စံးထီၣ်ပတြၢၤ 28:9 - Sgaw Karen Common Bible

⁹ ယွၤဧၢ, မၤပူၤဖျဲးနပှၤဂီၢ်မုၢ် ဒီးဆိၣ်ဂ့ၤပှၤလၢအမ့ၢ်နတၢ်န့ၣ်တက့ၢ်. ကဲထီၣ်အပှၤကွၢ်သိ ဒီးစိာ်ထီၣ်အဝဲသ့ၣ်လီၤစိၤလီၤထီတက့ၢ်.

စံးထီၣ်ပတြၢၤ 28:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:3

လၢတၢ်န့ၣ်အဃိစီၤဒၤဝံးကိးဖှိၣ်ကံးဘိၣ်အပှၤဂီၢ်မုၢ်ဒီး စံးဘၣ်အဝဲသ့ၣ်ဒ်အံၤ, “ယမၤတၢ်လၢသုဂီၢ်သ့မနုၤတမံၤလဲၣ်. ယသးအိၣ်မၤလိၤမၤဘၣ်က့ၤတၢ်ကမူၤကမၣ်လၢတၢ်မၤဘၣ်တ့ၢ်သု, ဒ်သိးသုကဆိၣ်ဂ့ၤယွၤအပှၤဂီၢ်မုၢ်အဂီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 7:7

လၢကယဲၢ်ယတၢ်လဲၤဃုာ်တၢ်ဒီးကီၢ်အံၣ်စရ့လးအပှၤဂီၢ်မုၢ်အပူၤန့ၣ်, ယတသံကွၢ်ဘၣ်ပှၤခိၣ်ပှၤနၢ်တဂၤဂၤလၢယဃုထၢပာ်လီၤအီၤနီတစုလၢ, ဘၣ်မနုၤအဝဲသ့ၣ်တသူၣ်ထီၣ်န့ၢ်ယၤတၢ်လုၢ်ဟံၣ်တဖျၢၣ် လၢအဘၣ်တၢ်ဘှီထီၣ်အီၤလၢသ့ၣ်ဆှိအ့ရ့းလဲၣ်, န့ၣ်ဘၣ်.

လံာ်စီၤပၤအခီၣ်ထံးတဘ့ၣ် 8:51

အဝဲသ့ၣ်မ့ၢ်နပှၤဂီၢ်မုၢ်ဒၣ်နဲလၢနဟဲစိာ်ထီၣ်ကွံာ်အီၤလၢကီၢ် အဲၤကူပတူးလၢအလီၤဂာ်ဒ်မ့ၣ်အူဖၣ်ကွာ်အသိး, အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:53

နဃုထၢအဝဲသ့ၣ်လၢကယဲၢ်ပှၤဂီၢ်မုၢ်အကျါဒ်သိးအဝဲသ့ၣ်ကကဲထီၣ် နပှၤဂီၢ်မုၢ်ဒၣ်နဲ, ဒ်နတဲတ့ၢ်အဝဲသ့ၣ်ခီဖျိနခ့နပှၤစီၤမိၤၡ့, ဖဲနထုးထီၣ်ကွံာ်ပမိၢ်ပၢ်ဖံဖုလၢပျၢၤတဖၣ်လၢကီၢ်အဲၤကူ ပတူးအပူၤအခါန့ၣ်လီၤ.”

လံာ်စီၤဧ့စြၤ 1:4

အပှၤဂီၢ်မုၢ်လၢတၢ်စိာ်မၢကဲကုၢ်အကျါမ့ၢ်လိၣ်ဘၣ်တၢ်မၤစၢၤလၢ ကက့ၤကဒါက့ၤန့ၣ်, အဝဲသ့ၣ်အပှၤအိၣ်ခိၣ်အိၣ်ဃၢၤတဖၣ်ကဘၣ်မၤစၢၤအဝဲသ့ၣ်န့ၣ်လီၤ. ပှၤအိၣ်ခိၣ်အိၣ်ဃၢၤကဘၣ်ဟ့ၣ်အဝဲသ့ၣ်လၢစ့ဒီးထူ, တၢ်လၢအလိၣ်ဝဲတဖၣ်ဒီးဆၣ်ဖိကီၢ်ဖိအဒၢလၢအဂီၤကၢ်အသးတဖၣ် ဃုာ်ဒီးတၢ်ဟ့ၣ်မၤဘူၣ်လၢကဟ့ၣ်ဝဲဆူကစၢ်ယွၤအတၢ်လုၢ်ဟံၣ်လၢ ဝ့ၢ်ယရူၤၡလ့ၣ်အပူၤန့ၣ်လီၤ.”

