စံးထီၣ်ပတြၢၤ 29:2 - Sgaw Karen Common Bible

² ဟ့ၣ်ယွၤလၢတၢ်လၤတၢ်ကပီၤကြၢးဒီးအမံၤ, ဘါထီၣ်ယွၤလၢတၢ်စီဆှံအဃံအလၤန့ၣ်တက့ၢ်.

စံးထီၣ်ပတြၢၤ 29:2 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:21

တုၤအကူၣ်လိာ်ဖးလိာ်သကိးအသးဒီးပှၤဂီၢ်မုၢ်ဝံၤအလီၢ်ခံန့ၣ်, စီၤပၤဟ့ၣ်လီၤအကလုၢ်လၢပှၤသးဝံၣ်တၢ်ဖိတနီၤကကူထီၣ်သိးထီၣ် အဆ့ကၤဒိၣ်တဖၣ်လၢအဝဲသ့ၣ်ကူသိးဝဲဖဲဘူၣ်စီဆှံအကတီၢ်တဖၣ်န့ၣ်, ဒီးကလဲၤတၢ်လၢသုးမုၢ်အမဲာ်ညါဒီးသးဝံၣ်ထီၣ်တၢ်, “စံးထီၣ်ပတြၢၤယွၤတက့ၢ်. အဝဲအတၢ်အဲၣ်မ့ၢ်တၢ်လီၤထူလီၤ ယိာ်န့ၣ်လီၤ.”

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

စံးထီၣ်ပတြၢၤ 27:4

ယဃ့တ့ၢ်ယွၤလၢတၢ်တမံၤအဂီၢ်, ယဆၢန့ၢ်ဘၣ်ထဲတၢ်တမံၤဧိၤ, ဒ်သိးယကအိၣ်ကဆိးဘၣ်လၢယွၤအဟံၣ်ပူၤတစိၤဒၣ်ယၤ, လၢယကထံၣ်ဘၣ်ယွၤအတၢ်ဂ့ၤတၢ်ဝါ ဒီးဃ့န့ၢ်ယွၤအတၢ်ပၢတၢ်ဆှၢန့ၣ်လီၤ.

စံးထီၣ်ပတြၢၤ 90:17

ယွၤ, ပကစၢ်ဧၢ, မ်နတၢ်ဆိၣ်ဂ့ၤဆိၣ်ဝါတဖၣ်အိၣ်ဒီးပှၤတက့ၢ်. ဟ့ၣ်လီၤလၢ်ပှၤတၢ်မၤနၢၤလၢ ပစုအတၢ်မၤခဲလၢာ်အပူၤန့ၣ်တက့ၢ်. မ့ၢ်မးပစုအတၢ်မၤန့ၣ်, ဒုးအိၣ်ဂၢၢ်ဆိးကျၢၤအီၤတက့ၢ်.

စံးထီၣ်ပတြၢၤ 96:6

တၢ်လၤကပီၤဒီးတၢ်ကဟုကညီၢ်အိၣ်ဝးတရံးအီၤ, တၢ်စိကမီၤဒီးတၢ်ဃံတၢ်လၤ မၤပှဲၤအတၢ်လုၢ်ဟံၣ်န့ၣ်လီၤ.

စံးထီၣ်ပတြၢၤ 97:9

တၢ်စိဒိၣ်ကမီၤထီယွၤဧၢ, နမ့ၢ်ပှၤပၢဟီၣ်ခိၣ်ဒီဘ့ၣ်ညါ ဒီးနဒိၣ်န့ၢ်ဒံးကယဲၢ်ကစၢ်ခဲလၢာ်န့ၣ်လီၤ.

လံာ်ယံးရမံယၤ 13:16

တချုးဒံးဘၣ်လၢအဝဲဟဲစိာ်တၢ်ခံးတၢ်နၤဒီးသုခီၣ်ဘၣ်တိၢ်ဘၣ်ထံး လၢကစၢၢ်တဖၣ်အဖီခိၣ်, တချုးဒံးဘၣ်လၢအဝဲဒုးကဲထီၣ်အီၤတၢ်ကပီၤလၢ သုမုၢ်လၢ်န့ၣ်အီၤဆူတၢ်ခံးယိာ်ဒံးဘၣ်ဒီး, မၤလၤကပီၤယွၤ, သုကစၢ်ယွၤတက့ၢ်.