စံးထီၣ်ပတြၢၤ 3:7 - Sgaw Karen Common Bible

⁷ ယွၤဧၢ, ဂဲၤဆၢထၢၣ်တက့ၢ်. ယကစၢ်ယွၤဧၢ, အုၣ်က့ၤခီၣ်က့ၤယၤတက့ၢ်. နကျီကွံာ်လံယဒုၣ်ယဒါအခၣ်ဃံခဲလၢာ်လံ. နမၤပိာ်လံပှၤတတီတလိၤဘၣ်တဖၣ်အမဲလံ.

စံးထီၣ်ပတြၢၤ 3:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:8

တၢ်ဒုးလိာ်ယၤလိာ်အသးရၤလီၤအသးလၢကီၢ်ဒီဘ့ၣ်ညါအပူၤဒီး ပှၤသံလၢသ့ၣ်ပှၢ်အပူၤအါန့ၢ်ဒံးပှၤဘၣ်တၢ်မၤသံအီၤလၢတၢ်ဒုးပျီအပူၤတက့ၢ်န့ၣ်လီၤ.

လံာ်စီၤယိၤဘး 16:10

ပှၤဂီၢ်မုၢ်ဒုၣ်ဒွဲၣ်ယၤ, အဝဲသ့ၣ်ကဝီၤဃာ်ယၤဒီးဒဲယဘိးပၤ န့ၣ်လီၤ.

လံာ်စီၤယိၤဘး 29:17

ယမၤဟးဂီၤကွံာ်ပှၤအၢပှၤသီတဖၣ်အစိကမီၤဒီးအုၣ်က့ၤခီၣ် က့ၤပှၤလၢအဝဲသ့ၣ်မၤအၢမၤနးဝဲဒၣ်တဖၣ်န့ၣ်လီၤ.

စံးထီၣ်ပတြၢၤ 10:12

ယွၤဧၢ, ဂဲၤဆၢထၢၣ်တက့ၢ်. ကစၢ်ယွၤဧၢ, ယူာ်ထီၣ်နစုတက့ၢ်. သးပ့ၤနီၣ်ပှၤလၢအဘၣ်တၢ်မၤနးမၤဖှီၣ်အီၤ န့ၣ်တဂ့ၤ.

စံးထီၣ်ပတြၢၤ 12:5

“ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်, “အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ် ဘၣ်တၢ်ဆီၣ်ဘံၣ်ဆီၣ်ဘၢအီၤ, ဒီးပှၤလၢအလိၣ်ဘၣ်တၢ်မၤစၢၤတဖၣ် ကအုကစွါထီၣ်ဝဲအဃိလီၤ. ယကဟ့ၣ်အဝဲသ့ၣ်တၢ်ပူၤဖျဲးလၢ အဆၢဒိးန့ၢ်ဘၣ်ဝဲန့ၣ်လီၤ.”

စံးထီၣ်ပတြၢၤ 27:3

သုးမုၢ်ဒီတဖုမ့ၢ်သူၣ်ဒဲဝးတရံးယၤဒၣ်လဲာ်, ယတပျံၤတၢ်ဘၣ်. ယဒုၣ်ယဒါတဖၣ်မ့ၢ်ထီဒါယၤဒၣ်လဲာ် ယနာ်ဒံးကစၢ်ယွၤန့ၣ်လီၤ.

စံးထီၣ်ပတြၢၤ 35:23

ထိၣ်ဂဲၤထီၣ်နသး, ဒီးဖုသံနီၣ်ထီၣ်လၢနကဒီဒၣ်ယၤ ဒီးကတိၤပူၤဖျဲးန့ၢ်တၢ်လၢယကွီၢ်အဂီၢ်တက့ၢ်. ယွၤယကစၢ်ယွၤဧၢ,

စံးထီၣ်ပတြၢၤ 44:23

ယွၤဧၢ, ဖုသံနီၣ်ထီၣ်တက့ၢ်, ဘၣ်မနုၤလၢနမံန့ၣ်လဲၣ်. ဂဲၤထၢၣ်တက့ၢ်. တဘၣ်စူးကွံာ်ပှၤထီဘိန့ၣ်တဂ့ၤ.

စံးထီၣ်ပတြၢၤ 58:6

ကစၢ်ယွၤဧၢ, မၤပိာ်အမဲလၢအကိာ်ပူၤန့ၣ်တက့ၢ်. ယွၤဧၢ, မၤကၢ်ကွံာ်အမဲလၢအလီၤဂာ်ဒီးခ့ ယုၢ်ဖိအမဲထွံၣ်န့ၣ်တက့ၢ်.

