စံးထီၣ်ပတြၢၤ 28:1 - Sgaw Karen Common Bible

¹ ယွၤယလၢၢ်ဧၢ, ယကိးထီၣ်နၤလီၤ. ဒိကနၣ်ယတၢ်ကိးထီၣ်န့ၣ်တက့ၢ်. နမ့ၢ်တစံးဆၢယၤဘၣ်ဒီး, ယကလီၤဂာ်ဒီးပှၤလၢအလဲၤလီၤဆူ တၢ်သံကီၢ်ပူၤန့ၣ်လီၤ.

စံးထီၣ်ပတြၢၤ 28:1 Iomraidhean Croise

လံာ်စီၤယိၤဘး 33:28

အဝဲတပျဲယလဲၤဆူ တၢ်သံအကီၢ်ပူၤဘၣ်. ဒီးယအိၣ်မူဒံးယဲလီၤ.”

စံးထီၣ်ပတြၢၤ 142:1

ယကိးထီၣ်ယွၤလၢတၢ်မၤစၢၤအဂီၢ်, ယဃ့ကညးတၢ်ဒီးအီၤန့ၣ်လီၤ.

စံးထီၣ်ပတြၢၤ 142:2

ယလူလီၤယတၢ်ကအုကစွါလၢအမဲာ်ညါ, ယတဲအီၤလၢယတၢ်ကီတၢ်ခဲ ခဲလၢာ်လီၤ.

စံးထီၣ်ပတြၢၤ 143:7

ယွၤဧၢ, မၤချ့ချ့လၢနကမၤစၢၤယၤန့ၣ်တက့ၢ်. ယတၢ်မုၢ်လၢ်လၢာ်ကွံာ်လံ. ဒ်သိးယသုတကဲထီၣ်ဒ်ပှၤလၢအလဲၤလီၤဆူ တၢ်သံအကီၢ်ပူၤတဂ့ၤဒီး, ပာ်တဒၢနမဲာ်ဒီးယၤတဂ့ၤ.

စံးထီၣ်ပတြၢၤ 18:2

ယွၤမ့ၢ်ယလၢၢ်, ဒီးယတိာ်, ဒီးယတၢ်ပူၤဖျဲးအလီၢ်, ယကစၢ်, ယွၤမ့ၢ်ယလၢၢ်, မ့ၢ်ယတၢ်အိၣ်တဒၢအလီၢ်, ယကတီၤတဘ့ၣ်, ဒီးယတၢ်အုၣ်က့ၤခီၣ်က့ၤအနၢၤ, ယတိာ်ဧိၤတာ်ဧိၤန့ၣ်လီၤ.

စံးထီၣ်ပတြၢၤ 22:2

ယကစၢ်ယွၤဧၢ, ယကိးထီၣ်နၤလၢမုၢ်ဆါ, ဘၣ်ဆၣ်နတစံးဆၢယၤဘၣ်. ဒီးယကိးထီၣ်လၢမုၢ်နၤ, ဘၣ်ဆၣ်ယတဒိးန့ၢ်ဘၣ်တၢ်မၤမုာ်ယၤဘၣ်.

စံးထီၣ်ပတြၢၤ 3:4

ယကိးထီၣ်ယွၤလၢတၢ်မၤစၢၤအဂီၢ်, ဒီးအဝဲဒၣ်စံးဆၢယၤလၢ အကစၢၢ်စီဆှံအလိၤန့ၣ်လီၤ. စ့လၤ

စံးထီၣ်ပတြၢၤ 30:4

သးဝံၣ်စံးထီၣ်ပတြၢၤယွၤ, ကယဲၢ်အပှၤဂီၢ်မုၢ်လၢ အသူၣ်တီသးလိၤသ့ၣ်ဧၢ သ့ၣ်နီၣ်ထီၣ်တၢ်လၢ ကစၢ် ယွၤမၤဝဲ, ဒီးစံးဘျုးအီၤတက့ၢ်. ယွၤအပှၤစီဆှံသ့ၣ်ဧၢ, သးဝံၣ်စံးထီၣ်ပတြၢၤယွၤ, ကယဲၢ်အပှၤဂီၢ်မုၢ်လၢ အသူၣ်တီသးလိၤဧၢ သ့ၣ်နီၣ်ထီၣ်အမံၤစီဆှံ ဒီးစံးထီၣ်ပတြၢၤအီၤတက့ၢ်.

စံးထီၣ်ပတြၢၤ 30:9

“ယမ့ၢ်လဲၤလီၤဆူတၢ်သံအကီၢ်ပူၤဒီး လၢယတၢ်သံအဃိန့ၣ် နကဒိးန့ၢ်ဘၣ် တၢ်ဘျုးမနုၤတမံၤလဲၣ်. ဟီၣ်ခိၣ်အကမူၣ် ကစံးထီၣ်ပတြၢၤနၤစ့ၢ်ကီးဧါ. ကတဲဖျါထီၣ်နတၢ်သးတီစ့ၢ်ကီးဧါ.

