စံးထီၣ်ပတြၢၤ 30:5 - Sgaw Karen Common Bible

⁵ အဂ့ၢ်ဒ်အံၤ, အတၢ်သးထီၣ်အိၣ်တစိၢ်ဖိ ဒီးအဘျုးအဖှိၣ်န့ၣ်အိၣ်တစိၤသးလီၤ. မဲာ်ထံမဲာ်နိမ့ၢ်ယွၤလီၤဝဲလၢမုၢ်နၤ, ဘၣ်ဆၣ်, လၢမုၢ်ဂီၤန့ၣ်တၢ်သူၣ်ခုသးခုဟဲဝဲလီၤ.

စံးထီၣ်ပတြၢၤ 30:5 Iomraidhean Croise

လံာ်တၢ်ကဲထီၣ်အခီၣ်ထံး 32:24

မ့မ့ၢ်အဝဲအိၣ်လီၤတဲာ်တ့ၢ်ထဲတဂၤဧိၤန့ၣ်လီၤ. ဖဲန့ၣ်ပှၤတဂၤဟဲဒီးကနိတၢ်ဒီးအီၤတုၤမုၢ်ဘူးကဆ့ၣ်ထီၣ်န့ၣ် လီၤ.

စံးထီၣ်ပတြၢၤ 103:17

မ့မ့ၢ်ယွၤအတၢ်အဲၣ်ဂၢၢ်ကျၢၤအိၣ်ဝဲလၢ ပှၤလၢအပျံၤအီၤတဖၣ်အလိၤလီၤစိၤလီၤထီ ဒီးအတၢ်ဂ့ၤတၢ်ဝါန့ၣ်အိၣ်ဂၢၢ်ဆိးကျၢၤကိးစိၤဒဲး,

စံးထီၣ်ပတြၢၤ 103:9

တသိၣ်ဃီၣ်တၢ်တထံၣ်ဃီဘၣ်, ဒီးအတၢ်သးထီၣ်န့ၣ်တပာ်ဝဲလီၤထူလီၤယိာ်ဘၣ်.

စံးထီၣ်ပတြၢၤ 143:8

ဒုးသ့ၣ်နီၣ်ယၤလၢနတၢ်အဲၣ်ဂၢၢ်ကျၢၤကိးဂီၤဒဲးတက့ၢ်. အဂ့ၢ်ဒ်အံၤ, ယသန့ၤယသးလၢနၤလီၤ. သိၣ်လိယၤလၢကျဲလၢယဂ့ၤပိာ်တဘိန့ၣ်တက့ၢ်. အဂ့ၢ်ဒ်အံၤ, ယစိာ်ထီၣ်ယသးဆူနအိၣ်လီၤ.

စံးထီၣ်ပတြၢၤ 145:10

ယွၤဧၢ, နတၢ်မၤခဲလၢာ်ကစံးထီၣ်ပတြၢၤနၤ, ဒီးနပှၤစီဆှံခဲလၢာ်ကစံးထီၣ်ပတြၢၤနၤလီၤ.

စံးထီၣ်ပတြၢၤ 16:11

နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

စံးထီၣ်ပတြၢၤ 46:5

ကစၢ်ယွၤအိၣ်လၢအသးကံၢ်ပူၤ, ဒီးတဘၣ်တၢ်သုးကွံာ်အီၤဘၣ်. ကစၢ်ယွၤကမၤစၢၤအီၤဖဲမုၢ်ဆ့ၣ်ဝါထီၣ် အကတီၢ်န့ၣ်လီၤ.

စံးထီၣ်ပတြၢၤ 47:7

ကစၢ်ယွၤမ့ၢ်စီၤပၤလၢဟီၣ်ခိၣ်ဒီဘ့ၣ်ညါလီၤ. စံးထီၣ်ပတြၢၤအီၤလၢတၢ်သးဝံၣ်တဖၣ်န့ၣ်တက့ၢ်.

