စံးထီၣ်ပတြၢၤ 30:1 - Sgaw Karen Common Bible

¹ ယွၤဧၢ, ယပာ်ထီၣ်ထီနၤ, မ့ၢ်လၢနမၤပူၤဖျဲးယၤ, ဒီးတပျဲယဒုၣ်ယဒါသးခုလၢ ယဖီခိၣ်အဃိန့ၣ်လီၤ.

စံးထီၣ်ပတြၢၤ 30:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:3

ဖဲစီၤဒၤဝံးက့ၤတုၤဝဲဆူအနူၢ်အစီၤလၢဝ့ၢ်ယရူၤၡလ့ၣ်အပူၤန့ၣ်, အဝဲကိးဃီၤအသံၣ်မါအဂၤတဆံလၢအပာ်တ့ၢ်ဝဲလၢကကွၢ်ထွဲအနူၢ်အစီၤန့ၣ်, ဒီးပာ်အီၤလၢတၢ်ပၢၤဃာ်အပူၤန့ၣ်လီၤ. အဝဲဟ့ၣ်လီၤတၢ်လၢအဝဲ သ့ၣ်လိၣ်ဘၣ်ဝဲတဖၣ်, ဘၣ်ဆၣ်ဒီးတမံဃုာ်ဘၣ်ဒီးအဝဲသ့ၣ်ဘၣ်. လၢအဝဲသ့ၣ်အတၢ်အိၣ်မူအိၣ်လီၤတဲာ်အပူၤန့ၣ်, အဝဲသ့ၣ်ဘၣ်တၢ်ပာ်အီၤဒ်အအိၣ်လၢတၢ်စၢဃာ်အပူၤအသိးဒီးအိၣ် ဆိးဝဲဒ်မုၣ်ကမဲတဖၣ်အသိးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:25

အန့ၣ်ဝံၤဒီးအဝဲမၤထီၣ်တၢ်လုၢ်ထီၣ်တခါလၢယွၤအဂီၢ် ဒီးလုၢ်ထီၣ်တၢ်လုၢ်မ့ၣ်အူတဖၣ်ဒီး တၢ်လုၢ်မၤဃူမၤဖိးတဖၣ်န့ၣ်လီၤ. ယွၤစံးဆၢအဝဲအတၢ်ထုကဖၣ်ဒီးတၢ်သံသတြိာ် လၢကီၢ်အံၣ်စရ့လးအပူၤန့ၣ်ဆိကတီၢ်ဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:11

ဝ့ၢ်ထါယၢၣ်အစီၤပၤစီၤဃံရၣ်ဆှၢလီၤတၢ်မၤကူၣ်မၤကၤအခၢၣ်စး တဖုဆူစီၤဒၤဝံးအအိၣ်လီၤ. အဝဲဆှၢလီၤန့ၢ်အီၤလၢသ့ၣ်ဆှိးအ့ရ့းအကျီၣ်တဖၣ်ဃုာ်ဒီး ပှၤစုသ့ဖိတဖၣ်လၢအမၤတၢ်လၢသ့ၣ်သ့ဒီးပှၤလၢအမၤတၢ်လၢလၢၢ်သ့တဖၣ် ဒ်သိးကဘှီထီၣ်စီၤပၤအနီတဖျၢၣ်အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:20

တၢ်န့ၣ်ဝံၤအလီၢ်ခံ, ဖဲစီၤဒၤဝံးက့ၤဆူအဟံၣ် ဒ်သိးကဆၢဂ့ၤဆၢဝါအဟံၣ်ဖိဃီဖိန့ၣ်နီၢ်မံၤကၤလးဟးထီၣ်လၢကသဂၢၢ်အီၤအဂီၢ်လီၤ. ပိာ်မုၣ်န့ၣ်စံးဝဲ, “တနံၤအံၤ, ကီၢ်အံၣ်စရ့လးအစီၤပၤမၤဒိၣ်ထီၣ်အမံၤတဖျၢၣ်လၢအဂီၢ်ဒၣ်ဝဲန့ၣ်လီၤ. အဝဲပာ်ဖျါထီၣ်တ့ၢ်အသးဒ်တၢ်ပျုၢ်တဂၤအသိး လၢအဝဲအပဒိၣ်ပပှၢ်တဖၣ်ဒီးအကုၢ်ပိာ်မုၣ်တဖၣ်အမဲာ်ညါန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 7:2

တုၤနုၤတစုစီၤပၤစံးဘၣ်ဝံနၤသၣ်, “ယအိၣ်ဆိးဖဲအံၤလၢ ဟံၣ်တဖျၢၣ်လၢအဘၣ်တၢ်ဘှီထီၣ်အီၤလၢသ့ၣ်ဆှိအ့ရ့းအပူၤလီၤ. မ့မ့ၢ်ကစၢ်ယွၤအတၢ်အၢၣ်လီၤအီလီၤအတလါစီဆှံန့ၣ်ဘၣ်တၢ်ပာ် အီၤလၢဒဲတဖျၢၣ်အပူၤလီၤ.”