စံးထီၣ်ပတြၢၤ 14:7

မ်အံၣ်စရ့လးအတၢ်ပူၤဖျဲး ဟဲထီၣ်လၢစံယိၣ်န့ၣ်တက့ၢ်. ဖဲယွၤဒုးဘီၣ်ထီၣ်ညီထီၣ်က့ၤအပှၤဂီၢ်မုၢ်ဒီး ယၤကိာ်ကသူၣ်ဖှံသးညီ ဒီးအံၣ်စရ့လးကသးခုဝဲဆံးဒိၣ်လဲၣ်.

စံးထီၣ်ပတြၢၤ 25:22

ကစၢ်ယွၤဧၢ, မၤပူၤဖျဲးနပှၤဂီၢ်မုၢ်အံၣ်စရ့လး လၢအတၢ်ကိၢ်တၢ်ဂီၤခဲလၢာ်အပူၤန့ၣ်တက့ၢ်.

စံးထီၣ်ပတြၢၤ 78:71

ဖဲအကွၢ်ထွဲအသိအဖုအဂီၢ်တဖၣ် ဒီးဒုးကဲထီၣ်အီၤလၢ အံၣ်စရ့လးအစီၤပၤ, ကစၢ်ယွၤအပှၤဂီၢ်မုၢ်အပှၤကွၢ်သိန့ၣ်လီၤ.

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်ယၡါယၤ 46:3

ဒိကနၣ်ယၤတက့ၢ်, စီၤယၤကိာ်အစၢၤအသွဲၣ်, ပှၤအိၣ်လီၤတဲာ်ခဲလၢာ်လၢယပှၤဂီၢ်မုၢ်အကျါသ့ၣ်ဧၢ, ယသူၣ်အိၣ်သးအိၣ်တ့ၢ်သုစးထီၣ်လၢသုအိၣ်ဖျဲၣ်ထီၣ်အဆၢ ကတီၢ်လီၤ.

လံာ်ယၡါယၤ 63:9

လၢအတၢ်နးတၢ်ဖှီၣ်ခဲလၢာ်အပူၤလီၤ. တၢ်န့ၣ်တမ့ၢ်ဘၣ်မူခိၣ် ကလူးတဂၤလၢအအုၣ်က့ၤခီၣ်က့ၤတ့ၢ်အဝဲသ့ၣ်ဘၣ်. မ့မ့ၢ်, မ့ၢ်ယွၤအကစၢ်ဒၣ်ဝဲလီၤ. လၢအတၢ်အဲၣ်ဒီးအတၢ် သးကညီၤအပူၤ, အဝဲဒၣ်မၤပူၤမၤဖျဲးအဝဲသ့ၣ်လီၤ. ထီဘိန့ၣ်, အဝဲကဟုကယာ်တ့ၢ်အဝဲသ့ၣ်လၢဆၢကတီၢ်အပူၤကွံာ်,

လံာ်ယံးရမံယၤ 10:16

စီၤယၤကိာ်အကစၢ်ယွၤတလီၤဂာ်ဒီးအဝဲသ့ၣ်ဘၣ်. အဝဲမ့ၢ်ပှၤတဂၤလၢအတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်ပှၤအံၣ်စရ့လးဖိလၢကမ့ၢ်အဝဲအတၢ်န့ၢ်သါအပှၤဂီၢ် မုၢ်ဒၣ်ဝဲန့ၣ်လီၤ. သ့တၢ်လၢာ်ကစၢ်ယွၤ, မ့ၢ်အမံၤန့ၣ်လီၤ.

လံာ်ယံးရမံယၤ 31:7

ယွၤစံးဝဲဒၣ်, “သးဝံၣ်တၢ်လၢ တၢ်သးခုလၢ ကီၢ်အံၣ်စရ့လး, ပှၤအဒိၣ်ကတၢၢ် လၢပှၤကလုာ်တဖၣ် အဂီၢ်န့ၣ်တက့ၢ်. သးဝံၣ်သုတၢ်သးဝံၣ် စံးထီၣ်ပတြၢၤဒီးစံး, ‘ယွၤအုၣ်က့ၤခီၣ်က့ၤ အပှၤဂီၢ်မုၢ်လံ, အဝဲမၤပူၤဖျဲးလံ ပှၤလၢအအိၣ်လီၤတဲာ်ခဲလၢာ်လံ.’

