါဖဲန့ၣ်ဆီဖါကီၢ်အိၣ်အိထီၣ်ဝဲလီၤ.

လံာ်မၢ်ကူး 14:50

အန့ၣ်ဒီးအပျဲၢ်အဘီၣ်ခဲလၢာ်ဟးသဒၣ်ကွံာ်အီၤဒီးဃ့ၢ်ပူၤဖျဲး ကွံာ်အသးန့ၣ်လီၤ.

ရိမ့ၤ 15:3

အဂ့ၢ်ဒ်လဲၣ်န့ၣ်, ခရံာ်တလူၤအသးဒၣ်ဝဲဘၣ်. အခိၣ်တလိာ်ဒ်တၢ်ကွဲးအသးစီဆှံစံးဝဲအသိး, ‘တၢ်ဒုၣ်ဒွဲၣ်တဖၣ်လၢပှၤဂၤတဖၣ်ဒုၣ်ဒွဲၣ်နၤန့ၣ်လီၤဘၣ်လၢ ယလိၤလံ.’

၂ တံၤမသ့း 4:16

ဖဲယကတိၤဒီဒၣ်ယသးအဆိကတၢၢ်တဘျီန့ၣ်, ပှၤတဆၢထၢၣ်ဃုာ်ဒီးယၤနီတဂၤဘၣ်. ပှၤဟးသဒၣ်ကွံာ်ယၤခဲလၢာ်လီၤ. မ်ကစၢ်ယွၤအသုတပာ်တၢ်ကမၣ်လၢအဝဲသ့ၣ်အလိၤတဂ့ၤ.

ဧ့ၤဘြံၤ 11:36

ပှၤတနီၤဘၣ်တၢ်ဒုၣ်ဒွဲၣ်ပယွဲအီၤဒီးဘၣ်တၢ်တီၢ်အီၤ, ဒီးအဂၤတနီၤဘၣ်တၢ်စၢဃာ်အီၤလၢထးသွဲဒီးလီၤဘၣ်ဒၣ် လဲာ်လၢဃိာ်ပူၤလီၤ.

ဧ့ၤဘြံၤ 13:13

လၢတၢ်န့ၣ်အဃိ, မ်ပလဲၤသကိးဆူဒဲအချၢဒီးတူၢ်သကိးဃုာ်တၢ် ဒုၣ်ဒွဲၣ်ဒီးအီၤန့ၣ်တက့ၢ်.

၁ ပ့းတရူး 4:14

သုမ့ၢ်ဘၣ်တၢ်ဒုၣ်ဒွဲၣ်သုလၢသုမ့ၢ်ပှၤတဖၣ်လၢ အပိာ်ခရံာ်အခံအဃိဒီး, သုဘၣ်တၢ်ဆိၣ်ဂ့ၤလီၤ. တၢ်အံၤအခီပညီမ့ၢ်ဝဲ, တၢ်လၤကပီၤအသးဒီးကစၢ်ယွၤအသးအိၣ်ဝဲဆိးဝဲလၢသုလိၤလီၤ.