လံာ်စီၤပၤအခီၣ်ထံးတဘ့ၣ် 8:63

အဝဲလုၢ်ထီၣ်ဂီၤဖံးအဒုခံကလးခံကထိ, ဒီးသိအဒုတကလီၢ်ခံ ကလးဒ်တၢ်လုၢ်မၤဃူမၤဖိးအသိးန့ၣ်လီၤ. လၢတၢ်န့ၣ်အဃိ, စီၤပၤဒီးကယဲၢ်ပှၤဂီၢ်မုၢ်ခဲလၢာ်ပာ်စီဆှံ ယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:6

မ့ၢ်လၢစီၤယိၤအာ်တဘၣ်သူၣ်ဘၣ်သးထွဲစီၤပၤအတၢ်ဟ့ၣ်လီၤအကလုၢ် ဘၣ်အဃိ, အဝဲတထၢဘၣ်ပှၤကညီအနီၣ်ဂံၢ်လၢပှၤလ့ၤဝံဒီးပှၤဘံၣ်ယၤမံၣ်ဖိ အဒူၣ်တဖၣ်အပူၤနီတဂၤဘၣ်န့ၣ်လီၤ.

စံးထီၣ်ပတြၢၤ 13:4

တဘၣ်ပျဲယဒုၣ်ယဒါသ့ၣ်တဖၣ်စံး, “ပမၤနၢၤတ့ၢ်လံအီၤလံ.” န့ၣ်တဂ့ၤ. တဘၣ်ပျဲအဝဲသ့ၣ်သးခုခူသူၣ်လၢ ယဃၣ်ကွံာ်အဃိန့ၣ်တဂ့ၤ.

စံးထီၣ်ပတြၢၤ 140:8

ယွၤဧၢ, ပှၤတတီတလိၤအတၢ်ဆၢန့ၢ်တဖၣ်န့ၣ် ဟ့ၣ်လီၤအီၤတဂ့ၤ. မ်အကူၣ်ထီၣ်တၢ်အၢန့ၣ်သုတကဲထီၣ်တၢ်တဂ့ၤ. စ့လၤ

စံးထီၣ်ပတြၢၤ 145:1

ယကစၢ်ယွၤဒီးယစီၤပၤဧၢ, ယကပာ်ထီၣ်ထီနၤဒီးစံးထီၣ်ပတြၢၤနမံၤ လီၤစိၤလီၤထီန့ၣ်လီၤ.

စံးထီၣ်ပတြၢၤ 25:2

ယကစၢ်ယွၤဧၢ, ယနာ်နၤလီၤ. မ်ယသုတဘၣ်တၢ်မၤမဲာ်ဆှးယၤတဂ့ၤ. မ်ယဒုၣ်ယဒါအသုတသးခုလၢယဖီခိၣ်တဂ့ၤ.

စံးထီၣ်ပတြၢၤ 27:6

ယကမၤနၢၤယဒုၣ်ယဒါတဖၣ်လၢ အအိၣ်ဝးတရံးယၤလီၤ. လၢတၢ်ကိးပသူထီၣ်လၢတၢ်သးခုအပူၤ ယကလုၢ်ထီၣ်ပာ်ထီၣ်တၢ်လၢ အတၢ်လုၢ်ဟံၣ်အပူၤန့ၣ်လီၤ. ယကသးဝံၣ်တၢ်, ယကစံးထီၣ်ပတြၢၤယွၤန့ၣ်လီၤ.

စံးထီၣ်ပတြၢၤ 28:9

ယွၤဧၢ, မၤပူၤဖျဲးနပှၤဂီၢ်မုၢ် ဒီးဆိၣ်ဂ့ၤပှၤလၢအမ့ၢ်နတၢ်န့ၣ်တက့ၢ်. ကဲထီၣ်အပှၤကွၢ်သိ ဒီးစိာ်ထီၣ်အဝဲသ့ၣ်လီၤစိၤလီၤထီတက့ၢ်.