စံးထီၣ်ပတြၢၤ 59:5

ဂဲၤဆၢထၢၣ်, ယွၤ, သ့တၢ်လၢာ်အကစၢ်ယွၤဧၢ, ဟဲလၢတၢ်မၤစၢၤယၤအဂီၢ်တက့ၢ်. အံၣ်စရ့လးအကစၢ်ယွၤဧၢ, ဟဲကွၢ်လၢနကစၢ်ဒၣ်နဲတက့ၢ်. ဖုသံနီၣ်ထီၣ်ဒီးစံၣ်ညီၣ်ပှၤလၢ တဘူၣ်ထီၣ်ဘါထီၣ်နၤတဖၣ်, ဒုးနဲၣ်နတၢ်သးကညီၤဆူပှၤကူၣ်လီတၢ်တဖၣ် နီတစဲးတဂ့ၤ. စ့လၤ

စံးထီၣ်ပတြၢၤ 6:4

ယွၤဧၢ, ဟဲဒီးမၤပူၤမၤဖျဲးယၤတက့ၢ်. မၤပူၤမၤဖျဲးယၤလၢတၢ်သံ လၢနတၢ်အဲၣ်ဂၢၢ်ကျၢၤအဃိန့ၣ်တက့ၢ်.

စံးထီၣ်ပတြၢၤ 7:6

ယွၤဧၢ, ဂဲၤဆၢထၢၣ်လၢနတၢ်သးထီၣ်အပူၤတက့ၢ်. ဆၢထၢၣ်ထီဒါယဒုၣ်ယဒါသ့ၣ်တဖၣ် အတၢ်သးကဲၤထီၣ်, ဖုသံနီၣ်ဒီးမၤစၢၤလၢ်ယၤတက့ၢ်. တၢ်တီတၢ်လိၤန့ၣ်မ့ၢ်တၢ်လၢ နဃ့ဒီးမၤလိာ်အီၤန့ၣ်လီၤ.

စံးထီၣ်ပတြၢၤ 74:11

ဘၣ်မနုၤလၢနထုးက့ၤနစုန့ၣ်လဲၣ်. ဘၣ်မနုၤလၢနပၢၤဃာ်နစုထွဲလၢ လီၢ်ခံန့ၣ်လဲၣ်.

စံးထီၣ်ပတြၢၤ 76:9

ဖဲနဂဲၤဆၢထၢၣ်တဲဖျါထီၣ်တၢ်စံၣ်ညီၣ်လၢ နကအုၣ်က့ၤခီၣ်က့ၤပှၤဘၣ်တၢ်မၤအၢမၤနးလၢ ဟီၣ်ခိၣ်ချၢခဲလၢာ်အဂီၢ်န့ၣ်လီၤ. စ့လၤ

လံာ်ယၡါယၤ 51:9

ယွၤဧၢ, ဖုးသံနီၣ်ထီၣ်ဒီးမၤစၢၤပှၤတက့ၢ်. သူနတၢ်စိတၢ်ကမီၤဒီးအုၣ်က့ၤခီၣ်က့ၤပှၤတက့ၢ်, သူအီၤဒ်နသူတ့ၢ်အီၤလၢပျၢၤ လၢကစၢၤအသိးန့ၣ်တက့ၢ်. နမ့ၢ်တ့ၢ်ပှၤလၢအကျီကွံာ်ပီၣ်လဲၣ် အတၢ်မုၢ်ဃၢ်ဖးဒိၣ်ရၤဃးတကူာ်တကူာ်န့ၣ်လီၤ.

လံာ်သးသယုၢ်တၢ် 3:30

ပမ့ၢ်ဘၣ်တၢ်တီၢ်ဒီးတၢ်ကတိၤတရီတပါပှၤဘၣ်ဆၣ်ပကြၢးတူၢ်လိာ် အီၤခဲလၢာ်လီၤ.

လံာ်ဃဘးကူာ် 2:19

ပှၤလၢအစံးဘၣ်သ့ၣ်တကူာ်, “ဖုးသံနီၣ်ထီၣ်တက့ၢ်,” မ့တမ့ၢ်လၢၢ်တလိၣ်, “ဂဲၤထၢၣ်တက့ၢ်,” န့ၣ်, ကဘၣ်တၢ်စံၣ်ညီၣ်ဃါမနၤလီၤ. တၢ်ဂီၤတၢ်ဖီၣ်တခါလီၣ်ဖျါ န့ၢ်သုတၢ်တမံၤမံၤကသ့ဧါ. ကဘၣ်တၢ်ပီၤအီၤလၢစ့ဒီးထူ, ဘၣ်ဆၣ်တၢ်မူတအိၣ်ဘၣ်လၢအပူၤဘၣ်.