စံးထီၣ်ပတြၢၤ 3:4 - Sgaw Karen Common Bible

⁴ ယကိးထီၣ်ယွၤလၢတၢ်မၤစၢၤအဂီၢ်, ဒီးအဝဲဒၣ်စံးဆၢယၤလၢ အကစၢၢ်စီဆှံအလိၤန့ၣ်လီၤ. စ့လၤ

စံးထီၣ်ပတြၢၤ 3:4 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

စံးထီၣ်ပတြၢၤ 119:114

နမ့ၢ်ယတၢ်အိၣ်တဒၢအလီၢ်, ဒီးယကတီၤတဘ့ၣ်လီၤ. ယမုၢ်လၢ်တၢ်လၢနကလုၢ်ကထါအပူၤလီၤ.

စံးထီၣ်ပတြၢၤ 138:3

မုၢ်တနံၤလၢယကိးထီၣ်နၤန့ၣ်နစံးဆၢယၤ, ဒီးနဒုးဆူၣ်ထီၣ်ယဂံၢ်ယဘါလၢ ယသးကံၢ်ပူၤလီၤ.

စံးထီၣ်ပတြၢၤ 18:3

ယကိးထီၣ်ယွၤ ဒီးအဝဲဒၣ်မၤပူၤဖျဲးယၤလၢ ယဒုၣ်ယဒါတဖၣ်န့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 27:6

ယကမၤနၢၤယဒုၣ်ယဒါတဖၣ်လၢ အအိၣ်ဝးတရံးယၤလီၤ. လၢတၢ်ကိးပသူထီၣ်လၢတၢ်သးခုအပူၤ ယကလုၢ်ထီၣ်ပာ်ထီၣ်တၢ်လၢ အတၢ်လုၢ်ဟံၣ်အပူၤန့ၣ်လီၤ. ယကသးဝံၣ်တၢ်, ယကစံးထီၣ်ပတြၢၤယွၤန့ၣ်လီၤ.

စံးထီၣ်ပတြၢၤ 28:7

ယွၤမ့ၢ်ယဂံၢ်ယဘါ, ဒီးယကတီၤတဘ့ၣ်လီၤ. ယသးသန့ၤအသးလၢအီၤ, သတးဒီးယဘၣ်တၢ်မၤစၢၤယၤ, ဒီးယသူၣ်ခုယသးခု, ဒီးယစံးထီၣ်ပတြၢၤအီၤလၢယတၢ်သးဝံၣ်န့ၣ်လီၤ.

စံးထီၣ်ပတြၢၤ 34:4

ယဃုယွၤဒီးအဝဲဒၣ်စံးဆၢယၤ, ဒီးမၤပူၤဖျဲးယၤလၢကယဲၢ် ယတၢ်ဘၣ်ယိၣ်ခဲလၢာ်န့ၣ်လီၤ.

စံးထီၣ်ပတြၢၤ 34:6

ပှၤဖှီၣ်ယာ်တဂၤအံၤကိးထီၣ်ဝဲ, ဒီးယွၤနၢ်ဟူအီၤ, ဒီးမၤပူၤဖျဲးအီၤလၢ အတၢ်ကိၢ်တၢ်ဂီၤခဲလၢာ်န့ၣ်လီၤ.

စံးထီၣ်ပတြၢၤ 43:3

ဆှၢလီၤနတၢ်ကပီၤဒီးနတၢ်မ့ၢ်တၢ်တီတက့ၢ်. မ်အဆှၢက့ၤယၤဆူစံယိၣ်, နကစၢၢ်စီဆှံ ဒီးနတၢ်လုၢ်ဟံၣ်, နအိၣ်နဆိးအလီၢ်န့ၣ်တက့ၢ်.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 62:8

ပှၤဂီၢ်မုၢ်သ့ၣ်ဧၢ, သန့ၤသုသးလၢအီၤကိးအကတီၢ်ဒဲး ဒီးတဲအီၤလၢသုတၢ်ကိၢ်တၢ်ဂီၤခဲလၢာ်န့ၣ်တက့ၢ်. ကစၢ်ယွၤမ့ၢ်တၢ်ပူၤဖျဲးအလီၢ်လၢပဂီၢ်လီၤ. စ့လၤ

စံးထီၣ်ပတြၢၤ 84:12

ယွၤ, သ့တၢ်လၢာ်ကစၢ်ဧၢ, ပှၤလၢအသန့ၤအသးလၢနၤန့ၣ် ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 89:19

လၢပျၢၤ, နကတိၤတၢ်ဒီးနပှၤတီပှၤလိၤတဖၣ်လၢ တၢ်ထံၣ်လၢညါခီအပူၤ, ဒီးနစံး, “ယဟ့ၣ်လီၤလံပှၤသုးဖိ မံၤဟူသၣ်ဖျါတဂၤလၢ တၢ်မၤစၢၤ, ယဟ့ၣ်လီၤလံလီၢ်ပစိာ်ဆူပှၤတဂၤ လၢယဃုထၢအီၤလၢ ပှၤဂီၤမုၢ်အကျါလံ.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

စံးထီၣ်ပတြၢၤ 99:9

စံးထီၣ်ပတြၢၤယွၤ, ပကစၢ်ယွၤ, ဒီးဘူၣ်တၢ်ဘါတၢ်လၢအကစၢၢ်စီဆှံန့ၣ်တက့ၢ်. အဂ့ၢ်ဒ်အံၤယွၤပကစၢ်ယွၤန့ၣ်စီဝဲဆှံဝဲလီၤ.

တၢ်ကတိၤဒိ. 2:7

အဝဲကတဲာ်ကတီၤန့ၢ်တၢ်မၤစၢၤဒီးတၢ်ဒီသဒၢလၢပှၤ အတီအလိၤဒီးပှၤလၢအကလုၢ်တီအဂီၢ်လီၤ.

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်သးသယုၢ်တၢ် 3:56

ဒီးဖဲယဃ့ကညးနၤလၢနကဒိကနၣ်ယတၢ်ကိးပသူထီၣ်ဒီးနနၢ်ဟူတ့ၢ် လီၤ.

လံာ်မးသဲ 7:7

ဃ့တၢ်လၢယွၤတက့ၢ်ဒီးသုကဒိးန့ၢ်ဘၣ်လီၤ. ဃုတၢ်တက့ၢ်ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ် ဒီးယွၤကအိးထီၣ်န့ၢ်တၢ်လၢသုဂီၢ်လီၤ.

ယၤကိာ် 5:13

ပှၤလၢသုကျါတဂၤဂၤဘၣ်တၢ်ကီတၢ်ခဲဧါ. အဝဲကြၢးဃ့ဘါထုကဖၣ်တၢ်လီၤ. မ့ၢ်အသူၣ်ဖှံသးညီတဂၤဂၤဧါ. အဝဲကြၢးသးဝံၣ်စံးထီၣ်ပတြၢၤကစၢ်ယွၤလီၤ.