စံးထီၣ်ပတြၢၤ 35:19

တဘၣ်ပျဲယဒုၣ်ယဒါလၢအလီတၢ်သ့ၣ်တဖၣ် သူၣ်ခုသးခုလၢ ယဘၣ်တၢ်မၤနၢၤယၤအဃိန့ၣ်တဂ့ၤ. တဘၣ်ပျဲပှၤလၢအသးဟ့ယၤကွၢ်တကျ့ယၤလၢ တၢ်ဂ့ၢ်တအိၣ်ဘၣ်နီတမံၤအပူၤန့ၣ်တဂ့ၤ.

စံးထီၣ်ပတြၢၤ 41:11

လၢယဒုၣ်ယဒါတဖၣ်တမၤနၢၤယၤလၢၤဘၣ်အဃိ, ယကသ့ၣ်ညါလၢနဘၣ်သူၣ်ဘၣ်သးလၢယၤလီၤ.

စံးထီၣ်ပတြၢၤ 66:17

ယကိးထီၣ်ဆူအအိၣ်လၢတၢ်မၤစၢၤအဂီၢ်, ယစံးထီၣ်ပတြၢၤအီၤလၢတၢ်သးဝံၣ်တဖၣ်လီၤ.

စံးထီၣ်ပတြၢၤ 79:10

ဘၣ်မနုၤလၢပှၤကလုာ်တဖၣ်ကစံးဝဲ, “အကစၢ်ယွၤအိၣ်ဖဲလဲၣ်” န့ၣ်လဲၣ်. တၢ်မၤကၣ်နခ့နပှၤအသွံၣ်လၢအလူလီၤအသးန့ၣ်, မ်အအိၣ်ဖျါလၢပှၤကလုာ်တဖၣ်အကျါလၢပမဲာ်ညါန့ၣ်တက့ၢ်.

စံးထီၣ်ပတြၢၤ 79:4

ပကဲထီၣ်တ့ၢ်လံလၢတၢ်ဒုၣ်ဒွဲၣ်အလီၢ်လၢ ပှၤလၢပဃၢၤအဂီၢ်, ဒီးပဘၣ်တၢ်မၤတရီတပါဒီးကတိၤဒုၣ်ဒွဲၣ်ပှၤ, လၢပှၤအိၣ်ဝးတရံးပှၤန့ၣ်လီၤ.

လံာ်သးသယုၢ်တၢ် 2:15

ပှၤဂီၢ်မုၢ်လဲၤတြုာ်ဘၣ်ဖဲဝ့ၢ်အဃၢၤတဖၣ်ကွၢ်ဃီၤနၤလၢတၢ်ဒုၣ် ဒွဲၣ်အပူၤလီၤ. အဝဲသ့ၣ်ကျၢၢ်ကျာ်အခိၣ်တဖၣ်ဒီးနံၤဘၣ်ဖၣ်လဲဝ့ၢ်ယရူၤၡလ့ၣ်အတၢ် ဟးဂီၤတဖၣ်ဒီးစံး “တၢ်အံၤမ့ၢ်ဝ့ၢ်အဃံအလၤန့ၣ်ဧါ. တၢ်အံၤမ့ၢ်ဟီၣ်ခိၣ်ချၢ အတၢ်ပာ်ကဖၢလၢသးန့ၣ်ဧါ.”

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်သိၣ်လီၤသီလီၤတၢ် 20:5

ဝံၤဒီးသုးခိၣ်သုးနၢ်တဖၣ်ကကတိၤလီၤတၢ်ဆူပှၤတဖၣ်ဒီးစံး, ဖဲအံၤ, မ့ၢ်ပှၤအိၣ်တဂၤဂၤလၢအဘှီထီၣ်ဟံၣ်တဖျၢၣ်ဝံၤဒၣ်သီသီ ဖိဒီးတပာ်စီဆှံဘၣ်ဒံးအီၤန့ၣ်ဧါ. မ့ၢ်အိၣ်ဒီး, အဝဲသ့ၣ်ကဘၣ်က့ၤဆူဟံၣ်လီၤ. မ့တမ့ၢ်ဘၣ်န့ၣ်, အဝဲမ့ၢ်ဘၣ်တၢ်မၤသံအီၤလၢတၢ်ဒုးအပူၤဒီးပှၤအဂၤတဂၤကပာ်စီ ဆှံကွံာ်အဟံၣ်န့ၣ်လီၤ.