စံးထီၣ်ပတြၢၤ 3:3 - Sgaw Karen Common Bible

³ မ့မ့ၢ်နဲဒၣ်အံၤ, ယွၤဧၢ, နမ့ၢ်ကတီၤတဘ့ၣ်လၢ အအိၣ်ဝးတရံးယၤထီဘိလၢ တၢ်ဘၣ်ယိၣ်ဘၣ်ဘီအကတီၢ်, နဟ့ၣ်ယၤတၢ်မၤနၢၤ ဒီးတၢ်သူၣ်ဒူသးဒူန့ၣ်လီၤ.

စံးထီၣ်ပတြၢၤ 3:3 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 40:13

လၢသၢသီအတီၢ်ပူၤန့ၣ်, စီၤပၤကမၤထူၣ်ဖျဲးနၤ, ကပျၢ်နတၢ်ကမၣ်ဒီးပာ်က့ၤနၤလၢနလီၢ်န့ၣ်လီၤ. နကဟ့ၣ်အီၤအလီခီဒ်နမၤတ့ၢ်လၢညါအသိးဖဲနမ့ၢ်တ့ၢ်အပှၤကွၢ်ထွဲ စပံးထံန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:30

ဒီးပျဲအဝဲမၢန့ၢ်ဆီၣ်ခံသု, လၢသုကဒိးသန့ၤသုသးလၢယွၤ အလိၤန့ၣ်တဂ့ၤ. ဆိကမိၣ်လၢယွၤကအုၣ်က့ၤခီၣ်က့ၤသုဒီးအဝဲဆိကတီၢ်ပှၤအၤၡူၢ် အသုးမုၢ်လၢကဒုးမၤန့ၢ်ကွံာ်သုဝ့ၢ်အဂီၢ်န့ၣ်တဂ့ၤ.

လံာ်စီၤပၤခံဘ့ၣ်တဘ့ၣ် 18:32

တုၤတၢ်ဆၢကတီၢ်လၢစီၤပၤဖးဒိၣ်သူၣ်လီၤကဒါက့ၤန့ၢ်သုအိၣ် သုဆိးအလီၢ်လၢထံကီၢ်တဘ့ၣ်လၢအလီၤဂာ်ဒီးသုကီၢ်ဒၣ်သု ဝဲအပူၤ, တၢ်လီၢ်ဖဲစပံးလီၢ်တဖၣ်ဟ့ၣ်ထီၣ်စပံးထံ, ဒီးဖဲန့ၣ်ဘုဧိၤဟုဧိၤအိၣ်ဝဲလၢတၢ်ကမၤကိၣ်အဂီၢ်န့ၣ်လီၤ. မ့ၢ်ကီၢ်တဘ့ၣ်လၢအပှဲၤဒီး, သ့ၣ်စၤယံး, သ့ၣ်စၤယံးအသိဒီးကနဲ စီန့ၣ်လီၤ. သုမ့ၢ်မၤတၢ်ဒ်အဝဲမၤလိာ်ဝဲန့ၣ်, သုတသံဘၣ်ဒီးသုကမူလီၤ. ပျဲစီၤဃံးစကံယၤမၤပျုၢ်သုဒီးဒုးဆိကမိၣ်သုလၢယွၤကမၤ ပူၤဖျဲးသုန့ၣ်တဂ့ၤ.

လံာ်စီၤပၤခံဘ့ၣ်တဘ့ၣ် 25:27

ဖဲနံၣ်တနံၣ်လၢစီၤအ့ဝလးမရိဒးကဲထီၣ်ကီၢ်ဘၤဘူၤလိၣ်အစီၤ ပၤန့ၣ်, အဝဲပာ်ဖျါထီၣ်အတၢ်သးကညီၤဆူကီၢ်ယူဒၤအစီၤပၤယဟိၤယါခံၣ်, ခီဖျိတၢ်ပျၢ်ဖျဲးကွံာ်အီၤလၢတၢ်စၢဃာ်အပူၤန့ၣ်လီၤ. တၢ်အံၤမၤအသးဖဲစီၤယဟိၤယါခံၣ်ဘၣ်တၢ်စိာ်ကွံာ်အီၤဒ်ပှၤဘၣ် တၢ်စၢဃာ်အသိးပှဲၤထီၣ်သၢဆံနွံနံၣ်တနံၣ်ဝံၤအလီၢ်ခံ, လါတဆံခံလါတလါထီၣ်ခံဆံနွံသီအနံၤန့ၣ်လီၤ.

စံးထီၣ်ပတြၢၤ 110:7

စီၤပၤကအိတၢ်လၢထံကျိလၢကျဲကပၤ ဒီးအဂံၢ်အဘါကဆူၣ်ထီၣ်က့ၤဝဲ, ဒီးအဝဲကဂဲၤဆၢထၢၣ်လၢတၢ်မၤနၢၤန့ၣ်လီၤ.

စံးထီၣ်ပတြၢၤ 119:114

နမ့ၢ်ယတၢ်အိၣ်တဒၢအလီၢ်, ဒီးယကတီၤတဘ့ၣ်လီၤ. ယမုၢ်လၢ်တၢ်လၢနကလုၢ်ကထါအပူၤလီၤ.