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်မံကၤ 5:4

တုၤအဝဲဟဲန့ၣ်, ကပၢအပှၤဂီၢ်မုၢ်အိၣ်ဒီးတၢ်ဂံၢ်တၢ်ဘါဟဲလၢ ယွၤအိၣ်ဒီးကစၢ်ယွၤအကစၢ်ဒၣ်ဝဲအကဟုကညီၢ်န့ၣ်လီၤ. အပှၤဂီၢ်မုၢ်ကအိၣ်ဝဲဆိးဝဲလၢတၢ်ပူၤဖျဲးအပူၤလီၤ. အဂ့ၢ်ဒ်အံၤ, ကယဲၢ်ပှၤဂီၢ်မုၢ်လၢဟီၣ်ခိၣ်ချၢကအၢၣ်လီၤအီၤလီၤအတၢ်ဒိၣ်တၢ်မုၢ်,

လံာ်မံကၤ 7:14

ယွၤဧၢ, မ့ၢ်နဲပှၤကွၢ်သိတဂၤလၢနပှၤဂီၢ်မုၢ်, ပှၤဂီၢ်မုၢ်လၢနဃုထၢအီၤအဂီၢ်တက့ၢ်. မ့ၢ်အိၣ်ဒၣ်ဝဲလၢပှၢ်မုၢ်ကနၢသနာ်က့ဟီၣ်ခိၣ်ညၣ်ထ့ၣ်ဂ့ၤ အကီၢ်တဖၣ်အိၣ်ဝးတရံးအီၤလီၤ. မ်အလဲၤဒီးအီၣ်တၢ်လၢကီၢ်ဘၤၡၣ်ဒီးကီၢ်ကံးလဧးအအီၣ်ဆၣ်လီၢ် လါဟ့တဖၣ်အပူၤဒ်အဝဲသ့ၣ်မၤတ့ၢ်လၢပျၢၤအသိးန့ၣ်တက့ၢ်.

လံာ်မးသဲ 2:6

‘ယွၤစံးဝဲ, ဘ့ၤသလ့ဃ့ၣ်လၢအဘၣ်ဃးဒီး ကီၢ်ယူဒၤဧၢ, နတမ့ၢ်တီနံဝ့ၢ်အဆံးကတၢၢ်လၢ ကီၢ်ယူဒၤအပူၤဘၣ်. အဂ့ၢ်ဒ်အံၤခိၣ်နၢ်တဂၤ လၢကပၢကဆှၢယပှၤဂီၢ်မုၢ်အံၣ်စရ့လးန့ၣ် ကဟဲထီၣ်လၢနပူၤလီၤ’ ” (မံ. ၅:၂).

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

လံာ်သိၣ်လီၤသီလီၤတၢ် 1:31

ဒီးလၢပှၢ်မုၢ်ကနၢအပူၤအသိးန့ၣ်လီၤ. သုထံၣ်ဘၣ်တ့ၢ်လၢအဝဲ ဟဲစိာ်သုလၢကျဲဒီဘိညါတုၤဆူတၢ်လီၢ်အံၤပူၤပူၤဖျဲး ဖျဲးဒ်လဲၣ်, ဒ်ပၢ်တဂၤစိာ်အဖိအသိးန့ၣ်လီၤ.

လံာ်သိၣ်လီၤသီလီၤတၢ် 32:9

မ့မ့ၢ်စီၤယၤကိာ်အစၢၤအသွဲၣ်တဖၣ်န့ၣ်, အဝဲဃုထၢတ့ၢ်အီၤလၢ အဂီၢ်ဒၣ်ဝဲလီၤ.

လံာ်သိၣ်လီၤသီလီၤတၢ် 9:26

ဒီးယဘါထုကဖၣ်တၢ်ဒီးစံး, ယွၤပၢဘၣ်တၢ်ခဲလၢာ်ကစၢ်ဧၢ, မၤဟးဂီၤကွံာ်နပှၤဂီၢ်မုၢ်ဒၣ်နဲတဂ့ၤ. ပှၤဂီၢ်မုၢ်အံၤနမၤပူၤဖျဲးတ့ၢ်အီၤဒီးထုးထီၣ်ကွံာ်အီၤလၢ ကီၢ်အဲၤကူပတူးအပူၤလၢနဂံၢ်နဘါဖးဒိၣ်ဒီးတၢ်စိတၢ်ကမီၤအပူၤန့ၣ် လီၤ.

လံာ်သိၣ်လီၤသီလီၤတၢ် 9:29

နီၢ်နီၢ်, ဒ်လဲၣ်ဂ့ၤဒ်လဲၣ်ဂ့ၤန့ၣ်, ပှၤတဖၣ်အံၤမ့ၢ်ပှၤဂီၢ်မုၢ် လၢနဃုထၢအီၤလၢကမ့ၢ်နတၢ်ဒၣ်နဲဒီးမ့ၢ်ပှၤတဖၣ်လၢနထုးထီၣ် ကွံာ်အီၤလၢကီၢ်အဲၤကူပတူးအပူၤခီဖျိနစိနကမီၤဖးဒိၣ်ဒီး နတၢ်ဒိၣ်တၢ်မုၢ်အဃိန့ၣ်လီၤ.