စံးထီၣ်ပတြၢၤ 30:9 - Sgaw Karen Common Bible

⁹ “ယမ့ၢ်လဲၤလီၤဆူတၢ်သံအကီၢ်ပူၤဒီး လၢယတၢ်သံအဃိန့ၣ် နကဒိးန့ၢ်ဘၣ် တၢ်ဘျုးမနုၤတမံၤလဲၣ်. ဟီၣ်ခိၣ်အကမူၣ် ကစံးထီၣ်ပတြၢၤနၤစ့ၢ်ကီးဧါ. ကတဲဖျါထီၣ်နတၢ်သးတီစ့ၢ်ကီးဧါ.

စံးထီၣ်ပတြၢၤ 30:9 Iomraidhean Croise

စံးထီၣ်ပတြၢၤ 118:17

ယတသံဘၣ်. မ့ၢ်ယကမူဒီး စံၣ်တဲၤတဲလီၤယွၤအတၢ်မၤတဖၣ်လီၤ.

စံးထီၣ်ပတြၢၤ 6:5

အဂ့ၢ်ဒ်အံၤ, တၢ်သ့ၣ်နီၣ်ထီၣ်က့ၤနၤ တအိၣ်ဘၣ်လၢတၢ်သံအပူၤဘၣ်. လၢပျုၤပူၤန့ၣ်, မ့ၢ်မတၤကသ့စံးထီၣ်ပတြၢၤ နဘျုးနဖှိၣ်တဂၤလဲၣ်.

စံးထီၣ်ပတြၢၤ 66:17

ယကိးထီၣ်ဆူအအိၣ်လၢတၢ်မၤစၢၤအဂီၢ်, ယစံးထီၣ်ပတြၢၤအီၤလၢတၢ်သးဝံၣ်တဖၣ်လီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ယၡါယၤ 38:18

ပှၤလၢတၢ်သံအကီၢ်ပူၤလၢအစံးထီၣ်ပတြၢၤနၤသ့တအိၣ်နီ တဂၤဘၣ်. ပှၤလၢအလဲၤလီၤဆူပျူၤပူၤတဖၣ်နာ်နတၢ်သူၣ်တီသးရၤတသ့ဘၣ်.