စံးထီၣ်ပတြၢၤ 18:2

ယွၤမ့ၢ်ယလၢၢ်, ဒီးယတိာ်, ဒီးယတၢ်ပူၤဖျဲးအလီၢ်, ယကစၢ်, ယွၤမ့ၢ်ယလၢၢ်, မ့ၢ်ယတၢ်အိၣ်တဒၢအလီၢ်, ယကတီၤတဘ့ၣ်, ဒီးယတၢ်အုၣ်က့ၤခီၣ်က့ၤအနၢၤ, ယတိာ်ဧိၤတာ်ဧိၤန့ၣ်လီၤ.

စံးထီၣ်ပတြၢၤ 27:6

ယကမၤနၢၤယဒုၣ်ယဒါတဖၣ်လၢ အအိၣ်ဝးတရံးယၤလီၤ. လၢတၢ်ကိးပသူထီၣ်လၢတၢ်သးခုအပူၤ ယကလုၢ်ထီၣ်ပာ်ထီၣ်တၢ်လၢ အတၢ်လုၢ်ဟံၣ်အပူၤန့ၣ်လီၤ. ယကသးဝံၣ်တၢ်, ယကစံးထီၣ်ပတြၢၤယွၤန့ၣ်လီၤ.

စံးထီၣ်ပတြၢၤ 28:7

ယွၤမ့ၢ်ယဂံၢ်ယဘါ, ဒီးယကတီၤတဘ့ၣ်လီၤ. ယသးသန့ၤအသးလၢအီၤ, သတးဒီးယဘၣ်တၢ်မၤစၢၤယၤ, ဒီးယသူၣ်ခုယသးခု, ဒီးယစံးထီၣ်ပတြၢၤအီၤလၢယတၢ်သးဝံၣ်န့ၣ်လီၤ.

စံးထီၣ်ပတြၢၤ 4:3

သ့ၣ်ညါလၢယွၤပာ်လီၤဆီပှၤအဲၣ်ယွၤပျံၤယွၤ လၢအဂီၢ်ဒၣ်ဝဲန့ၣ်တက့ၢ်. တုၤယကိးထီၣ်အီၤဒီးအဝဲဒၣ်နၢ်ဟူယၤလီၤ.

စံးထီၣ်ပတြၢၤ 62:7

တၢ်အုၣ်က့ၤခီၣ်က့ၤယၤ, ဒီးယလၤကပီၤန့ၣ် အိၣ်ဝဲဒီးကစၢ်ယွၤန့ၣ်လီၤ. ယဂံၢ်ယဘါအလၢၢ်, ယတၢ်ပူၤဖျဲးအလီၢ်န့ၣ်မ့ၢ်ကစၢ်ယွၤလီၤ.

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

လံာ်ယၡါယၤ 45:25

ယၤ, ယွၤအံၤ, ကမၤပူၤဖျဲးစီၤယၤကိာ်အစၢၤအသွဲၣ်ခဲလၢာ် ဒီးအဝဲသ့ၣ်ကဟ့ၣ်ယၤတၢ်စံးထီၣ်ပတြၢၤန့ၣ်လီၤ.”

လံာ်ယၡါယၤ 60:19

မုၢ်တမ့ၢ်လၢၤနတၢ်ကပီၤလၢမုၢ်ဆါမ့ၢ်ဂ့ၤ, လါတမ့ၢ်လၢၤနတၢ်ကပီၤလၢမုၢ်နၤခီမ့ၢ်ဂ့ၤလၢၤဘၣ်. ယၤ, ယွၤအံၤ, ကမ့ၢ်နတၢ်ကပီၤအထူအယိာ်, ဒီးယလၤကပီၤအတၢ်ကပီၤန့ၣ် ကကပီၤထီၣ်လၢနဖီခိၣ်လီၤ.

လံာ်လူၤကၣ် 2:32

တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

လံာ်သိၣ်လီၤသီလီၤတၢ် 33:29

အံၣ်စရ့လးဧၢ, နဘၣ်ဆိၣ်ဂ့ၤနဲဆံးဒိၣ်လဲၣ်. ပှၤဒ်သိးသု, ပှၤတကလုာ်လၢအဘၣ်တၢ်အုၣ်က့ၤခီၣ်က့ၤအီၤလၢယွၤ န့ၣ်, တအိၣ်ဝဲဒၣ်ဘၣ်. ယွၤအနီၢ်ကစၢ်ဒၣ်ဝဲမ့ၢ်သုကတီၤဒီးသုနးလၢအကဒီသဒၢသုဒီး ဟ့ၣ်သုတၢ်မၤနၢၤန့ၣ်လီၤ. သုဒုၣ်သုဒါတဖၣ်ကဟဲဃ့ကညးသုလၢတၢ်မၤစၢၤအဂီၢ် ဒီးသုကယီၢ်တံၢ်လီၤကွံာ်အဝဲသ့ၣ်န့ၣ်လီၤ.

လံာ်လီၣ်ဖျါ 21:11

ဒီးကပြုၢ်ကပြီၤထီၣ်ဝဲလၢကစၢ်ယွၤအလၤကပီၤန့ၣ် လီၤ. ဝ့ၢ်တဖျၢၣ်န့ၣ်ကပီၤဝဲဒ်လၢၢ်လုၢ်ဒိၣ်ပှ့ၤဒိၣ်, ဒ်လၢၢ်နကၤသွဲးဒီးအိၣ်ဖျါဆှံဝဲဒ်လၢၢ်ဖျါကလၤအသိး န့ၣ်လီၤ.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.