စံးထီၣ်ပတြၢၤ 59:16

မ့မ့ၢ်ယဲဒၣ်အံၤ ယကသးဝံၣ်နတၢ်ဂံၢ်တၢ်ဘါအဂ့ၢ်, ကိးမုၢ်ဂီၤဒဲးန့ၣ် ယကသးဝံၣ်တၢ်လၢ နတၢ်အဲၣ်အဂၢၢ်အကျၢၤအဂ့ၢ်လၢ ယကလုၢ်ဖးဒိၣ်လီၤ. အဂ့ၢ်ဒ်အံၤ, နမ့ၢ်တၢးထီၣ်ထီလၢယဂီၢ် ဒီးတၢ်ပူၤဖျဲးအလီၢ်လၢ ယတၢ်ကိၢ်တၢ်ဂီၤအမုၢ်တနံၤန့ၣ်လီၤ.

စံးထီၣ်ပတြၢၤ 63:3

အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤဂ့ၤန့ၢ်သးသမူ, ဒီးယနိးဖံးကစံးထီၣ်ပတြၢၤနၤန့ၣ်လီၤ.

စံးထီၣ်ပတြၢၤ 97:12

သုဝဲပှၤတီပှၤလိၤသ့ၣ်ဧၢ, သူၣ်ခုသးခုလၢ တၢ်လၢယွၤမၤတ့ၢ်အဃိန့ၣ်တက့ၢ်. သ့ၣ်နီၣ်ထီၣ်က့ၤတၢ်လၢကစၢ်ယွၤစီဆှံမၤတ့ၢ်ဝဲ, ဒီးစံးထီၣ်ပတြၢၤအီၤန့ၣ်တက့ၢ်.

လံာ်တၢ်ဟးထီၣ်ကွံာ် 3:15

တဲဘၣ်ပှၤအံၣ်စရ့လးဖိတဖၣ်လၢယၤ, ယွၤ, သုပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲး, ဒီးစီၤယၤကိာ်အကစၢ်ယွၤန့ၣ်ဆှၢလီၤနၤဆူ အဝဲသ့ၣ်အအိၣ်တက့ၢ်. အအံၤမ့ၢ်ယမံၤအထူအယိာ် လၢပှၤတစိၤဘၣ်တစိၤကဘၣ်ကိးယၤန့ၣ်တက့ၢ်.

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 26:20

လဲၤနုာ်ဆူသုဟံၣ်တဖၣ်အပူၤ, ယပှၤဂီၢ်မုၢ်သ့ၣ်ဧၢ, ဒီးကးတံာ်တြဲၤလၢသုလီၢ်ခံတက့ၢ်. ပာ်ခူသူၣ်သုသးတစိၢ် ဖိတုၤကစၢ်ယွၤအတၢ်သးဒိၣ်လဲၤပူၤကွံာ်တက့ၢ်.

လံာ်ဟိၤၡ့ 6:3

မ်ပကဂုာ်ကျဲးစၢးသ့ၣ်ညါသကိးယွၤန့ၣ်တက့ၢ်. အဝဲကဟဲဆူပအိၣ်သပှၢ်ကတၢၢ်ဒ်မုၢ်ဟဲထီၣ်သီတဖၣ်အသိး, သပှၢ်ကတၢၢ်ဒ်တၢ်ယီၤထီၣ်သီအမူခိၣ်ထံမၤဘၣ်စီၣ်ဟီၣ်ခိၣ် အသိးန့ၣ်လီၤ.

လံာ်မးသဲ 5:4

ပှၤလၢအသူၣ်အုးသးအုးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကဘၣ်တၢ်မၤမုာ်ထီၣ်က့ၤအီၤ လၢကစၢ်ယွၤလီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.

လံာ်လီၣ်ဖျါ 22:1

ကလူးတဂၤန့ၣ်ဒုးနဲၣ်စ့ၢ်ကီးယၤလၢထံမူအထံကျိလၢအက တြ့ၣ်ကတြိၣ်ဝဲဒ်လၢၢ်ဖျါကလၤအသိး, ဒီးဟဲယွၤလီၤလၢကစၢ်ယွၤဒီးသိဖိအလီၢ်ပစိာ်,

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.