စံးထီၣ်ပတြၢၤ 35:22

နထံၣ်ဘၣ်တ့ၢ်လံယွၤဧၢ, အိၣ်ဘှီၣ်ကလာ်တဂ့ၤ. ယွၤဧၢ, အိၣ်ယံၤဒီးယၤတဂ့ၤ.

စံးထီၣ်ပတြၢၤ 39:12

ကနၣ်ယတၢ်ထုကဖၣ်တက့ၢ်. ယွၤဧၢ, ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဖဲလၢယအိၣ်ဒီးတၢ်မဲာ်ထံမဲာ်နိန့ၣ်, အိၣ်ဘှီၣ်နဲတဂ့ၤ. အဂ့ၢ်ဒ်အံၤ, ယမ့ၢ်ဒၣ်နပှၤသမှံၤလၢ အအိၣ်တစိၢ်တလီၢ်ဖိ, ဒ်ယမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

စံးထီၣ်ပတြၢၤ 42:9

ယစံးဘၣ်ကစၢ်ယွၤ, ယလၢၢ်, “ဘၣ်မနုၤလၢနသးပ့ၤနီၣ်ကွံာ်ယၤလဲၣ်. ဘၣ်မနုၤလၢယဘၣ်ဟီၣ်ဘၣ်ယၢၤလၢ ဒုၣ်ဒါအတၢ်ဆီၣ်ဘံၣ်ဆီၣ်ဘၢယၤအဃိန့ၣ်လဲၣ်.”

စံးထီၣ်ပတြၢၤ 5:2

ကနၣ်ယတၢ်ကိးထီၣ်လၢတၢ်မၤစၢၤအဂီၢ်, ယကစၢ်ယွၤဒီးယစီၤပၤဧၢ, အဂ့ၢ်ဒ်အံၤ, ယဃ့ဘါထုကဖၣ်တၢ်လၢနၤလီၤ.

စံးထီၣ်ပတြၢၤ 69:15

မ်ထံသုတလုၣ်ဘၢယၤတဂ့ၤ. မ်ထံယိာ်အသုတယူၢ်လီၤကွံာ်ယၤတဂ့ၤ. မ်တၢ်ပူၤအသုတကျၢၢ်ဘၢအကိာ်ပူၤလၢယၤတဂ့ၤ.

စံးထီၣ်ပတြၢၤ 77:1

ယကိးပသူထီၣ်တၢ်ဆူကစၢ်ယွၤအအိၣ်, ယကိးပသူထီၣ်ဒီးအဝဲဒၣ်ဒိကနၣ်ယၤလီၤ.

စံးထီၣ်ပတြၢၤ 83:1

ကစၢ်ယွၤဧၢ, အိၣ်ဘှ့ၣ်အိၣ်ဘှီၣ်တဂ့ၤ. အိၣ်ဂၢၢ်တပၢၢ်တဂ့ၤ အိၣ်ဃိကလာ်တဂ့ၤ

တၢ်ကတိၤဒိ. 1:12

အဝဲသ့ၣ်ကမူဒီးအိၣ်ဆူၣ်အိၣ်ချ့ဝဲဖဲပထံၣ်အီၤအခါ, ဘၣ်ဆၣ်ကသံဝဲဖဲပမၤဒၢၣ်ကွံာ်အဝဲသ့ၣ်ဝံၤဝဲန့ၣ်လီၤ.

လံာ်ယၡါယၤ 26:4

နာ်ယွၤတဘိယူၢ်ဃီတက့ၢ်. ဒီးအဝဲကဒီဒၣ်အိၣ်ပှိၤပှၤထီဘိလီၤ.

လံာ်ယၡါယၤ 38:18

ပှၤလၢတၢ်သံအကီၢ်ပူၤလၢအစံးထီၣ်ပတြၢၤနၤသ့တအိၣ်နီ တဂၤဘၣ်. ပှၤလၢအလဲၤလီၤဆူပျူၤပူၤတဖၣ်နာ်နတၢ်သူၣ်တီသးရၤတသ့ဘၣ်.

လံာ်လီၣ်ဖျါ 20:3

ကလူးတ့ၢ်လီၤအီၤဆူတၢ်ပူၤယိာ်အပူၤ, ကးတံာ်အခံလၢ နီၣ်ဝံာ်ဒီးစဲပနီၣ်ဃာ်ဝဲ, ဒ်သိးတချုးအနံၣ်တကထိပှဲၤထီၣ် ဒံးဘၣ်န့ၣ်, အသုတလီန့ၢ်လၢၤပှၤကလုာ်လၢကိးထံကိးကီၢ် တဖၣ်တဂ့ၤအဂီၢ်န့ၣ်လီၤ. တၢ်န့ၣ်ဝံၤအလီၢ်ခံ, အဝဲကဘၣ်တၢ်ပျဲထူၣ်ဖျဲးအီၤတစိၢ်ဖိလီၤ.